1950/Shifrat e tmerrshme të fëmijëve në kampet e Tepelenës, Valiasit dhe Porto Palermos

Diel, 26 August 2018 18:32
Tabela e të internuarve në kampe. Të nënvizuara janë shifrat e fëmijëve Tabela e të internuarve në kampe. Të nënvizuara janë shifrat e fëmijëve

Nga Kastriot Dervishi

Një statistikë për të internuarit në kampet tela me gjemba gjatë vitit 1950, paraqet të dhëna të frikshme në lidhje me numrin e fëmijëve të pranishëm aty. Asnjë regjim tjetër, asnjë pushtues, nuk është marrë me internime fëmijësh në shifrat që paraqiten. Veprime krejt origjinale që do i hasësh vetëm te komunizmi i Shqipërisë. Në këto kampe janë internuar tre kategori: pleqtë, gratë dhe fëmijët. Përgjithësisht, të internuarit përdoreshin si pengje për të arratisurit politikë. Liroheshin kur të arratisurit dorëzoheshin. Pra shteti i kohës, përdorte masivisht metodën e pengmarrjes, veprim ky që zakonisht e bëjnë grupet kriminale. Kampet tela me gjemba, pra aty ku vuhej një dënim në kushtet e izolimit, gati si burg, këtë vit nuk kanë pasur numra.

-Në Kampin e Tepelenës, në raport me gratë dhe pleqtë, fëmijët mbizotërojnë në periudhën e parë të vitit, pra nga janari deri në qershor. Në maj 1950, në Kampin e Tepelenës ka regjistruar një shifër rekord, 554 fëmijë të pranishëm. Në gusht të atij viti, kampi kishte gjithsej plot 1405 të internuar. Ky kamp ishte kryesisht me banorë të veriut të vendit.

-Në Kampin e Valiasit, fëmijët janë shumicë gjatë gjithë vitit 1950. Në gusht është regjistruar shifra më e lartë e tyre, 372 fëmijë. Në tetor 1950, Kampi i Valiasit regjistron shifrën e 820 të internuarve. Ky kamp ishte kryesisht me banorë të jugut të vendit.

-Prania e fëmijëve në Porto Palermo vërehet vetëm në shkurt-mars 1950. Ky kamp ishte kryesisht me banorë të veriut të vendit.

Modifikuar më Diel, 26 August 2018 18:35

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Rishfaqet pas 6 vitesh piktura e vjedhur e Picasso

Kuriozitete

Rishfaqet pas 6 vitesh piktura e vjedhur e Picasso

Një pikturë që besohet të jetë “Tête d’Arlequin” nga Pablo Picasso e cila është vjedhur në 2012 nga Muzeu Kunsthal i Roterdamit është shfaqur në Rumani. Hajdutët morën shtatë piktura, me...

Papa fton në meshë të varfrit

Aktualitet

Papa fton në meshë të varfrit

Padrejtësia është rrënja e pandreqshme e varfërisë”, tha Papa Françesku në meshën që shënoi Ditën e Kishës Katolike për të Varfrit. Ati i Shenjtë ftoi për shërbesën në Bazilikën e...

‘Po vdesin njerëz’/ Bllokohen rrugët në këtë zonë të Shqipërisë

Aktualitet

‘Po vdesin njerëz’/ Bllokohen rrugët në këtë zonë të Shqipërisë

Moti i keq në Dardhë të Korçës po rrezikon jetën e banorëve  dhe të turistëve që kanë shkuar për të parë bukuritë e zonës. Edhe pse prej dy ditësh është dhënë...

Sondazh

Nothing found!

Sondazh

Nothing found!