Serbi/ 7 të dënuar për financimin e ISIS

Hënë, 16 Prill 2018 17:35

Një gjykatë në Beograd dënoi shtatë persona me nga 7.5 deri në 11 vjet heqje lirie nën akuzat për financim dhe ndihmë në rekrutimin e luftëtarëve për grupin militant Shteti Islamik në Siri.

Ky është vendimi i parë i tillë që përfshinë shtetas serbë të dyshuar për ndihmë ndaj militantëve islamikë dhe pjesërisht rrjedh nga një ligj i vitit 2014 që ndalon përfshirjen e qytetarëve të Serbisë në konflikte jashtë vendit. Procesi gjyqësor kishte filluar në vitin 2015.

Nën të njëjtin ligj gjykatat serbe kanë dënuar 28 serbë që kishin luftuar në krah të kryengritësve pro rus në Ukrainë.

Tre nga burrat e dënuar sot janë gjykuar në mungesë. Abid Podbiçanin u dënua me 11 vjet heqje lirie me gjithë njoftimet se mund të jetë vrarë në Siri në vitin 2015, ndërsa Goran Pavloviç dhe Rejhan Plojoviç, që janë në arrati, u dënuan me nga dhjetë dhe 9 vjet e gjysme heqje lirie.

Sipas akuzës që të shtatët ngarkohen për "komplot për të kryer sulme terroriste, financimin, rekrutimin dhe trajnimin e të tjerëve, si dhe ... për nxitje publike të terrorizmit".

Sipas akuzës ata në Serbi, në rajon por edhe në vendet e Evropës perëndimore kanë mbledhur para dhe kanë financuar shkuarjen e qytetarëve të Serbisë në kampe stërvitjeje e më pas në zonat e luftës.

Po sipas akuzës ata në fillim të vitit 2013 vunë kontakt me grupin militant ISIS dhe Frontin Al Nusra, organizata që Kombet e Bashkuara i kanë cilësuar terroriste.

Sead Plojoviç, Tefik Mujoviç, Izudin Cërnovërshanin dhe Ferhat Kasumoviç u dënuan me nga 7 vjet e gjysmë deri në 11 vjet heqje lirie.

Të gjithë të dënuarit mohuan akuzat dhe mund të apelojnë vendimin në një gjykatë më të lartë.

Një numër shtetasish serbë të përkatësisë fetare myslimane Sanxhaku, rajon në jugperëndim të Serbisë, kanë shkuar në Siri për të luftuar në radhët e grupit militant Shteti Islamik.

Rreth 900 qytetarë nga vendet e Ballkanit, Bosnja, Serbia, Kosova, Mali i Zi, Maqedonia e Shqipëria i janë bashkuar konfliktit në Siri, përkrah ISIS-it dhe grupe tjera. Marrë nga agjencia Reuters.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Varkat me kufoma vazhdojnë të shfaqen në brigjet japoneze

Kuriozitete

Varkat me kufoma vazhdojnë të shfaqen në brigjet japoneze

Rreth 100 varka druri, me pamje të rrënuar, janë shfaqur në brigjet e Japonisë gjatë këtij viti. Ndonjëherë janë bosh, ndonjëherë kanë kufoma ose skelete, ndaj dhe janë quajtur “varka...

Aksident tragjik në Kosovë, 3 të vdekur, plagoset dhe ambasadorja turke në Prishtinë

Bota Shqiptare

Aksident tragjik në Kosovë, 3 të vdekur, plagoset dhe ambasadorja turke në Prishtinë

Një aksident tragjik ka ndodhur në orët e pasdites së sotme në Mramor të Prishtinës, ku janë konfirmuar 3 persona të vdekur dhe 3 të tjerë të plagosur. Mediat në Kosovë...

Shefat e rinj në spitale, zgjedhjet abuzive

Aktualitet

Shefat e rinj në spitale, zgjedhjet abuzive

Duke filluar nga muaji nëntor qendrat spitalore universitare do të kenë shefa të rinj shërbimi, të cilët do të zgjidhen në bazë të kritereve të reja, të ndryshuara me VKM...

Sondazh

Nothing found!

Sondazh

Nothing found!