Taso: “Piktura ime nis me 500-vjetorin e lindjes së Skënderbeut, 1968

Tuesday, 21 August 2018 17:29

Nga Dhimitër Gegprifti

Nuk mund të kuptohej çelja e sezonit veror në qytetin e Pogradecit në 16 qershor 2018 pa një ekspozitë pikture me 80 punime në Qëndrën Kulturore “Lasgush Poradeci”, Galeria e Artit nga “Piktori i Merituar” dhe “Qytetar Nderi” i këtij qyteti Anastas Kostandini (TASO) Ekspozita në përmbajtjen e saj është titulluar: ” Ngjyrat e vendlindjes”, e cila përmbylli aktivitetet e kësaj dite, tashmë traditë e këtij qyteti. “Ky është një cikël etydesh, pikturash e vizatimesh të krijuara drejtpërdrejt në natyrë. Rrugtimi im artistik në plainair-in e Pogradecit ka filluar shumë herët.

Pavarësisht njohjes absolute të qytetit tim dhe rrethinave të tij, peizazhi arrin të më befasoj vazhdimisht…”. Këto janë fjalët e piktorit Taso në këtë ekspozitë.

Një pasaportë artistike për Piktorin…

Nuk është lehtë të shkruash për personalitete, intelektualë dhe artist të penelit të këtij niveli, me një prodhimtari pa kufi e pa pushim në vite nga mosha 14-vjeçare.

Akoma më i vështirë na duket ky moment dhe ky personazh i shkrimit tonë, kur gjeografia artistike e veprave të tij ka kaluar dete e oqeane, kufij kontinentesh, deri në Zelandën e Re, kur nga peneli, lapsi, pasteli, vaji, akuareli i tij kanë dalë  mijëra e mijëra punime. Një jetë e tërë, që “fle” dhe “flet”,  sa herë kërkon koha dhe momenti. Të vështirë të shkruash për Tason tonë, kur për të mund të jenë shkruar qindra faqe. Një paralele me veprën letrare të Gëtes, që janë shkruar mjëra faqe.

Vështirë e kemi pasur, duke menduar se cila është e veçanta, që do t’i sjellim lexuesit për piktorin e qytetit tonë. Mendojmë se mund të kemi sjellë diçka të veçantë e të re nga kjo ekspozitë dhe nga biseda me “ Piktorin e Merituar” TASO.                      

-Çfarë mësuam nga biseda me artstin e Penelit?

U lind në Pogradec (Shqipëri) në vitin 1954.

Po të llogaritish të gjitha llojet e ekspozitave dhe të gjithë ambjentet,ku janë çelur mund të arrinë numërin rreth 100 syresh. I ka të rralla ditët që të mos pikturojë në ditën e dytë apo të tretë pas një ekspozite. Kështu mund të arrijë një fond prej gati 4000-5000 punimesh: vaj, akuarel, pastel, vizatim. Nga gjithë kjo krijimtari na thotë Taso, 80 % janë nga qyteti im, me ngjyrat e tij të pambarimta.

Unë jam zhytur në një marrëdhënie të përherëshme me qytetin tim, unë jetoj gjithmonë me ngjyrat e vendlindjes sime, Pogradec.

Oborri apo Qilari i Bashove mbetet një burim frymëzim i pashtershëm. Nëntor-dhjetor  2017 ekspozitë në Fondacionin “Ivanaj”, Tiranë. Nuk kanë munguar dhe ilustrimet për vepra të Mitrushit e të Lagushit. Trajtimi i temës historike, i ndikuar dhe frymëzuar nga pedagogët e tij: Fatmir Haxhiu dhe Vilson Kilica dhe një dëshirë për të hapur një ekspozitë në Muzeun e Krujës në kuadër të vitit të Skënderbeut.

Me Skëndëerbenë në konkurs, me Skënderbenë tani Artist…

Ëndrra për t’u bërë piktor i ka fillimet në vitin 1968, kur Taso u paraqit para Komisionit të Vlerësimit me një punim për Skënderbeun dhe dy skulptura, me të cilat konkurroi dhe fitoi, puna e bëri Artistin, që kemi sot. Në vazhdim të kësaj pune lidhur dhe me përditshmërinë Taso ka ideuar, pse jo dhe projektuar, në kuadër të 50-vjetorit të krijimtarisë së tij, një ekspozitë me temë: “Kalorësia Mokrare”, pjesë e pandarë e ushtrisë së Skënderbeut. Ai shkon edhe më tej, kur mendon dhe pohon se do t’i shoqerojë edhe me shkrime përkatëse, sipas zhanreve të krijimtarisë artistike në pikturë. Ky është personazhi i shkrimit tonë, Artisti i Penelit, “Qytetar Nderi” i qytetit tonë Anastas Kostandini.

IMG_014.jpg

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Basha: Rama e Vuçiç, sponsorë të planit të shkëmbimit të territoreve mes Kosovës dhe Serbisë

Politikë

Basha: Rama e Vuçiç, sponsorë të planit të shkëmbimit të territoreve mes Kosovës dhe Serbisë

Në emisionin “Open” të Eni Vasilit, kreu i Partisë Demokratike komentoi edhe qëndrimin e qeverisë shqiptare ndaj idesë së shumëdebatuar të shkëmbimit të territoreve mes Serbisë dhe Kosovës. Lulzim Basha akuzoi...

Basha: Ditmir Bushati është në përgjimet me bandën e Bajrajve

Politikë

Basha: Ditmir Bushati është në përgjimet me bandën e Bajrajve

Ditët e fundit Policia e Shtetit ka vënë në pranga bandën e Bajrajve, që ishte akuzuar shpesh nga opozita si një bandë kriminale që ka marrë kontrollin e Shkodrës dhe...

Modriç mposht sërish Ronaldon, lojtari më i mirë i vitit

Sport

Modriç mposht sërish Ronaldon, lojtari më i mirë i vitit

Në mbrëmjen gala të zhvilluar të hënën në Londër, Luka Modric ka mposhtur sërish Cristiano Ronaldon, duke u shpallur futbollisti i vitit edhe nga FIFA, ndërsa pak ditë më parë...