“Magjia” e TAP drejt mbarimit; Investimet e huaja bien me 70 milionë euro në tremujorin e dytë

Hënë, 10 September 2018 13:09

Pas rritjes së fortë në tremujorin e parë të vitit, investimet e huaja direkte janë ngadalësuar në periudhën prill-qershor, duke reflektuar faktin që punimet për ndërtimin e gazsjellësit TAP po shkojnë drejt fundit.

Statistikat e bilancit të pagesave të Bankës së Shqipërisë bëjnë të ditur se në tremujorin e dytë, investimet e huaja direkte ishin 212 milionë euro, me një rënie prej 70 milionë eurosh në krahasim me tre muajt e parë të vitit, kur ato arritën në nivelin rekord të dy viteve të fundit, duke shënuar 282 milionë euro.

Niveli i lartë në tremujorin e parë kishte të bënte me faktin që punimet për gazsjellësin TAP ishin në një terren të vështirë, teksa tubat kaluan poshte lumenjve në zonën e Skraparit, sipas burimeve zyrtare nga TAP, dhe njëkohësisht u ndërtua dhe stacioni i mikrokompresorëve të Çorovodës.

TAP është investimi më i madh në Shqipëri. Sipas burimeve zyrtare nga kompania, të bërë të ditura për Monitor, investimi total për ndërtimin e segmentit të gazsjellësit TAP në Shqipëri përllogaritet në rreth 1.5 miliard euro. Këtu përfshihen të gjitha kostot që nga tubat, ndërtimi i stacionit të kompresorëve, atij të matjes, valvulat e bllokimit, pajisjet, makineritë, dhe çdo gjë tjetër për ndërtimin e gazsjellësit.

Sot, rreth 80% e punimeve totale për ndërtimin e segmentit tokësore të TAP në Shqipëri është i përfunduar. Në muajt në vazhdim ndërtimi do të fokusohet tek segmenti më i vështirë i të gjithë gazsjellësit, në malin e Ostrovicës në rreth 2100 metra mbi nivelin e detit. Këtu ndodhet edhe pika më e lartë e të gjithë gazsjellësit TAP nga kufiri turko-grek e deri në Itali.

Duke lëvizur nga pika më e lartë tek pika më e ulët, në Shtator pritet të fillojnë punimet para-përgatitëse për pikën e daljes së tubacionit në det e për të vijuar me tej punimet për segmentin detar nga anija.

Pavarësisht ngadalësimit në tremujorin e dytë, për 6 mujorin, investimet e huaja arritën në total në 494 milionë euro, me një rritje prej 28% në krahasim me 6 mujorin e parë 2017, si rrjedhojë e intensifikimit të punimeve për gazsjellësin. Por për fat të keq, ky projekt është drejt mbarimit, duke e lënë vendin “zbuluar” ndaj investimeve të huaja. Institucionet e huaja ndërkombëtare kanë kërkuar vazhdimisht që investimet e huaja të diversifikohen, drejtor sektorëve të teknologjisë së informacionit dhe atyre me vlerë të shtuar të lartë, por deri tani pjesën më të madhe të tyre e ka përbërë energjia (punimet për gazsjellësin TAP dhe HEC e Devollit), nafta (që kryesisht është nxjerrje e naftës bruto nga nëntoka e pasur dhe jo përpunim) , dhe bankat (që më së shumti është shtimi i kapitalit, si rrjedhojë e kërkesave rregullatore të Bankës së Shqipërisë).

Sipa raportit të bilancit të pagesave të Bankës së Shqipërisë, që i referohet tremujorit të parë, investimet e huaja ishin kryesisht të përqëndruara në sektorin e energjetikës (në masën 62%), në sektorin e hidrokarbureve (me rreth 10%) dhe atë të ndërmjetësimit financiar (në masën 8%). monitor

Capture-13.png

 

 

Modifikuar më Hënë, 10 September 2018 13:13

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zbulohet ndeshja e trukuar nga grupi "Bajri"

Aktualitet

Zbulohet ndeshja e trukuar nga grupi "Bajri"

Mes 11 personave të arrestuar si pjesë e grupit kriminal "Bajri", është edhe shtetasi Armir Grima, trajner i kombëtares së futbollit për femra i cili gjatë karrierës së tij sportive...

"Pronari më shikonte format, më kërkonte foto' 23 vjeçarja tregon ngacmimin seksual në punë

Aktualitet

"Pronari më shikonte format, më kërkonte foto' 23 vjeçarja tregon ngacmimin seksual në punë

Ada është një vajzë 23-vjeçare nga Berati, e cila pasi përfundoi studimet e larta vendosi që të qëndrojë në Tiranë për t’u punësuar.Por, në ambientet punëdhënëse që ajo ka frekuentuar...

Punime në stacionin Selitë, ja zonat pa energji elektrike nesër

Aktualitet

Punime në stacionin Selitë, ja zonat pa energji elektrike nesër

Operatori i Shpërndarjes së Energjisë Elektrike njofton abonentët e Tiranës se nesër do të ketë ndërprerje të energjisë elektrike për shkak të punimeve në nënstacionin Selitës. OSHEE bën me dije se...