Kush është shqiptari pjesë e bandës që kërcënonte me jetë biznesmenët për para?

E mërkurë, 12 September 2018 20:27

Një bandë e dhunshme dhe e paskrupullt në veprimet e saj, e gatshme për të kërcënuar edhe me vdekje, është goditur nga policia italiane.

Guardia di Finanza në Bergamno përfundoi me sukses operacionin të martën më mëngjes me 6 arrestime.

Në pranga përfunduan midis të tjerësh edhe shqiptari Gazmend Prenga i thirrur shkurt Gazi, 38 vjeç.

Ata kishin krijuar një grup kriminal që merrej me zhvatje parash, kërcënime, grabitje si dhe trafikun e drogës dhe grumbullimin ilegal të armëve. Gjithashtu, ata akuzohen edhe për plagosje. Një burrë tjetër, Gentian Ndou, 32 vjeç, po shqiptar, është ende në arrati. Mendohet se pjesë e bandës janë gjithsej 15 persona.

Shumica e anëtarëve të bandës janë të njohur për shkak se janë përfshirë në grupe kriminale të mafies dhe vrasjeve.

Për më shumë se një vit, që nga janari 2016, grupi ka terrorizuar disa sipërmarrës në Bergamo. Kërcënimet nuk janë shumë të sofistikuara: "Do t'ju vras", "Kujdesuni për familjen tuaj". Në disa raste janë kryer rrahje si dhe vrasje në tentativë.

E gjithë kjo për të marrë para dhe mallra të llojeve të ndryshme, në këmbim të një "mbrojtje" të pretenduar.

Shumë biznesmenë në zonë janë detyruar të japin shuma parash. Disa nga rastet janë dokumentuar edhe në kamerat e sigurisë të siguruara gjatë hetimeve.

Të njëjtat viktima, megjithatë, patën guximin të rebeloheshin dhe t'i denonconin, por hetuesit po hetonin ndërkohë.

Hetimet filluan për shkak të trafikut të drogës nga marokenët dhe shqiptarët, disa prej të cilëve pjesëtarë të bandës.

Hetimet për grupin ishin të gjata dhe delikate e madje në një rast një nga hetuesit u "përball" me një vrasje në tentativë, e cila siç shkruajnë mediat italiane, nuk ishte e suksesshme për shkak të zhurmës së armës së autorit, i identifikuar më vonë dhe i arrestuar.

Në një rast, u arrestuan dy anëtarë të bandës, teksa po mblidhnin paratë tek një biznesmen brenda një bari në Colognola. Pesë mijë euro ishte shuma e marrë.

Tre shtetas të tjerë shqiptarë u arrestuan për trafik droge, së bashku me një të katërt për shkelje të ligjit të imigracionit.

Grupit i janë sekuestruar edhe katër armë, dy prej të cilave ishin fshehur brenda një karrigeje në një zyrë në Verdello, si dhe plumba të shumtë, një silenciator dhe të holla.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zbulohet ndeshja e trukuar nga grupi "Bajri"

Aktualitet

Zbulohet ndeshja e trukuar nga grupi "Bajri"

Mes 11 personave të arrestuar si pjesë e grupit kriminal "Bajri", është edhe shtetasi Armir Grima, trajner i kombëtares së futbollit për femra i cili gjatë karrierës së tij sportive...

"Pronari më shikonte format, më kërkonte foto' 23 vjeçarja tregon ngacmimin seksual në punë

Aktualitet

"Pronari më shikonte format, më kërkonte foto' 23 vjeçarja tregon ngacmimin seksual në punë

Ada është një vajzë 23-vjeçare nga Berati, e cila pasi përfundoi studimet e larta vendosi që të qëndrojë në Tiranë për t’u punësuar.Por, në ambientet punëdhënëse që ajo ka frekuentuar...

Punime në stacionin Selitë, ja zonat pa energji elektrike nesër

Aktualitet

Punime në stacionin Selitë, ja zonat pa energji elektrike nesër

Operatori i Shpërndarjes së Energjisë Elektrike njofton abonentët e Tiranës se nesër do të ketë ndërprerje të energjisë elektrike për shkak të punimeve në nënstacionin Selitës. OSHEE bën me dije se...