Vdekja e foshnjës në maternitet, reagon spitali: Fëmija vuante nga një sindromë e rrallë

E mërkurë, 12 September 2018 20:34

Ka reaguar zyrtarisht spitali i Durrësit, pas vdekjes në matrernitet të foshnjës që kishte lindur para 4 ditësh.

Pas akuzave të familjarëve, që bënin përgjegjës mjekët për mosmjekimin e duhur, shefja e pavionit të të porsalindurve, Dhurata Besholli, ka thënë se fëmija kishte pasur komplikacione ndërsa ishte e bërë e pamundura për ta mbajtur atë në jetë.

“Bëmë të pamundurën për të mbajtur fëmijën në jetë. Pati komplikacione dhe kishte thyerje te të gjitha kockave. Le ta përcaktojë ekspertiza shkakun, jemi të hapur për çdo lloj hetimi. Kam asistuar vetë në lindjen e fëmijës dhe kemi bërë të pamundurën për ta mbajtur në jetë foshnjën”, tha Besholli.

Edhe spitali i Durrësit ka reaguar me anë të një deklarate për shtyp ku sqaron se foshnja vuante nga një sindromë gjenetike, që ishte shkaktare e vdekjes.

“Duke shprehur ngushëllimet familjarëve për humbjen e fëmijës së tyre, drejtoria e spitalit rajonal të Durrësit sqaron opinionin publik, në lidhje me lajmin e publikuar në media për mosveprim të mjekëve në rastin e humbjes së jetës së një foshnje të porsalindur’ si vijon:

Pacientja V. G., u paraqit në spital më datë 07. 09. 2018 në orën 08.00, gravidance 39 javë, paraqitje podalike dhe menjëherë u krye ndërhyrja sectio caesarea segmentare.

Pacientja është asistuar me profesionalizëm gjatë lindjes dhe foshnja u reanimua në sallën e operacionit dhe më pas në repartin e terapisë intensive, në mënyrë kosultative.

Sipas mjekut operator, ekstraksioni i fetusit paraqiti vështirësi dhe u vu re gjatë lindjes frakturë femorale dhe humerale, vërtetuar dhe me grafi.

Stafi mjekësor ka dhënë trajtimin maksimal, në konsultë me ortopedët dhe shërbimin terciar, por fatkeqësisht fëmija ka qenë në gjendje të rëndë dhe nuk ka arritur të mbijetojë, duke ndërruar jetë më datë 11. 09. 2018.

Sipas mjekëve, foshnja dyshohet të ketë pasur një sëmundje të rrallë gjenetike, anomali skeletike kongenitale, që mund të vlerësohet nga autopsia.

Aktualisht është kryer autopsia dhe priten rezultatet e ekspertizës mjeko-logjore për shkakun e vdekjes së foshnjes”, thuhet në reagimin e spitalit të Durrësit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Konflikti Izrael-Gaza shpërthen sërish

Globi

Konflikti Izrael-Gaza shpërthen sërish

Dhuna ka shpërthyer mes Izraelit dhe militantëve palestinezë në Gaza, një ditë pasi shtatë militantë dhe një ushtar izraelit u vranë gjatë një operacioni të fshehtë izraelit në Gaza. Militantët hodhën...

Qytetarët denoncojnë radhë kilometrike në doganën e Kakavijës dhe Kapshticës

Aktualitet

Qytetarët denoncojnë radhë kilometrike në doganën e Kakavijës dhe Kapshticës

Radhë të gjatë kilometrike në pikën e kalimit kufitar të Kakavijës në Gjirokastër. Një qytetare që ka dërguar pamjet pranë Ora News, thotë se ndodhet që prej orës 16:00 në...

101 vjeçarja ngatërron Merkel me zonjën e parë franceze

Globi

101 vjeçarja ngatërron Merkel me zonjën e parë franceze

Një ngjarje interesante ka ndodhur në Francë gjatë ceremonisë për të  përkujtuar 100 vjetorin e përfundimit të Luftës së Parë Botërore. Një grua 101-vjeçare ka ngatërruar kancelaren Angela Merkel me bashkëshorten...

Sondazh

Nothing found!

Sondazh

Nothing found!