“Qeveria mashtron”/ Biznesi krijoi vetëm 410 vende pune

E mërkurë, 13 June 2018 15:47

Të dhënat e INSTAT mbi papunësinë janë një paradoks i pashpjegueshëm në situatë normale, çka hedh dyshime të forta për manipulimin e shifrave zyrtare.

Një ditë më parë INSTAT raportoi se papunësia në Shqipëri shënoi në tremujorin e parë të këtij viti nivelin më të ulët historik, përkatësisht 12.5 për qind ose 0.9 pikë përqindje më pak se fundi i vitit 2017. Kjo edhe pse për të njëjtën periudhë, sipas listëpagesave të dorëzuara tek Tatimet, biznesi privat në sektorin jobujqësor krijoi vetëm 410 vende të reja pune.

Më konkretisht në fund të vitit të kaluar, numri i të punësuarve në sektorin privat jobujqësor, ishte 501 mijë e 341 vetë. Në fund të tremujorit të parë të këtij viti, ky numër arriti 501 mijë e 759 vetë.

Pra në tre muaj kompanitë private në të gjithë Shqipërinë kanë hapur vetëm 410 vende të reja pune. Kjo është shifra më e ulët e rritjes së punësimit në histori. Mesatarisht gjatë viteve të shkuara ekonomia shqiptare ka krijuar 15 deri në 20 mijë vende të reja pune në një tremujor.

Shkalla zyrtare e papunësisë, ajo për të cilin INSTAT thotë se ka rënë në nivelin më të ulët historik del përmes Anketës së Forcave të Punës. Praktikisht kjo anketë është një sondazh, ku INSTAT, pyet rreth 7 mijë persona në të gjithë Shqipërinë, dhe përfundimet pastaj i zgjeron në rang kombëtar.

Pra vetë fakti që është sondazh, e bën shifrën e papunësisë përveçse të pasaktë edhe lehtësisht të manipulueshme.

Por ndryshe nga papunësia, numri i të punësuarve në sektorin privat jobujqësor nuk mund të manipulohet kaq lehtë. Ky numër është treguesi më i sigurtë i shifrave të punësimit, pasi del direkt nga listëpagesat që biznesi dorëzon tek Tatimet.

Rënia e papunësisë që INSTAT deklaron në Anketën e Forcave të Punës nuk përkon me rritjen e të punësuarve që janë deklaruar tek Tatimet.

Kjo hedh dyshime të forta mbi saktësinë e anketës, sipas të cilës papunësia në Shqipëri ka rënë në nivelin më të ulët historik.

Në këto kushte deklaratat pompoze të qeverisë për rënien e papunësisë në nivelin me të ulët historik janë një farse, gati komike. Vetëm 410 të punësuar në tremujorin e parë të vitit, ulën papunësinë në nivelin më të ulët historik.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

VIDEO/Gjimnazistët kapërcejnë hekura pasi u mbyllin dyert për të mos dalë në protestë

Aktualitet

VIDEO/Gjimnazistët kapërcejnë hekura pasi u mbyllin dyert për të mos dalë në protestë

Protesta e studentëve ka bërë që edhe gjimnazistët të ngrihen në protesta. Pikërisht kjo gjë, ka bërë që drejtuesit e këtyre institucioneve me urdhër nga lart, të vendosin mbylljen e portave...

Mbesa e Martin Camajt: Mund të bëhem edhe kamikaze për ta, djalin 16-vjeçar e kanë mbajtur në polici pa dijeninë e prindërve

Aktualitet

Mbesa e Martin Camajt: Mund të bëhem edhe kamikaze për ta, djalin 16-vjeçar e kanë mbajtur në polici pa dijeninë e prindërve

Vera Camaj, mbesa e shkrimtarit dhe akademikut të njohur, Martin Camaj, i është bashkuar protestës së studentëve para Kryeministrisë, ndërsa u shpreh se ka studentëve po u shkelen të drejtat...

Ushtarët e SHBA-së: “Zoti e bekoftë Amerikën, Zoti e bekoftë Kosovën!

Aktualitet

Ushtarët e SHBA-së: “Zoti e bekoftë Amerikën, Zoti e bekoftë Kosovën!

Një video që po qarkullon në internet shihen disa kadetë të Shteteve të Bashkuara të Amerikës të cilët i këndojnë Kosovës Vlen të theksohet se zyrtarët e lartë të Departamentit Amerikan...

Sondazh

Nothing found!

Sondazh

Nothing found!