Euro vendos rekord pas rekordi, zbret në 123.87 lekë, humb 10 lekë brenda vitit

Premte, 07 December 2018 17:21

Euro ka hyrë në një cikël rënës ditët e fundit, duke shënuar rekord pas rekordi të niveleve më të ulëta të 11 viteve.

Sipas kursit zyrtar të Bankës së Shqipërisë, një euro u këmbye sot me 123.87 lekë, duke rënë me 0.08 lekë në raport me ditë e mëparshme. Gjatë kësaj javë monedha e përbashkët ka rënë me 0.39 lekë, duke shënuar rënien më të madhe javore që nga fillimi i muajit qershor.

Dy ditë më parë, euro zbriti në 124.11 lekë, duke arritur në nivelin më të ulët që nga shkurti i vitit 2008 dhe duke tejkaluar nivelin e fillimit të qershorit prej 124.17 lekë, kur euro kishte hyrë në një trajektore rënëse, që më pas u ndal nga një seri ndërhyrjesh të Bankës së Shqipërisë që tërhoqi më shumë se 100 milionë euro nga tregut, duke e çuar deri në 126.7 lekë.

Por, pasi Banka i dha fund ndërhyrjeve dhe sinjalizoi që do e lërë tregun të lirë, monedha e përbashkët hyri sërish në një trajektore rënëse, duke reflektuar ofertën e lartë për të, në raport me kërkesës dhe qarkullimin e dobët të lekut.

Në krahasim me fillimin e vitit, kur arriti në gati 134 lekë, euro ka humbur 10 lekë, duke shënuar rënien më të madhe vjetore që nga viti 2004.

Aktorët e tregut pohojnë se krahas faktorëve më afatgjatë të kërkesë-ofertës, tashmë po ndikojnë dhe efektet sezonale, ku euro gjithnjë në dhjetor humb pikë, si rrjedhojë e prurjeve të shtuara nga emigrantët. Por, ndërsa zakonisht prurjet fillojnë të ndikojnë pas datës 20 dhjetor, këtë vit tendenca nisi që në fillim të dhjetorit.

Sipas serive kohore të Bankës së Shqipërisë, niveli minimal historik i euros ka qenë 120.9 lekë dhe është arritur në dhjetor të vitit 2007. Më pas euro u forcua, e ndikuar kryesisht nga transferimi i ftimeve të kompanive celulare jashtë vendit, duke arritur rekordin prej 141.8 lekëve në maj të vitit 2011 dhe u stabilizua për disa vjet në kuotën e 14 0 lekëve. Më pas euro filloi sërish rënien në mesin e 2016-s, duke reflektuar ofertën e shtuar pas kultivimit masiv të kanabisit në vend.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Pedagogia: Nuk e di çfarë do më shumë Nikolla për të dhënë dorëheqjen

Aktualitet

Pedagogia: Nuk e di çfarë do më shumë Nikolla për të dhënë dorëheqjen

Shefja e departamentit të Letërsisë në Fakultetin Filologjik Lili Sula e ftuar në studion e "Ora News", tha se nuk e di se çfarë pret më shumë ministrja e Arsimit...

Ish-ministrit: Largimi i kësaj qeverie është pak, duhet ...

Politikë

Ish-ministrit: Largimi i kësaj qeverie është pak, duhet ...

Pas skandalit në lidhje me kompaninë Dunwell Haberman, e cila fitoi lotin e parë prej 18 milionë euro për rindërtimin e Unazës përmes falsifikimit, si dhe 11 milionë të tjera...

Studenti i Infermierisë: Protesta duhet të zhvendoset tek kryeministria

Aktualitet

Studenti i Infermierisë: Protesta duhet të zhvendoset tek kryeministria

Studenti i Infermierisë, por në një Universitet privat thotë se i është bashkuar protestës pasi sipas tij kauza është e të gjithë shqiptarëve. Ai tha në maratonën e Ora News se...

Sondazh

Nothing found!

Sondazh

Nothing found!