Qeveria gënjeu për teatrin, shembjen e propozoi kompania që do ndërtojë kullat

E mërkurë, 28 Mars 2018 16:07

Shembja e godinës së Teatrit Kombëtar dhe ndërtimi i një të riu ka qënë ideja e një kompanie private dhe jo domosdoshmëria për të shmangur rrënimin e saj. Kjo u bë publike këtë të mërkurë nga Ministrja e Kulturës Mirela Kumbaro e thirrur në Komisionin parlametar të Medias për të raportuar në lidhje me shembjen e Teatrit Kombëtar.

Edhe pse  në daljet publike Kryetari i Bashkisë Erjon Veliaj dhe kryeministri Edi Rama thanë se shembja e godinës po bëhet pasi rrezikohet jeta e aktorëve, vetë qeveria nuk ka zhvilluar ndonjë studim për të vërtetuar këtë gjë. E ngacmuar nga deputetët e opozitës Ministrja Kumbaro tha se ishte kompania private "Fusha sh.p.k" që ka paraqitur një kërkesë në Bashkinë e Tiranës  për të ndërtuar një godinë të re dhe kjo kërkesë  është  pranuar.

Vokshi: Ke gënjyer zyrtarisht, ja tek e ke dokumentacionin. Jep dorëheqjen. Kompania që ju keni përzgjedhur për ndërtimin e Teatrit është e njëjtë me atë që ka ndërtuar sheshin Skënderbej.

Kumbaro: Në arkivat zyrtare të Ministrisë së Kulturës nuk ka qenë. Ishte subjekti privat që paraqiti kërkesën te Bashkia e Tiranës, dërgoi projektin e Bjarke Ingels, i famshëm në disa ndërtesa  arkitekturore në botë"

Vokshi: Nuk ishte qeveria që e kërkoi ndërtimin e godinës së re?

Kumbaro: Ishte subjekti që paraqiti projektin në Bashki...

Vokshi: Domethënë qeveria nuk ka bërë studim për të gjitha ato që pretendon se godina rrezikon shembjen. Paska qënë kompania private që i intereson ndërtimi i Teatrit të ri

Kumbaro: Kam katër vjet që përballem me situatën në Teatrin Kombëtar që nuk është bërë asgjë. Qeveria juaj hodhi në kosh 6 milionë euro, me idenë që ta kthente piramidën në Teatër, dhe Teatri u la në gjendjen që është sot.

Kumbaro dhe deputetja Albana Vokshi, ngritën zërin herë pas here, teksa deputetja demokrate kërkoi dorëheqjen e ministres.

Kompania "Fusha sh.p.k" është e njëjta kompani që ka ndërtuar sheshin "Skënderbej" . Teatri i ri mendohet se do të jetë një projekt në partneritet me privatin.

Biznesmenët që do të ngrejnë kullën do të paguajnë një pjesë të parave për godinën e Teatrit.

Modifikuar më E mërkurë, 28 Mars 2018 17:23

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Të martën përgatituni për ndryshimin drastik të motit në Shqipëri

Aktualitet

Të martën përgatituni për ndryshimin drastik të motit në Shqipëri

Teksa Shtetet e Bashkuara të Amerikës përballen me një dimër të parakohshëm, me reshjet të dendura dëbore që deri më tani ka shkaktuar të paktën 8 viktima, edhe Europa duket...

Lamtumirë kilogram! Shkencëtarët votojnë ndryshimin

Kuriozitete

Lamtumirë kilogram! Shkencëtarët votojnë ndryshimin

Rreth 130 vite pasi kilogrami u përcaktua nga një masë metali që është mbajtur në një kasafortë në Paris, shkencëtarët kanë votuar për ndryshim dhe një sistem të ri që...

Aksident i rëndë në aksin Librazhd – Elbasan

Aktualitet

Aksident i rëndë në aksin Librazhd – Elbasan

Një aksident ka ndodhur mbrëmjen e sotme në aksin rrugor Librazhd – Elbasan. Aksidenti ka ndodhur pranë lokalit të njohur me emrin “Zeneli”. Ka qenë një autobus që është përplasur me...

Sondazh

Nothing found!

Sondazh

Nothing found!