“Netët e Letërsisë Austriake” në kryeqytet 

E Enjte, 24 May 2018 15:52

“Netët e Letërsisë Austriake” nën siglën “Tirana Lexon” çelën dje për publikun kryeqytetas maratonën e leximit.
Ky aktivitet organizohet nga Instituti për Demokraci, Media dhe Kulturë, në bashkëpunim me Ambasadën Austriake,i cili vjen në kuadër të vitit kulturor Austri Shqipëri.
Maratona e leximit përmbylli me sukses natën e tij të parë, mes shumë të rinjsh që mbushën plot sallën Gëte të Teatrit Eksperimental “Kujtim Spahivogli”.
Të ftuar prezentë ishin tre autorët e huaj Andrea Grill, Klemens Renoldner dhe Christina Maria Landwrl, dhe autori shqiptar Agron Tufa.
I pranishëm në hapjen e këtij aktiviteti ishte Ambasadori Austriak në vëndin tonë Johann Sattler i cili mbajti në fillim një fjalim përshëndetës për të pranishmit, dhe ndër të tjera vuri theksin tek energjia e krijuar nga shkëmbimi i këndvështrimeve të autorëve austriakë dhe autorëve e përkthyesve shqiptarë si dhe falenderoi të gjithë ata që mundësuan këtë aktivitet.
Drejtoresha e IDMC-së Jonila Godole përshëndeti të pranishmit dhe shpjegoi shkurtimisht qëllimin e këtij aktiviteti, duke ngritur shumë pikëpyetje rreth asaj çfarë vlen të diskutohet sot me të rinjtë, krizës së letërsisë, faktorëve të transformimit të saj ndër vite, ndikimit të lëvizjes së autorëve në vende të ndryshme tek letërsia e tyre, tek ajo që ata sjellin përpara publikut.
Në fjalën e tij shkrimtari Agron Tufa u shpreh se sot përpiqet të bëhet një letërsi e njeriut nga strukturat totalitare. “Shkrimtari shqiptar është shumë kokëfortë dhe i lidhur fort me rrënjët, qoftë edhe kur eksperimenton me fjalë, dhe nëse ka diçka që e bën të ngjashëm me shkrimtarët e popujve të tjerë, ai është një repertor ëndrrash kolektive”, shtoi ai.Autorja Andrea Grill e vuri theksin tek lexuesi i saj për të cilin mendon gjithmonë kur shkruan. “Kur shkruaj, mendoj për një tip publiku të cilit dua ti drejtohem sepse nuk mund të mendoj për të gjithë” -tha ajo.
Grill shtoi ndër të tjera se teknologjia do ta ndryshoj letërsinë e këtij fundshekulli, ashtu siç po ndryshon gjithçka tjetër në sfera të ndryshme.
Në pjesën e dytë të aktivitetit autori Klemens Renoldner lexoi për të rinjtë pjesëmarrës një fragment nga libri i tij më i ri që pritet të publikohet në 2019-ën, romani “Kepi i Shpresës së Mirë”, në të cilin rrëfehen kujtimet e një fëmije për gjyshin e tij, flitet për edukatën dhe moralin e dy poleve, po-ja dhe jo-ja, toleranca dhe autoriteti, etj.
Aktiviteti “Netët e Letërsisë Austriake” vijon maratonën e tij të leximit sot, ora 18:00-20:00 në Sallën Gëte, të Teatrit Eksperimental

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Të martën përgatituni për ndryshimin drastik të motit në Shqipëri

Aktualitet

Të martën përgatituni për ndryshimin drastik të motit në Shqipëri

Teksa Shtetet e Bashkuara të Amerikës përballen me një dimër të parakohshëm, me reshjet të dendura dëbore që deri më tani ka shkaktuar të paktën 8 viktima, edhe Europa duket...

Penallti dhe Skocia e mbyll pjesën e parë me avantazhin e 2 golave

Sport

Penallti dhe Skocia e mbyll pjesën e parë me avantazhin e 2 golave

Skocia e ka mbyllur 2-0 përballjen në Loro Boriçi përballë Shqipërisë. Në minutën e 45’ ishte Fletcher ai i cili mposhti nga pika e bardhë e penalltisë portierin.

Kosova, sukses me 5 yje me Maltën

Sport

Kosova, sukses me 5 yje me Maltën

Përfaqësuesja kosovare e futbollit dominoi totalisht në transfertën e mbyllur 0-5 në Valeta kundër Maltës, në një ndeshje që i dha 3 pikë të rëndësishme në Ligën e Kombeve. Përballja në...

Sondazh

Nothing found!

Sondazh

Nothing found!