Indeksi Global i Inovacionit, Shqipëria, dobët me shpikjet, kërkimin dhe kapitalin njerëzor

E mërkurë, 11 July 2018 06:59

Shqipëria është renditur e 83-ta mes 126 vendeve në Indeksin Global të Inovacionit duke u ngjitur me 10 vende në raport me një vit më parë kur ishte në vendin e 90. Por pavarësisht këtij përmirësimi duket se vendi ynë ende mbetet larg disa prej vendeve kyçe të rajonit si Mali i Zi që renditet i 52-i, Kroacia në vendin e 41, Serbia në vendin 55. Maqedonia renditet në vendin e 84. Por cilat janë elementët ku paraqitemi më mirë dhe ato ku vendi ynë performon më dobët që kanë dhënë edhe rezultatin final.

Lidhur me institucionet Shqipëria ka regjistruar 64.5 pikë dhe një renditje në vendin e 55 ku merret parasysh mjedisi politik, efektiviteti i qeverisjes, ambienti rregullator, respektimi i ligjit, lehtësia e nisjes së një biznesi apo lehtësia me të cilën zgjidhen mosmarrëveshjet.
Treguesi i dytë i vënë në peshore është ai i kapitalit njerëzor dhe kërkimit, ku kemi regjistruar vetëm 21.3 pikë dhe një renditje në vendin e 95. Kjo renditje është rezultat i disa elementëve si shpenzimet për edukim në raport me GDP, vitet e shkollimit, të diplomuarit në shkenca dhe teknologji, studimet në kërkim dhe zhvillim, kompanitë me orientim kërkimin dhe zhvillimin, renditja e universiteteve.
Elementi i tretë është infrastruktura ku Shqipëria ka regjistruar 43.5 pikë dhe një renditje në vendin e 62.
Në këtë pjesë kombinohen elementët që lidhen me aksesin në inovacion dhe teknologji, përdorimi i inovacionit dhe teknologjisë, shërbimet qeveritare online, prodhimi energjetik, performance logjistike, përdorimi i energjisë për njësi, certifikimet ISO.
E katërta që kalon në sitë për të nxjerrë indeksin global të inovacionit është sofistikimi i tregut ku jemi renditur në vendin e 38 që është edhe elementi me rezultatin më të mirë të Shqipërisë dhe që merr në llogaritje kreditimin, investimet, konkurrencën tregtinë dhe shkallën e tregut.  Elementi i pestë është sofistikimi i biznesit që na rendit në vendin e 98 ku shihen në detaj punësimi sipas njohurisë së thelluar, kompanitë që ofrojnë trajnime zyrtare, bashkëpunimet industri-universitet, importet neto të teknologjisë së lartë, investimet e huaja direkte, kërkimi për talente si përqindje në një biznes.
Produkte finale në kërkim dhe teknologji është elementi i gjashtë ku Shqipëria ka regjistruar rezultatin më të dobët që ka renditur në vendin e 110 dhe që lidhet me patentat e shpikjeve të regjistruara sipas origjinës, modelet e përdorimit sipas origjinës, pronësia intelektuale, eksportet në inovacion dhe teknologji, investimet shqiptare që shkojnë drejt vendeve të tjera.
E fundit në listën e elementëve është pjesa që lidhet me produktet kreative siç mund të jenë markat dizajnët industriale modele biznesi në teknologji dhe inovacion, krijimi i aplikacioneve në celularë, korrigjimet në Wikipedia. Të gjitha këto na kanë renditur në vendin e 86 me një nivel pikësh prej 23.
Indeksi Global i Inovacionit është një publikim i përvitshëm i Organizatës Botërore të Pronësisë Intelektuale, Cornell SC Johnson College of Bussines dhe INSEAD (Shkolla Botërore për Biznesin).

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Mbaji larg armiqtë e mirëqenies tënde. Ja cilët janë

Lifestyle

Mbaji larg armiqtë e mirëqenies tënde. Ja cilët janë

Më të rrezikshmit janë shtigjet e panatyrshëm që ndjek në jetën tënde, detyrimet që i merr përsipër për të mos zhgënjyer, gjested që i mban përbrenda nga frika se mos...

VIDE/ Policia i thotë “NDAL”, kamikazja hedh veten në erë

Globi

VIDE/ Policia i thotë “NDAL”, kamikazja hedh veten në erë

Një kamikaze në Çeçeni injoroi paralajmërimet e policisë në një pikë kontrolli dhe hodhi veten në erë. Karina Spirindonova shihet në video e veshur me të zeza, duke ecur e vetme...

Haradinaj kërkon që liberalizimi i vizave të futet në axhendën e BE-së

Bota Shqiptare

Haradinaj kërkon që liberalizimi i vizave të futet në axhendën e BE-së

Kryeministri i Republikës së Kosovës, Ramush Haradinaj, sot mori pjesë në takimin e mëngjesit, së bashku me liderë tjerë, të ftuar nga kancelari austriak, Sebastian Kurz, në kuadër të Forumit...

Sondazh

Nothing found!

Sondazh

Nothing found!