Basha: Përmbytjet, po u kërkohet ndihmë bizneseve. Ku janë paratë e buxhetit të shtetit?

Basha per permbytjet

Kryetari i Partisë Demokratike. Lulzim Basha ka akuzuar sot qeverinë për një reagim të dobët ndaj situatës me përmbytjet në jug të vendit. Sipas Bashës, ndihmat janë një lloj ndihme, por një ndërhyrje e fuqishme do të nxirrte nga situata personat e prekur nga përmbytja. Me një status në rrjetin social, Facebook, Basha ngre pikëpyetjet se përse Rama bën ndërmjetësime me biznesin dhe nuk përdor buxhetin e shtetit.
“Nuk bëhet pa ndërhyrje të fuqishme të qeverisë. Në vend të vihet në krye të punëve, kryeministri bën ndërmjetësin dhe fton biznesmenet të paguajne. Kjo nuk është punë qeverie, por OJQ-je. Qeveria ka fonde, ligj, plane ndërhyrjeje të fuqishme në rast fatkeqësish natyrore. Ku janë paratë e taksave te rritura? Cfarë pret që t’i alokoje menjëherë për të permbyturit? Nëse buxheti i shtetit nuk është për njerezit në nevoje, për kë janë parate tona? Na flasin për shtet të fortë kur na rrjepin lekurën dhe na marrin paratë, por zhduken kur duhet të paguajnë. Na flasin për obligime por nuk shlyejne asnjë detyrim. Zgjohuni dhe bëni detyrën për të cilën ju paguajmë. Qeverisja nuk është arrogancë dhe përcmim ndaj të pamundurit por netë pa gjume në dobi të qytetarëve, një shtet në këmbë në ndihmë të të goditurve nga fati”.

Sipas Bashës, gjithçka në këtë situatë ka mbetur në dorë të solidaritetit vullnetar.
“Vazhdon drama e dhjetra mijë familjeve në jug të vendit – burra, gra dhe fëmijë në mëshirë të fatit. Dëshpërimi i tyre është dëshpërimi yne, fatkeqësia e tyre është fatkeqësia jone. Ka një solidarizim të fortë kombetar që na nderon por edhe nje reagim të dobet qeveritar. Me shpërfillje nuk shpallet emergjenca kombetare që do e ngrinte ndihmen shteterore në nivelin më të lartë. Me shperfillje nuk dedikohet asnje fond i posacëm dhe nuk realizohet asnjë plan konkret. Cfarë presin? Gënjejnë nga një ditë në tjetrën, presin të hapet koha dhe me arrogancën tipike t’u thotë njerëzve të ngrohen ne diell. Për këtë specie politike, njeriu i thjeshtë nuk ekziston. Një fshatar i dëshpëruar kërkoi ndihme në Vlorë për familjen e tij por u trajtua prej kryeministrit me përbuzje, se ishte jashtë skenarit të propagandës qeveritare. Arrogancë, cinizëm dhe papërgjegjshmeri totale.
Gjithcka është lënë në dorë të vullnetarizmit. Solidariteti njerëzor është i rëndësishëm por nuk zgjidhet kriza me ndihma. Përmbytjet mund të zgjasin, njerëzit kanë nevoje të ushqehen cdo ditë. Gjëja e gjallë gjithashtu”.