Filmi shqiptar në “Seanema Film Festival”

Diel, 26 August 2018 17:25

Edicioni i katërt i festivalit “Seanema Film Festival” nisi të enjten me filmin artistik “Broken” (Të thyer) me skenar dhe regji nga Edmond Budina. Festivali ka disa seksione për shfaqjen e filmave, që janë prezantuar gjatë këtyre netëve të zhvillimit të tij në Ulqin. Drejtore artistike Drita Llolla pohon se programi i këtij viti, si çdo vit, mbështetet mbi një temë të caktuar. “Si kishim (pa)barazinë gjinore në vitin 2016 apo egzilin në vitin 2017, edicioni i katërt i festivalit merret me çështjen e identitetit. Rreth 42 autorë nga e gjithë bota do të shfaqin filmat e tyre, ku dominojnë filmat metrazh i shkurtër. Filmat e shkurtër i kemi ndarë në kategorinë konkurruese, ku ka tituj ndërkombëtar dhe rajonal, si edhe filmat e seksionit Panorama, shfaqen 15 filma të shkurtër, nominimet e garës së përvitshme të Akademisë Europiane të Filmit. Nga Shqipëria do jenë në konkurrim dy filma të shkurtër, "Atila" nga regjisori Benart Laze dhe "Kujt t`ja thuash?" nga Adrian Arrëza”, pohon Drita Lloga drejtore artistike. Veç regjisorit Edmond Budina dhe aktorit Laert Vasili, të ftuar të tjerë në festival janë dhe Lidija Zeloviq, regjisore dhe gazetare me filmin dokumentar "My own private war" ("Lufta ime private"), dhe Stef Brok shfaq për herë të parë (premierë botërore) filmin "Balkan Triangle" ("Trekëndëshi i Ballkanit"). Tituj të tjerë janë, filmi "Bektashinjtë" i Michael Poutte, si edhe fituesi i çmimit të audiencës në edicionin e 15 të Dokufest "Me dasht, me dasht, me dasht" nga Ilir Hasanaj. Organizatorja Drita Lloga pohon se ky është një program i veçante jashtë konkurrimit në festival. “Ka për qëllim të merret konkretisht me çështjen e identitetit, duke e ekzaminuar, demistifikuar, vërtetuar apo duke e çliruar atë! Në kuadër të programit "Në fokus" një kolazh prej 7 filmave të shkurtër", prodhim gjithashtu i Akademisë së Filmit dhe Multimedias Marubi, me mbështetjen e Ambasadës Zvicerane”, tregon Llolla. Festivali sonte shënon dhe natën e fundit në Ulqin dhe sipas organizatores zhvillimi i tij është shumë i rëndësishëm. “Në kuptimin, që ofron një hapësirë të re, të pavarur, jo vetëm në Ulqin, por edhe në Mal të Zi e më gjerë, ku publiku e veçanërisht të rinjtë angazhohen në një shkëmbim aktiv vlerash, kulturash, njohurish, etj. Pra, festivali shkon përtej një eventi, që shfaq filma. Në një qytet si Ulqini, ku ende luftojmë për hapësirat publike, hapësira që i dedikohen kulturës dhe artit, Seanema është festival, i cili po e ribrendon qytetin dhe po e pozicionon atë në hartën e destinacioneve të veçanta dhe të dëshirueshme për kineastët, dhe jo vetëm”, përfundon Drita Llolla organizatore e festivalit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

E pabesueshme! Mësoni sa ka shkuar trashësia e dëborës në këtë fshat të Shqipërisë

Aktualitet

E pabesueshme! Mësoni sa ka shkuar trashësia e dëborës në këtë fshat të Shqipërisë

Kjo ka qenë situata në orët e mesditës, ndërsa në mbrëmje në Dardhë trashësia e borës arriti në një metër, duke krijuar vështirësi të mëdha në lëvizjen e automjeteve. Edhe pushuesit...

Anglia përmbys Kroacinë, kualifikohet në “final four”

Sport

Anglia përmbys Kroacinë, kualifikohet në “final four”

Anglia ka arritur të marrë pikët e plota ndaj nënkampionit të botës, Kroacisë në kuadër të Ligës së Kombeve, duke siguruar plasmanin në “final four”. Kroacia doli së pari në epërsi...

Festë në familjen e Rita Orës

Show-biz

Festë në familjen e Rita Orës

Në familjen e Rita Orës sot ka festë, vëllai i saj Doni feston ditëlindjen.Ai mbush 21 vjet. Me një postim në llogarinë e saj në Instagram, Rita i ka uruar ditëlindjen. Bashkëngjitur...

Sondazh

Nothing found!

Sondazh

Nothing found!