​Llorisi kërkon falje pas arrestimit të tij

Tuesday, 11 September 2018 13:28

Portieri francez i Tottenhamit, Hugo Lloris, e ka pranuar se kishte bërë gabim kur vendosi të voziste veturën e tij në gjendje të dehur, gjë për të cilën edhe u arrestua. Ai i ka kërkuar falje të gjithë tifozëve, klubit, si dhe familjes.

Llorisi, i cili triumfoi me Kombëtaren e Francës në turneun e Kupës së Botës në Rusi, ka bërë të ditur se ai është duke e bërë më të mirën e tij për t’u përqendruar në gjërat më të rëndësishme për të, futbollin, shoqëria dhe familja e tij.

Në fund të gushtit, Llorisi ishte arrestuar në Londër pasi që ishte zënë nga policia duke vozitur në gjendje të dehur. Pas këtij incidenti, ai nuk ka luajtur më asnjë ndeshje, as për Tottenhamin e as për Francën, pasi që e ka pësuar një lëndim.

Megjithatë, ai e ka shprehur dëshirën e tij për t’u rikthyer edhe më fuqishëm pas këtij incidenti, për të cilin është penduar shumë.

“Dua t’i kërkoj falje nga zemra familjes sime, klubit, bashkëlojtarëve, trajnerit dhe të gjithë tifozëve”, ka thënë Llorisi në një deklaratë të lëshuar nga Tottenhami.

“Vozitja nën ndikimin e alkoolit është plotësisht e papranueshme dhe unë marr përgjegjësi të plotë për veprimet e mia. Ky nuk është shembulli që dua t’i jap të tjerëve”.

“Si të gjithë, edhe unë kam jetën time private. Bëra një gabim. E pranoj përgjegjësinë për këtë veprim. Duhet të përqendrohem në gjërat më të rëndësishme për mua, futbollin, shokët e mi, familjen time. Gjithmonë dua të dal në fushë, të kënaqem dhe të përmirësohem”. 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Largimi i Panuccit, Duka: Nuk është në dorën time

Sport

Largimi i Panuccit, Duka: Nuk është në dorën time

Qëndrimi ose jo i Christian Panuccit është kthyer në një çështje në kombëtaren shqiptare. Rezultatet negative dhe loja e dobët kanë bërë që drejt italianit të vërshojnë kritika të shumta. Megjithatë...

KPK e kualifikoi, ndërkombëtarët kërkojnë përjashtimin e prokurorin

Aktualitet

KPK e kualifikoi, ndërkombëtarët kërkojnë përjashtimin e prokurorin

Komisioneri Publik ka ankimuar vendimin për kalimin e procesit të vettingut për gjyqtarin e Gjykatës së Apelit të Shkodrës, Arben Dollapaj. Sipas Komisionerit Publik, hetimi nga Komisioni i Pavarur i...

Greqia, Bosnja,... vendet që bllokuan Kosovën në INTERPOL

Bota Shqiptare

Greqia, Bosnja,... vendet që bllokuan Kosovën në INTERPOL

Kosova dështoi sot të bëhet pjesë e organizatës më të madhe ndërkombëtare të policisë, Interpol. Kosova në këtë mënyrë nuk ka arritur që të futet në mesin e 192 shteteve...

Sondazh

Nothing found!

Sondazh

Nothing found!