Brukseli zhvlerëson Shqipërinë, ul projeksionet për rritjen ekonomike

E Enjte, 03 May 2018 18:35

Komisioni Europian ka ulur ndjeshëm projeksionet për rritjen ekonomike të Shqipërisë gjatë këtij viti dhe atij të ardhshëm. Tashmë, projektohet një rritje ekonomike në 3.6% këtë vit, nga 3.8% që vlerësohej në raportin e Janarit, dhe në 3.9% vitin e ardhshëm, nga 4.2% që projektohej në raportin e kaluar.

Pra, kemi të bëjmë me një ulje të projeksioneve me 0.2 dhe 0.3 pikë përqindje respektivisht. Pavarësisht shkurtimit të ndjeshëm të projeksioneve, i dyti me radhë, Komisioni Europian vlerëson me tone pozitive ekonominë shqiptare, duke saktësuar se rënia ekonomike gjatë këtij viti është rrjedhojë e uljes së ritmit të investimeve.

Konsumi privat nga ana tjetër evidentohet si lokomotiva e rritjes ekonomike. Tregtia e jashtme projektohet që të japë një kontribut negativ në rritjen ekonomike të vendit.

“Rritja e fuqishme ekonomike pritet të vazhdojë. Konsumi privat do të mbetet motori i rritjes, duke marrë shtysë nga rritja e punësimit, pagat më të larta dhe besimi konsumator mbi mesataren. Politikat lehtësuese monetare do të nxisin shpenzimet familjare dhe investimet e biznesit”, thotë Komisioni Europian në raportin e fundit për projeksionet ekonomike të pranverës në Bashkimin Europian dhe vendet kandidate.

Sa i përket rreziqeve ndaj rritjes ekonomike, Brukseli evidenton vonesat në implementimin e reformave strukturore. Faktorët që mund të nxisin një rritje më të madhe ndërkohë lidhen ngushtë me perspektivën për anëtarësim të vendit. Kjo gjë mund t`i japë një shtysë ekonomisë, thotë Brukseli zyrtar./Scan

Modifikuar më E Enjte, 03 May 2018 18:40

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kështu dashurojnë shenjat e horoskopit

Lifestyle

Kështu dashurojnë shenjat e horoskopit

Kombinimi i dashurisë dhe i hormoneve është shumë i fuqishëm, kjo është e sigurt. Ne mund të mos duam ta pranojmë që bëhemi të bezsdisshëm kur biem në dashuri, por dashuria...

Foto e Ditës/ Elisabeth Millard mbledh deputetet, diskutohet fuqizimi i grave

Politikë

Foto e Ditës/ Elisabeth Millard mbledh deputetet, diskutohet fuqizimi i grave

Krye Zv. Ndihmës Sekretarja e Shtetit për Çështjet Europiane dhe Euroaziatike Elisabeth Millard dhe e Ngarkuara me Punë Leyla Moses-Ones u takuan me Aleancën e Grave Deputete të Parlamentit shqiptar...

Arrestohet një avokate, nën hetim dhe një prokuror

Aktualitet

Arrestohet një avokate, nën hetim dhe një prokuror

Një avokate është arrestuar gjatë ditës së sotme për korrupsion, ndërsa nën hetim është vënë edhe një prokuror. Arrestimet janë bërë në Tiranë, ndërsa Krimet e Rënda kanë bllokuar prej 4...