Prodhuesit e energjisë, Konkurrenca: Çmimi s’mund të mbetet i fiksuar për 15 vite

Tuesday, 10 July 2018 06:55

Prodhuesit me përparësi të energjisë (HEC-et e vegjël privatë) janë përfshirë vitet e fundit në një debat të gjerë lidhur me çmimin me të cilin këta të fundit shesin energjinë e prodhuar tek Operatori i Shpërndarjes së Energjisë. Aktualisht ka një marrëveshje mes palëve për të lidhur kontratë shitblerje për 15 vjet me një çmim të përcaktuar nga Enti Rregullator i Energjisë, çmim ky që nuk do të ndryshojë përgjatë kësaj kohe.

Por në një vendim të fundit të Autoritetit të Konkurrencës kjo situatë konsiderohet si një risk për konkurrencën në treg dhe se çmimi i energjisë për këtë kategori nuk mund të qëndrojë i fiksuar për një kohë kaq të gjatë.
Pan një kërkese të Entit Rregullator të Energjisë, Autoriteti ka bërë një vlerësim të kuadrit ligjor që rregullon këtë marrëdhënie dhe ka konstatuar se ka kontradikta mes këtij vendimi dhe akteve nënligjore.
“Për sa i përket çmimit të shitblerjes së  energjisë elektrike, ai nuk mund të jetë i pandryshueshëm për gjithë periudhën e kontratës, maksimumi 15 vjet, pasi kjo jo vetëm që  bie  në  kundërshtim  me  vetë periudhën  një  vjeçare  të  miratimit  të  çmimeve  sipas metodologjisë së miratuar me VKM nr. 369 datë 26.4.2017, si dhe vendimit të ERE nr.120, datë 27.07.2017 “Mbi përcaktimin e çmimeve të  blerjes së energjisë elektrike të prodhuar nga burimet e vogla gjeneruese fotovoltaike me kapacitet të instaluar deri ne 2MW dhe eolike me kapacitet te instaluar deri në 3 MW”,  por mund  të përbëjë risk për konkurrencën në treg” thuhet në vendimin e Komisionit të Konkurrencës.
Ky i fundit i rekomandon Entit Rregullator të Energjisë që në kontratën e shitblerjes  midis OSHEE dhe PPE të pasqyrohen drejt  parashikimet ligjore lidhur me afatin e kontratave dhe rregullimin e çmimit duke e orientuar atë drejt kostove reale të investimeve, bazuar në kthimin e arsyeshëm të vlerës së tyre, dhe me një kohëzgjatje të arsyeshme.
Sugjerimi i Konkurrencës lidhet edhe me faktin që vetë ERE ka të përcaktuar në një vendim të veçantë se çmimet rishihen në baza vjetore.
“Kjo mënyrë përcaktimi bie në kundërshtim me vetë periudhën një vjeçare të miratimit të çmimeve nga ERE, konkretisht sipas vendimit nr. 120, datë 27.07.2017 ‘Mbi përcaktimin e çmimeve të blerjes së  energjisë elektrike të prodhuar nga burimet e vogla gjeneruese fotovoltaike me kapacitet të instaluar deri ne 2 MË dhe eolike me kapacitet te instaluar deri ne 3 MË’ Gjithashtu kjo është pasqyruar edhe në nenin11 “Çmimi” të kontratës tip, pikë shtesë (pika 4) ku përcaktohet shprehimisht se: ERE përcakton dhe miraton me vendim brenda vitit aktual çmimin e shitjes së energjisë për vitin pasardhës” vlerëson Autoriteti i Konkurrencës.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Basha flet se kush do të jetë kandidati i PD për Tiranën

Politikë

Basha flet se kush do të jetë kandidati i PD për Tiranën

Kryetari i opozitës Lulzim Basha i ndodhur përballë një panel;i gazetarësh në emisionin ‘360 gradë’ foli dhe për kandidatin që do të përfaqësojë opozitën ën zgjedhjet lokale të vitit të...

Gati marrëveshja për BREXIT

Globi

Gati marrëveshja për BREXIT

Teksti i Traktatit të Daljes së Britanisë nga Bashkimi Europian është gati dhe do t’i prezantohet qeverisë britanike të martën. Lajmin e dha kryenegociatori i BE-së për Brexit-in, Michel Barnier.  “Parametrat...

Unaza e re, Basha: 317 familje pa nxirren nga shtëpitë me një kryq

Aktualitet

Unaza e re, Basha: 317 familje pa nxirren nga shtëpitë me një kryq

Kreu i Partisë Demokratike, Lulzim Basha i ftuar në studion e "360 Gradë" në Ora News, e konsideroi të padrejtë shembjen e banesave që preken nga ndërtimi i Unazës së...

Sondazh

Nothing found!

Sondazh

Nothing found!