Qeveria nuk e pranon Mit’hat Frashërin si diplomat, ministër dhe kryetar të qeverisë antikomuniste në mërgim

E Enjte, 02 August 2018 17:22
Mit'hat Frashlri, kryetari i qeverisë shqiptare antikomuniste në mërgim, në vitin 1949 Mit'hat Frashlri, kryetari i qeverisë shqiptare antikomuniste në mërgim, në vitin 1949

Nga Kastriot Dervishi

Më 31 korrik 2018 Këshilli i Ministrave vendosi që nga shtojca e buxhetit vjetor të gjendeshin ca para për të sjellë në atdhe, eshtrat e “personalitetit të shquar të letrave shqipe dhe të kulturës mbarëkombëtare”, Mit’hat Frashëri (1880-1949). Këtë vendim, qeveria e motivoi me përvjetorin e kongresit të Manastirit dhe me asnjë arsye tjetër, duke e ndalur jetën e Mit’hatit deri në vitin 1908, duke mos shkuar dot as deri te qeveria e parë shqiptare e Ismail Qemal Vlorës, ku Mit’hati ishte njëri prej ministrave të saj. Të mos ishim shqiptarë, por ta lexonim si lajm të jashtëm, të vetmin perceptim që do krijonim, do ishte fakti se një shkrimtar i njohur i pavarur politikisht po kthehej në vendin e vet. Qysh në krye të vendimit, duket që qeveria përbuz aktivitetin diplomatik dhe politik të Mit’hat Frashërit. Qeveria pra i ka dhënë të drejtë vetes të shkelë mbi kriteret historike dhe të gjykojë se çfarë vlen e nuk vlen në jetën e Mit’hat Frashërit. Kjo është njësoj sikur p.sh. një president amerikan t’i hartosh biografinë, por mos të zësh kurrë në gojë se ka qenë kreu i SHBA-së.

E sikur të mos mjaftonte kjo, kryeministri i vendit, Edi Rama, shumë i frymëzuar nga filmat artistikë bajatë të komunizmit dhe nga propaganda enveriste në vite, në disa fjalime në Kuvend, publikisht e ka quajtur forcën politike të Mit’hat Frashërit, Ballin Kombëtar, si organizatë të përbërë nga “pulangrënës”. Ballistët për Ramën nuk ishin gjë tjetër veçse individë që duheshin kujtuar vetëm për “shqyerjen e pulave”. Kjo sepse gjatë diktaturës komuniste, propagandohej vazhdimisht me të gjitha format se ballistët e drejtuar nga Mit’hat Frashëri nuk e kishin mendjen te lufta, se hanin pula, etj, ndërsa komunistët e drejtuar nga dy jugosllavë ishin të merakosur për fatet e Shqipërisë. Edhe me vendosjen e pluralizmit, kjo propagandë bajate komuniste vijoi të ishte e njëjtë nga forca politike që drejton Rama, e cila ka përçuar shumë urrejtje kundër nacionalistëve shqiptarë. Nëse shaheshin ballistët që “hanin pula”, asnjëherë nuk u pa ndonjë distancim nga veprimet e dy terroristëve jugosllavë Miladin Popoviç e Dushan Mugosha në vitet 1941-1944, kohë kur këta drejtonin PKSH-në dhe formacionet e armatosura komuniste. Nëse është hedhur ndonjë fjalë sa për të shpëlarë gojën për krimet e komunizmit në vitet 1944-1991, asnjëherë nuk është shprehur ndonjë pendesë për krimet e komunizmit në luftën civile të viteve 1943-1944.

Kthimi i eshtrave Mit’hat Frashërit nuk u shoqërua me kurrfarë ndjese nga artikuluesi për “pulangrënien”. Kryeministri nuk e ka për zakon ndjesën. As vartësit e tij, përfshi këtu parazitët “veteranë” të pensioneve shtetërore, propaganduesit e luftës së klasave e dasisë kombëtare në kushtet e sotme, nuk e kanë zakon ndjesën. Për “veteranët” Mit’hat Frashëri do vijojë të jetë “kriminel lufte” sepse nuk ishte gjatë luftës nën urdhrat e Miladinit e Dushanit, ndërsa për kryeministrin, ai do vijojë të jetë kryetari i “pulangrënësve”.

Por Mit’hat Frashëri ka qenë edhe kryetar i qeverisë antikomuniste në mërgim, të quajtur Komiteti Shqipëria e Lirë, e cila quhej “reaksionare” nga regjimi i Hoxhës. Kjo qeveri ishte e përkrahur nga aleatët perëndimor kundër qeverisë antikombëtare të Enver Hoxhës. Për këtë arsye, Mit’hat Frashëri pikësëpari duhet të vijë në atdhe si kryetari i qeverisë shqiptare në mërgim.

Nëse Mit’hat Frashëri vjen në Shqipëri sipas formulimit të vendimit të qeverisë, me damkën e “pulangrënësit”, më mirë ta lenë të qetë në Amerikë, sepse atje të paktën kanë respekt për të, është i lirë, nuk ia ndan njeri jetën me vizore dhe nuk e ofendon njeri.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Doli te Arian Çani me si ‘magjistar’ që shëron xhindët, nuk ua merr mendja se çfarë i gjeti policia në shtëpi

Bota Shqiptare

Doli te Arian Çani me si ‘magjistar’ që shëron xhindët, nuk ua merr mendja se çfarë i gjeti policia në shtëpi

Hysri Peqanit, i njohur si “Burdushi”, mjek popullor që pretendon se shëron shumë sëmundje, e ka pisk punën me policinë. Gjatë një kontrolli në banesën e tij është gjetur një...

Behuni gati për më të keqen, ja kur do te ulen drastikisht temperaturat

Aktualitet

Behuni gati për më të keqen, ja kur do te ulen drastikisht temperaturat

Ditën e sotme ka rënë bora e parë në Dardhë të Korçës. Temperaturat kanë nisur të ulen ndjeshëm dhe kjo ndjehet kryesisht në orët e para të mëngjesit dhe ato të...

Arratisja e Gruevskit, befason Zaev: Ai mund të jetë…

Bota Shqiptare

Arratisja e Gruevskit, befason Zaev: Ai mund të jetë…

Kryeministri i Maqedonisë, Zoran Zaev, në një konferencë për shtyp tha se autoritet duhet të hetojnë nëse Gruevski e ka lëshuar vendin vullnetarisht apo është rrëmbyer. Zaev: “Ne do të bëjmë gjithçka...

Sondazh

Nothing found!

Sondazh

Nothing found!