Z. Kryeministër, është koha për një Bibliotekë të re Kombëtare (me apo pa kullë)!

E mërkurë, 22 August 2018 10:57

Skandalet e njëpasnjëshme me Bibliotekën Kombëtare nuk e kanë shqetësuar fare as ministren e Kulturës, Mirela Kumbaro, as kryeministrin Rama. E para duket sikur e ka misionin e saj që të mos bëjë asgjë për instiutcionet që ka nën varësi, ndërsa i dyti shkon më lart, drejt shkatërrimit të vlerave kulturore të këtij vendi. Gjendja alarmanete e librit në Bibliotekën Kombëtare për të cilin nuk duhet ta zinte gjumi ministren Kumbaro nuk e shqetëson asapk, përkundrazi ajo po merret me haritimin e strategjisë afatgjatë, deri në 2030 apo 2050-n!! Sot e prej 20 muajsh në Bibliotekën Kombëtare nuk ka shërbim të plotë as të librave, as gazetat e arkivit. Të vetmet që funksionojnë janë dy tre salla ku studiojnë ose studentët, ose pensionistët e ndonjë që kalon kohën me gazetat e ditës ose qyfyret e regjimit të kaluar. Ka edhe nga ata që po shkruajnë kujtimet e jetës së tyre …

Zjarri që ra në shkurt 2017 dogji një pjesë të madhe librash. Me këtë rast u mbuluan edhe disa humbje, apo vjedhje ekzemplarësh të rrallë. (As sot pas 20 muajsh nuk ka një listë të saktë publike të të gjithë librave të djegur).  Nuk mjaftoi zjarri por edhe përmbytjet që erdhën nga papërgjegjshëmria e firmës “Fusha”, duke  zënë kanalet dhe rritur rrezikun e përmbytjeve nga dritaret e ulta të kateve përdhese të Bibliotekës. Askush nuk mban përgjegjësi.

Intelektualët, shoqëria civile dhe faktorë të tjerë kanë protestuar për këtë gjendje skandaloze, për të gjetur një zgjidhje sa më të mirë, përfundimtare dhe që t’u parparijë ndryshimeve dhe të jetë e bollshme edhe për 100 e më shumë vite të tjera. E vetmja zgjedhje e mirë do ishte ndërtimi i një godine të re për Biliotekën Kombëtare, qoftë pak metra më tutje,  qoftë diku tjetër, mjaftonm të ngrihet një godinë e re, me arkitekturë dhe punime moderne. Por, për fat të keq, kryeministri nuk ka motiv për ta bërë një gjë të tillë. Nuk është rastësi që një million shqiptarë nuk kanë lexuar asnjë libër për 2017. Madje, ka shumë gjasa që I pari të jetë vetë kryeministri Rama që nuk ka lexuar asnjë libër, sepse nuk ka kohë...!! (gjysmën e kohës së lirë ia ha “piktura”, gjysmën facebook-u). Por nëse duhet një motiv për kryeministrin që të futet në punë edhe PPP-ja, fundja le ta ketë godina e re e Bibliotekës edhe një kullë se ndryshe nuk e bën dot kryeministri apo kryebashkiaku. Le të jetë kulla karremi për të pasur më vonë një ndërtesë moderne për librin shqip.

E pra që kryeministri Rama dhe Lali Eri që të japin lejen për ndërtimin e ri, duhet patjetër që projekti të parashikojë aty (të pkatën) një kullë, sepse nuk ka kuptim ndërtimi i ri pa një kullë! F.S

Modifikuar më E mërkurë, 22 August 2018 11:56

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Moti ndryshon nga java e ardhshme, temperaturat në rënie…

Aktualitet

Moti ndryshon nga java e ardhshme, temperaturat në rënie…

Moti freskohet duke filluar nga java e ardhshme. Sipas Meteoalb, gjatë fundjavës, moti mbetet me kthjellime dhe vranësira kalimtare në pjesën më të madhe të vendit; më të dukshme vranësirat...

Lejuan kalimin e paligjshëm të 7 shtetasve turq, ndalohen dy punonjës policie

Aktualitet

Lejuan kalimin e paligjshëm të 7 shtetasve turq, ndalohen dy punonjës policie

Dy punonjës policie dhe një shtetas turk janë ndaluar nga policia për korrupsion aktiv. Të ndaluar kanë mbetur Gazmir Dega punonjës policie në Komisariatin nr 1 në Tiranë dhe një kontrollore...

Po ndodh, RENEA dhe FNSH aksion në Tiranë dhe rrethe

Aktualitet

Po ndodh, RENEA dhe FNSH aksion në Tiranë dhe rrethe

Forcat e Ndërhyrjes së Shpejtë në bashkëpunim me Prokurorinë e Krimeve të Rënda kanë goditur një grup gjobëvënësish. Aksioni po zhvillohet mbrëmjen e sotme në Tiranë dhe disa rrethe, ndërsa...