Dasma historike e kombit shqiptar rikthehet në kalanë e Kaninës

E Enjte, 12 Prill 2018 18:32

Artisti Fate Velaj realizon ëndrrën e tij të vjetër, organizimin për herë të parë në histori të “Dasmës së Skënderbeut”, ashtu siç mund të jetë festuar në atë kohë.

Me pjesëmarrjen e një delegacioni prej 60 vetash, ardhur nga Arbëreshët e Italisë, në përbërje të së cilëve është dhe Loris Castriota Scanderbeg – stërnipi i Gjergj Kastriotit, do të festohet 567 vjetori i dasmës më historike të kombit shqiptar si dhe 590 vjetori i lindjes së Donika Gjergj Arianitit në Kaninë.

Fate Velaj u shpreh se ”kjo është hera e parë që realizohet ”Dasma e Skënderbeut” në mënyrën si është festuar në atë kohë. Do të realizohet një altar në kalanë e Kaninës ku mendohet të jetë martuar me Donikën”.

“Personazhi që do të sjellë Skënderbeun do jetë i veshur njësoj dhe me përkrenaren pra për ta sjell këtë dasmë sa më origjinale, duke realizuar të gjitha ritet e traditës siç mendohet ti ketë bërë dhe Skënderbeu në dasmën e tij. Gjithashtu personazhe të tjerë do të jenë pjesëmarrës të cilët do të japin idenë e të ftuarve të shumtë që kanë qenë të pranishëm në dasmën e Heroi tonë Kombëtar”, thotë Velaj duke zbuluar detaje nga ky event artistik kaq i veçantë.

”Kjo është hera e parë që realizohet një event i tillë e shpresojmë që të realizohet çdo vit. Në fund të aktivitetit do të mbillet një pemë ulliri në përkujtim të Skënderbeut në Kaninën në të cilën ai lidhi jetën me Donikën e që sipas gojëdhënave, dasma ka zgjatur tre ditë, e ku mbas festimeve të Kaninës, do të nisemi për te Manastiri i Ardenicës, aty ku Skënderbeu dhe Donika kurorëzuan martesën e tyre në kishë”, u shpreh Velaj.

Ky aktivitet do të zhvillohet më datë 22 prill në kështjellën e Kaninës dhe vjen falë bashkëpunimit të Shoqatës Patriotike “Kanina” ,me Lëvizjen “Foleja Kombëtare Shqiptare” dhe Bashkinë e Vlorës, duke sjellë për herë të parë një aktivitet me këto lloj përmasash ku festimeve do i bashkohen dhe grupi polifonik i Kaninës, ansambli i këngëve dhe valleve të Vlorës si dhe miq e dashamirës nga trevat shqiptare.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Gruevski i kishte zbrazur llogaritë bankare qysh në shtator

Globi

Gruevski i kishte zbrazur llogaritë bankare qysh në shtator

Ish-kryeministri Nikolla Gruevski qysh në shtator, kur mbajti një konferencë për shtyp në Kuvend dhe akuzonte pushtetin duke thënë se është viktimë e persekutimit politik, kishte tërhequr të gjitha paratë...

Doli te Arian Çani me si ‘magjistar’ që shëron xhindët, nuk ua merr mendja se çfarë i gjeti policia në shtëpi

Bota Shqiptare

Doli te Arian Çani me si ‘magjistar’ që shëron xhindët, nuk ua merr mendja se çfarë i gjeti policia në shtëpi

Hysri Peqanit, i njohur si “Burdushi”, mjek popullor që pretendon se shëron shumë sëmundje, e ka pisk punën me policinë. Gjatë një kontrolli në banesën e tij është gjetur një...

Behuni gati për më të keqen, ja kur do te ulen drastikisht temperaturat

Aktualitet

Behuni gati për më të keqen, ja kur do te ulen drastikisht temperaturat

Ditën e sotme ka rënë bora e parë në Dardhë të Korçës. Temperaturat kanë nisur të ulen ndjeshëm dhe kjo ndjehet kryesisht në orët e para të mëngjesit dhe ato të...

Sondazh

Nothing found!

Sondazh

Nothing found!