“Grabis karburante se kam 2 fëmijë për të rritur”, rrëfimi i Anës nga Fieri

Premte, 27 July 2018 10:39

“Unë isha ideatorja e grabitjes së karburanteve...."

"Kërkoj falje, por isha e detyruar pasi jam nënë e dy fëmijëve, të cilët po i rris e vetme. Nuk kisha asnjë mundësi punësimi, ndaj isha e detyruar të tentoja grabitjen pasi fëmijët kanë nevoja ekonomike”, kështu është shprehur dje në Gjykatën e Fierit 31- vjeçarja Anna Malaj. 

Ajo bashkë me kushëririn e saj, Emiljano Grëmbi, u paraqitën në Gjykatë në orët e paradites dhe pranuan të dy krimin.

Në fund të seancës gjyqësore, trupi gjykues vendosi masën e arrestit me burg, me akuzën “Vjedhja me armë, e kryer në bashkëpunim”, e mbetur në tentativë.

PROVAT 

Të dy kushërinjtë janë sjellë njëri pas tjetrit në Gjykatë me pranga në duar. Teksa 22-vjeçari nxitoi të futej në Gjykatë pa iu hedhur sytë kamerave, kushërira e tij, Anna, nuk ka ngurruar t’u tregojë gishtin e mesit gazetarëve, një shenjë kjo me sa duket proteste për praninë e tyre aty. Masa e arrestit për të dy autorët e dyshuar u dha në të njëjtën seancë. Prokurori i çështjes ka lexuar materialin, duke shpjeguar të gjitha lëvizjet dhe argumentuar provat ndaj të rinjve, Anna Malaj dhe Emiljano Grëmbi, çka i ka vënë ata me shpatulla pas murit dhe i ka detyruar të pranojnë gjithçka. Pasi u njohën me provat e pakundërshtueshme që dispononte organi i akuzës, pranuan se kanë qenë ata autorët e grabitjes së datës 2 korrik dhe dy tentativave të tjera.

DESHMITE

E para që ka folur ka qenë Anna, e cila ishte edhe ideatorja e vjedhjeve. Ajo është shprehur se ka dy fëmijë të mitur, 13 dhe 14-vjeçarë, për të cilët nuk ka pasur asnjë mundësi t’i ushqente.

Sipas saj, fëmijët i ka nga bashkëjetesa në Greqi. Aktualisht, vajza e madhe, 14-vjeçe, jeton me prindërit e saj në Greqi. Ndërsa djali 13-vjeç jetonte me të në banesën e prindërve të saj në Mallakastër.

Anna kërkoi falje në Gjykatë, duke pretenduar se krimin e kishte kryer nga nevoja ekonomike dhe kërkoi mëshirë që ta lironin pasi nuk kishte kush të kujdesej për të miturit e saj.

“E pranoj që e kam bërë këtë veprim dhe jam penduar. Kërkoj falje. E bëra sepse fëmijët kanë nevoja ekonomike dhe unë nuk kam asnjë mundësi t’i mbaj pasi jam nënë e vetme”, ka thënë ajo para trupit gjykues./panorama

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Përse duhet mbështetur një kauz e drejtë, lexoni pastorin gjerman

Aktualitet

Përse duhet mbështetur një kauz e drejtë, lexoni pastorin gjerman

Përse duhet mbështetur një protestë e një kauze të drejtë? Lexoni “ They first came...” të pastorit gjerman Martin Niemöller. Ne fillim erdhen... -Ne filim erdhen per komunistetUne nuk fola se nuk...

VIDEO/ Tifozët shqiptarë zbresin në fushë

Sport

VIDEO/ Tifozët shqiptarë zbresin në fushë

Më shumë se goli, tifozët shqiptarë i ka gëzuar prania e yllit të Realit, futbollistit të Uellsit Gareth Bale. Pak çaste pas përfundimit të ndeshjes një situatë e pazakontë është...

600 policë italianë për 8 vila të paligjshme të mafias

Globi

600 policë italianë për 8 vila të paligjshme të mafias

Policia italiane konfiskoi tetë vila të ndërtuara në mënyrë të paligjshme nga anëtarët e mafias në zonën e Romës. Plot 600 agjentë policie u angazhuan për këtë mision, kundër një klani...

Sondazh

Nothing found!

Sondazh

Nothing found!