Vdes pianisti i Nick Cave and the Bad Seeds

Tuesday, 04 September 2018 09:10

Conway Savage, pianisti për një kohë të gjatë i Nick Cave and the Bad Seeds, ka vdekur në moshën 58 vjeçare. Savage ishte diagnostifikuar me tumor të trurit në vitin 2017 dhe ka vdekur më 2 shtator, ashtu siç ka konfirmuar grupi në një deklaratë për media.

“Anëtari i Bad Seeds për gati 30 vjet, Conway ishte një fije anarkike në secilën performancë live të grupit. Ai ishte i dashur për të gjithë ne, anëtarët e grupit dhe fansat. Gjaknxehtë, me humor, sentimental, me zemër të madhe, i ëmbël, i drejtpërdrejtë, i sinqertë, i çiltër – ai kishte të gjithë këto cilësi por mbi të gjitha ‘kishte dhuratën e zërit të artë’, zë i fuqishëm dhe i ëmbël, i mbytur në muzikën soul”.

“Në një natë të dehur, në orën katër të mëngjesit, në barin e hotelit në Cologne, Conway u ul në piano dhe këndoi ‘Streets of Laredo’ për ne, me stilin e tij të ëmbël dhe melankolik duke bërë që bota të ndalet për një çast. Nuk kishte asnjë sy pa lotë në gjithë ambientin. Mirupashim Conway, nuk ka asnjë sy pa lotë, as sot”, thuhet në njoftimin e grupit.

Savage iu bashkangjit Bad Seeds në vitin 1990 derisa performanca e tij e fundit e inçizuar me grupin ishte për albumin e vitit 2013 “Push the Sky Away”, pasi ai nuk ishte pjesë e albumit të vitit 2016, “Skeleton Tree”.

Savage kishte lindur më 27 korrik në vitin 1960 në Victoria të Australisë. Ai filloi të luajë në piano kur ishte tinejxher, në pubin që ishte i prindërve të tij.

Nga viti 1980-81 ai performoi me bateristin Jim White në grupin “Happy Orphans”. Para se t’i bashkohej Bad Seeds, Savage ishte pjesë e Feral Dinosaurs (bashkë me White), Dust on the Bible dhe Dave Last dhe the Legendary Boy Kings.

Pasi u bë pjesë e Bad Seeds, Savage publikoi një numër të albumeve solo dhe bashkëpunoi me disa artistë australianë si Go-Betweens’ Robert Forster.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kosova, të martën bëhet anëtare e INTERPOL-it

Bota Shqiptare

Kosova, të martën bëhet anëtare e INTERPOL-it

Ministri i Punëve të Jashtme në Qeverinë e Kosovës, Behgjet Pacolli, u shpreh optimist se Kosova nga nesër do të jetë anëtare e organizatës policore ndërkombëtare - INTERPOL. "Vota pro është...

LAJM I FUNDIT/ Kërkohet dorëheqja e deputetit të PS, fyeu fëmijët autikë

Aktualitet

LAJM I FUNDIT/ Kërkohet dorëheqja e deputetit të PS, fyeu fëmijët autikë

Ndaj gjuhës fyese të deputetit socialist Alket Hyseni kundrejt autikëve ka reaguar edhe drejtuesja e fondacionit “Down Syndrome Albania” Emanuela Pepkola Zaimi e cila ka kërkuar dorëheqjen. “Alket Hyseni jepni dorëheqjen”...

5 vjet pa Sokol Olldashin, Basha status të veçantë

Politikë

5 vjet pa Sokol Olldashin, Basha status të veçantë

Kryetari i PD-së Lulzim Basha ka përkujtuar ish-ministrin dhe deputetin demokrat Sokoll Olldashi në 5-vjetorin e ndarjes së tij nga jeta. kryetari i PD-së Lulzim Basha, e kujton përmes një mesazhi...

Sondazh

Nothing found!

Sondazh

Nothing found!