Ekspozita me gjësendet e ruajtura nga ‘ndarjet’ hapet edhe në Kosovë

E mërkurë, 04 Prill 2018 19:16

Të gjithë ata që kanë përjetuar një histori dashurie e cila nuk ka një fund të lumtur do të mund të bëhen pjesë e ekspozitës në kuadër të “Museum of Broken Relationships” që do të vijë në Lapidariumin e Muzeut të Kosovës. Qëllimi i këtij muzeu është të mbledhë dhe shfaqë objektet e dhuruara nga njerëzit në mbarë botën të cilët kanë përjetuar “ndarjen”.

Një palë këpucë që dikush ju ka dhuruar, një kuti me letra, një pasqyrë, një fotografi, ndoshta një poezi, një kapele, çfarëdo që ju kujton një njëri të dashur për ju, një lidhje të shkëputur, mund t’i dhuroni edhe ju dhe të bëhen pjesë e kësaj ekspozite.

Misioni i këtij muzeu është të lidhë njerëzit përmes tregimeve të dashurisë dhe humbjes së tyre. “Museum of Broken Relationships” është projekt global artistik i themeluar nga Olinka Vištica dhe Dražen Grubišić me bazë në Kroaci. Ky muze është mbajtur në Kroaci, Shtetet e Bashkuara të Amerikës, Holandë, Japoni, Spanjë, Francë, Finlandë, Danimarkë e në shumë vende të tjera të botës.

Diona Hoxha pjesë e stafit organizativ tregoi se para dy viteve, organizatoret e muzeut Blerta Avdiu dhe Ilire Gashi kanë vizituar këtë muze sa ai ishte i hapur në Kroaci. Gjatë vizitës ato kanë menduar që kjo të organizohet edhe në Kosovë.

Kështu vitin e kaluar një grup i të rinjve i përbërë nga Blerta Avdiu, Ilire Gashi, Kushtrim Fetahu, Diona Hoxha, Diellza Salihu, Rrezearta Jahiu dhe Tringa Kasneci, filluan punën për të realizuar këtë.

“Ekspozita do të përfshijë të gjitha historitë bashkë me gjësendet që njerëzit kanë dhuruar në muze. Vizitorët do të kenë mundësin të lexojnë histori të dashurisë, të cilat janë thyer në të kaluarën si dhe do t’i shohin të bashkangjitura gjësendet që dhuruesit do të sjellin në muze. Përveç historive nga Kosova, ne do te sjellim edhe histori të tjera jashtë Kosovës, veçanërisht nga muzeu në Zagreb, që të përfshijmë diversitet dhe kultura të ndryshme në muze”, tregoi ajo për KultPlus, duke thënë se fillimisht ka qenë e vështirë mbledhja e gjësendeve të ndryshme dhe historive nga njerëzit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Rishfaqet pas 6 vitesh piktura e vjedhur e Picasso

Kuriozitete

Rishfaqet pas 6 vitesh piktura e vjedhur e Picasso

Një pikturë që besohet të jetë “Tête d’Arlequin” nga Pablo Picasso e cila është vjedhur në 2012 nga Muzeu Kunsthal i Roterdamit është shfaqur në Rumani. Hajdutët morën shtatë piktura, me...

Papa fton në meshë të varfrit

Aktualitet

Papa fton në meshë të varfrit

Padrejtësia është rrënja e pandreqshme e varfërisë”, tha Papa Françesku në meshën që shënoi Ditën e Kishës Katolike për të Varfrit. Ati i Shenjtë ftoi për shërbesën në Bazilikën e...

‘Po vdesin njerëz’/ Bllokohen rrugët në këtë zonë të Shqipërisë

Aktualitet

‘Po vdesin njerëz’/ Bllokohen rrugët në këtë zonë të Shqipërisë

Moti i keq në Dardhë të Korçës po rrezikon jetën e banorëve  dhe të turistëve që kanë shkuar për të parë bukuritë e zonës. Edhe pse prej dy ditësh është dhënë...

Sondazh

Nothing found!

Sondazh

Nothing found!