Kosovë/ Arrestohen 4 shtetas serbë në veri të Mitrovicës

E Enjte, 17 May 2018 18:33

Policia e Kosovës ka zhvilluar një aksion në Mitrovicën e veriut, gjatë së cilit ka arrestuar katër persona, raporton “Zëri.info”.

 

 

Zyrtarë të Policisë së Kosovës nga rajoni i Mitrovicës kanë bërë të ditur për “Zërin” se aksioni policor është zhvilluar me urdhër të Gjykatës së Mitrovicës dhe bastisjet janë kryer në tri lokacione në Veri.

Zëvendësdrejtori i Stacionit të Veriut, Besim Hoti ka thënë për “Zëri se gjatë këtij aksioni janë arrestuar katër persona të komunitetit serb, tre meshkuj e një femër.

Aksioni është kryer me urdhër të gjykatës në tri lokacione mëngjesin e sotëm. Arrestimi ka të bëj me disa incidente që kanë ndodhur në veri të Mitrovicës, përfshirë edhe zjarrvënje. Të arrestuarit janë tre meshkuj e një femër që të gjithë të komunitetit serb”- ka thënë Hoti.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.