Shefja e Zyrës se BE, Apostolova: Kosova është vonuar në zbatimin e reformave

E mërkurë, 13 June 2018 09:40

Shefja e Zyrës së Bashkimit Evropian në Prishtinë, Natalyia Apostolova, tha se Kosova është vonuar në zbatimin e reformave të agjendës evropiane. Në komentet që zonja Apostolova i bëri në mbledhjen e qeverisë së Kosovës, ajo kërkoi nga kjo e fundit që të përfundojnë reformat deri në muajin shtator.
“Me shumë gjasë, jam 99% e sigurt, se shumica e komisionarëve të Bashkimit Evropian deri në fund të këtij viti do të japin dorëheqje dhe do të nisin fushatën për postet e reja. Kështu që ju do të përballeni me një periudhë kur ne do të kemi një kolegj i cili është shumë teknik por jo politik. Prandaj është tepër e rëndësishme për ju që ta shfrytëzoni këtë mundësi dhe të merrni atë çka mundeni deri në fund të këtij viti nga ne”, tha zonja Apostolova.
Ajo tha se Kosova duhet të përqendrohet më shumë në fusha të caktuara siç është përmirësimi i kushteve të të bërit biznes.
“Nuk dua të ju tregoj se sa herë në takimet tona ambasadorët e vendeve të Bashkimit Evropianë vijnë për tu ankuar për faktin se ata nuk shohin klimën e duhur për investime dhe biznes në Kosovë dhe ata kanë të drejtë”, tha zonja Apostolova.
Ministrja e Integrimit Evropian, Dhurata Hoxha, u shpreh e bindur se obligimet nga Agjenda Evropiane e Reformave, e njohur si ERA, do të përfundojnë brenda afatit të dhënë.
“Të gjitha do të përfundojnë deri në fund të shtatorit. Me këtë përkushtim do të arrijmë që afatin e shtatorit ta zëmë dhe që agjenda evropiane e reformave të përmbushet. Pa dyshim se nuk mjafton bashkëpunimi vetëm i ministrive jemi duke bashkëpunuar edhe me institucionet e tjera siç është parlamenti që të sigurohemi se prioritetet po përmbushen deri në fund dhe shumë nga prioritetet e agjendës së reformave tashmë edhe janë miratuar në qeveri ose janë në proces të miratimit në parlament. Angazhimi jonë do të vazhdojë”, tha zonja Hoxha.
Kosova deri më tani ka përfituar marrëveshjen e stabilizim asocimit me Bashkimin Evropian, por mbetet e fundit në proceset integruese në rajon ndërsa është në pritje që të përfshihet ne regjimin e udhëtimit pa viza në vendet e Evropës Perëndimore. Në të gjitha proceset Kosova përballet edhe me sfidën që paraqet fakti që edhe më tej pesë nga 28 vendet anëtare të Bashkimit Evropian nuk e kanë njohur pavarësinë e saj. VOA

Modifikuar më E mërkurë, 13 June 2018 09:40

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Denoncimi/Shëndetësia e "premtuar" e Rilindjes në Bulqizë

Aktualitet

Denoncimi/Shëndetësia e "premtuar" e Rilindjes në Bulqizë

Rreth 5 vite kane kaluar nga premtimet boshe te Qeverise dhe spitali ne Bulqize vazhdon akoma ne gjendje katastrofike dhe te mjerueshme.

Foto e nxehta/Modelja e njohur “tërbon” fansat me foton joshëse dhe seksi

Lifestyle

Foto e nxehta/Modelja e njohur “tërbon” fansat me foton joshëse dhe seksi

Modelja e famshme Demi Rose i ka “tërbuar” përdoruesit e rrjetit social “Instagram” me foton e publikuar së fundmi aty Me siguri, format e saj trupore iu bëjnë që të harroni...

"I falënderoj studentët për shuplakën", Grida Duma-Ramës: Boll more nga ditët tona. Fillo numëro të tuat

Politikë

"I falënderoj studentët për shuplakën", Grida Duma-Ramës: Boll more nga ditët tona. Fillo numëro të tuat

Deputetja e Partisë Demokratike, Grida Duma, ka komentuar deklaratat e Kryeministrit Edi Rama sot në Kuvend. Duma shkruan se Ramës studentët i kthyer një përgjigje të qartë: Plotëso kushtet! “Këta fatmirësisht...

Sondazh

Nothing found!

Sondazh

Nothing found!