Nesër datë historike për Kosovën, PE voton për heqjen e vizave

E mërkurë, 12 September 2018 12:21

Nesër për qytetarët e Kosovës është një ditë e shënuar, pasi duke filluar që nga data 13 shtator ata do marrin lajmin nëse do mund të lëvizin pa viza në Europë.

Mësohet se Parlamenti Evropian më 13 shtator do të votojë rekomandimin për liberalizimin e vizave për Kosovën, bënë të ditur përmes një njoftimi Komiteti për liritë qytetare, drejtësi dhe çështje të brendshme (LIBE) i Parlamentit Evropian.

Pas këtij votimi, do të konfirmohet mandati për fillimin e bisedimeve me vendet anëtare të BE-së, në mënyrë që Kosovës t’i liberalizohen vizat.

Bisedimet në emër të Parlamentit Evropian do t’i udhëheqë, Tanja Fajon, raportuese për vizat e Parlamentit.

Votimi në Parlamentin Evropian ishte paraparë për muajt e ardhshëm por sipas njoftimit të komitetit LIBE “disa grupe parlamentare në Parlament kanë kërkuar që votimi të ndodhë në sesionin e shtatorit”.

Për liberalizimin e vizave është e domosdoshme që pajtimin ta japin edhe dy institucione kyçe të BE-së: Parlamenti Evropian dhe Këshilli i Ministrave të brendshëm të vendeve anëtare.

Të mërkurën kur raportuesja për vizat e merr mandatin për fillimin e bisedimeve me Këshillin e Bashkimit Evropian, procesi kalon në nivelin e grupeve punuese.

Radio Evropa e Lirë mëson se takimi i parë i grupit punues do të mbahet më 17 shtator.

Pasi që të përafrohen bisedimet në kuadër të grupit punues, pastaj çështja kalon në nivel të ministrave të Brendshëm të Bashkimit Evropian, të cilët vendosin për këtë përmes votimit me një shumicë të kualifikuar.

Komisioni Evropian më 18 korrik të këtij viti, vendosi se Kosova i ka përmbushur gjitha kriteret dhe i rekomandoi Bashkimi Evropian të liberalizojë vizat për qytetarët e Kosovës.

Kosova është vendi i vetëm në Ballkanin Perëndimor, qytetarët e së cilës nuk gëzojnë të drejtën e lëvizjes së lirë në zonën e Shengenit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Aksident në Berat, ka të plagosur

Aktualitet

Aksident në Berat, ka të plagosur

Një aksidenti ka ndodhur në zonën e Beratit. Burime nga policia thanë se një makinë ka dalë nga rruga në vendin e njohur si Ura e Kuçit. Për pasojë dy persona kanë...

Shqipëri-Skoci, Policia masa të rrepta për ndeshjen, ja rrugët që do të bllokohen në Shkodër

Aktualitet

Shqipëri-Skoci, Policia masa të rrepta për ndeshjen, ja rrugët që do të bllokohen në Shkodër

Policia e Shkodrës ka marrë masa të ashpra para përballjes mes Shqipërisë dhe Skocisë e vlefshme për Ligën e Kombeve. Takimi do të luhet ditën e shtunë në orën 20:45 në...

Gruevski i kishte zbrazur llogaritë bankare qysh në shtator

Globi

Gruevski i kishte zbrazur llogaritë bankare qysh në shtator

Ish-kryeministri Nikolla Gruevski qysh në shtator, kur mbajti një konferencë për shtyp në Kuvend dhe akuzonte pushtetin duke thënë se është viktimë e persekutimit politik, kishte tërhequr të gjitha paratë...

Sondazh

Nothing found!

Sondazh

Nothing found!