Aksidentohet familja shqiptare në Kanada, vdes babai dhe djali

Premte, 24 August 2018 18:17

Nga Beqir SINA - New York

Dy shqiptarë kanë humbur jetën tragjikisht në një aksident rrugor në Kanada. Katër anëtarë të një familje shqiptare që udhëtonin me makinë, u përplasën me një automjet tjetër në Ontario.

Mediat kanadeze shkruajnë se viktimat janë Fatos Metko 45 vjeç nga Erseka dhe djali i tij Fioralb Metko 14 vjeç. Të plagosur mbetën bashkëshortja e Fatos Metko, Maralba dhe vajza e tij Brianna. Ato janë dërguar në spital ku po marrin ndihmë mjekësore.

Ndërkohë, nga automjeti i dytë i përfshirë në aksident humbën jetën dy persona të tjerë me shtetësi kandaze, Cynthia Caraoa 51 vjeç dhe 9-vjeçarja Anika Caraoa e Winnipeg. Ndërkohë, tre persona të tjerë po nga automjeti i dytë kanë mbetur të plagosur.

Shtypi vendas raporton se Fatos Metko kishte punuar si kuzhinier në dy restorante për më shumë se 9 vjet. Kështu shprehet edhe bashkëpunëtori i 45-vjeçarit Metko, shqiptari Ervin Bushi. Ky i fundit ka punuar për 8 vite me viktimën, dhe thotë se Fatosi ishte një ndër personat më punëtorë.

“Mjaftonte që të kërkoje ndihmë dhe ai nuk thoshte jo….Ishte një shembull i mirë për të gjithë punonjësit tanë. Ai dhe gruaja e tij ishin të dy punëtorë. Punonin çdo ditë në industrinë e shërbimit dhe të restoranteve. Përpiqeshin t’u ofronin fëmijëve më të mirën. Është e trishtë që përfundoi kështu”, shprehet Ervin Bushi.

Familja Metko po udhëtonte drejt Ontarios për të vizituar qytetin, me synimin për t’u shpërngulur në atë qytet aty javët e ardhshme. Çifti shqiptar kishte nisur procedurat për të regjistruar në shkollë dy fëmijët. Përmes një deklarate, Shoqata Shqiptaro-Kanadeze tha se po mbledhin fonde për familjen Metko që u përfshi në aksidentin tragjik. Policia kanadeze bëri me dije se automjeti me të cilin udhëtonte familja shqiptare u përplas fillimisht me një dre dhe më pas humbi kontrollin duke u përplasur me një makinë tjetër

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ferrari zbulon makinën e saj më të fuqishme

Lifestyle

Ferrari zbulon makinën e saj më të fuqishme

Ferrari ka prezantuar atë që e quan makinën më të fuqishme që ka prodhuar ndonjëherë.   Mjeti që quhet Monza ka një dizajn ekstrem, që është i frymëzuar nga forma e makinave...

Ministri gjerman: Popujt e Ballkanit meritojnë ti bashkohen BE por kjo varet nga reformat

Politikë

Ministri gjerman: Popujt e Ballkanit meritojnë ti bashkohen BE por kjo varet nga reformat

Ministri i Jashtëm gjerman, Heiko Maas ekskluzivisht për DW : "Mbresëlënëse se sa entuziastë janë njerëzit e këtij rajoni për vlerat e unionit". Maas viziton Tiranën në kuadër të turit...

Ambasadori i ri i Katarit paraqet Letrat Kredenciale te Presidentit Meta

Politikë

Ambasadori i ri i Katarit paraqet Letrat Kredenciale te Presidentit Meta

Presidenti i Shqiperise Ilir Meta, pranoi Letrat Kredenciale nga Ambasadori i ri i Shtetit të Katarit në vendin tonë, zotit Ali bin Hamad Al-Marri. Presidenti Meta vlerësoi marrëdhëniet mes dy vendeve, si...