Kumbaro, “e dashuruar” me trashëgiminë kulturure, nën moton: " “E shkuara pasuron të ardhmen”

Saturday, 29 September 2018 18:04

Fare “rastësisht” në një ditë kur Kryeministri gjendet në Korcë, edhe ministrja e Kulturës, Mirela Kumbaro ka marrë pjesë në aktivitetet për Ditën Kombëtare të Trashëgimisë,  në qytetin e Korçës, ku prej dy ditësh po ndjek nga afër punimet në kantieret e restaurimit të monumenteve. Ndërkaq, ajo mori pjesë në kuadër të programit “Edukimi përmes Kulturës”, në një seminar të zhvilluar sot në Muzeun Kombëtar të Artit Mesjetar në Korçë për rëndësinë e konservimit dhe restaurimit. Në seminar ishin pjesëmarrës nxënës të shkollës së arteve “Tefta Tashko”.  Kumbaro theksoi se “Edukimi përmes kulturës” është një ndër programet më të rëndësishme të Ministrisë së Kulturës që po zbatohet në mbarë vendin.

“Në vërtet kemi trashëguar pasuri të shumta kulturore, por kemi edhe detyrimin që t’ua lemë trashëgim të rinjve. Dhe kjo nuk bëhet me urdhëra administrativë e as vetëm me vullnete politike, por bëhet me një punë të përditshme të edukimit të brezave të rinj. Trashëgimia kulturore së pari është çështje dashurie. Nëse ne nuk ia përcjellim atyre këtë dashuri, nuk kemi garancinë që nesër dikush do kujdeset për trashëgiminë kulturore”, tha Kumbaro.  

Aktualisht, në Korçë po punohet në restaurimin e Urës së Golikut në Pogradec, në Kishën e Shën Gjergjit në Vithkuq, si dhe në blloqet e tjera të Pazarit Historik të Korçës. Një pjesë e konsiderueshme e këtyre restaurimeve kryhen në kuadër të programit “Rrugët e Besimit”, që synon restaurimin dhe promovimin e objekteve të kultit, jo thjesht si simbol i bashkëjetesës fetare, por edhe si galeri arti dhe destinacione turstike. 

Siç e kemi theksuar edhe here tjetër, vetëm lajme restaurimesh ka, sepse aty ka lek, aty mund të vjedhësh pa frikë se nuk ka rëndësi sa bën, po sa fiton. Me krenari Kumbaro thotë se nga jugu në veri ka 33 kantiere restaurimi, që do të thotë miliona para, pavarësisht se një pjesë e këtyre restaurimeve do bëhen shkel e shko, ashtu siç janë bërë gjithmonë.  Dhe motoja e saj është e goditur: “E shkuara pasuron të ardhmen”. Vetëm kur të iki nga posti i ministres keni për ta pare se sa e pasur do jetë ministria…

Modifikuar më Saturday, 29 September 2018 18:17

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Propozimi I Sandër Lleshajt për postin e Ministrit të Brendshëm, Nishani: Ja çfarë do të bëja po të isha President...

Politikë

Propozimi I Sandër Lleshajt për postin e Ministrit të Brendshëm, Nishani: Ja çfarë do të bëja po të isha President...

  Ish Presidenti, Bujar Nishani ka treguar se si do të vepronte sa I përket propozimit për të dytën herë nga Kryeministri Rama të Sandër Lleshajt për postin e Ministrit të...

Haradinaj: Lista Serbe nuk mund të rrëzojë qeverinë

Bota Shqiptare

Haradinaj: Lista Serbe nuk mund të rrëzojë qeverinë

Kryeministri i Kosovës Ramush Haradinaj u shpreh se Qeveria mund të bjerë, por jo për shkak se ka marrë një vendim prej të cilit siç tha ai “është hidhëruar Lista...

Shpërthen bombola e gazit, shtëpia në Elbasan mes flakësh

Aktualitet

Shpërthen bombola e gazit, shtëpia në Elbasan mes flakësh

Është përfshirë nga flakët një banesë në Elbasan pasi shpërtheu një bombol gazi.Ngjarja ka ndodhur ditën e djeshme në fshatin Katundi Ri, ku si pasojë ka mbetur i plagosur lehtë...

Sondazh

Nothing found!

Sondazh

Nothing found!