Ndryshimet në ligjin e dëmshpërblimit janë antikushtetuese

E Enjte, 13 September 2018 18:16
Ilustruese. Përfytyrimi i kampeve të komunizmit nga shtypi i emigracionit politik shqiptar Ilustruese. Përfytyrimi i kampeve të komunizmit nga shtypi i emigracionit politik shqiptar

Nga Kastriot Dervishi

Duke parë miratimin e ligjeve që janë në kundërshtim me ligje të mëparshme apo me vendimet e Gjykatës Kushtetuese, ka kohë që nuk habitem që antikushtetueshmëria është bërë që e zakonshme në këtë vend. Në kohën kur kemi administratën më të dobët qysh nga krijimi i shtetit, presim që xhevahire antiligjore t’i kemi përditë të pranishme. Sot Kuvendi i Shqipërisë miratoi disa ndryshime në ligjin nr.9831, duke vendosur edhe ndërprerjen e dëmshpërblimit për pasardhësit e personave të ekzekutuar apo dënuar nga diktatura komuniste. Të mjerët deputetë diskutonin duke mos e njohur as ligjin dhe as historikun e dëmshpërblimeve në vite. As arrinin të dallonin që procesi i viteve 1992-1997 është krejt tjetër nga ai që u vu në veprim nga viti 2009. Më tepër për të ardhur keq është fakti se sot u miratua një ligj antikushtetues për të cilin është shprehur qartë Gjykata Kushtetuese.

Me vendimin nr.34, datë 20.12.2005 Gjykata Kushtetuese ka vendosur shfuqizimin e nenit 1 të ligjit nr.9260, datë 15.07.2004 “Për disa shtesa e ndryshime në ligjin nr.7748, datë 29.07.1993 “Për statusin e ish të dënuarve dhe të përndjekurve politikë nga sistemi komunist”, i ndryshuar. Ky ligj e kufizonte të drejtën e përfitimit vetëm te të dënuarit, duke përjashtuar trashëgimtarët e tyre. Gjykata konsideroi antikushtetues këtë ligj dhe për këto arsye e shfuqizoi.

Nga ky vendim i Gjykatës Kushtetuese, mbi parimet e tij, në vitet 2006-2007 u diskutua projektligji i ri për dëmshpërblimin. Përfundimisht, Kuvendi i Shqipërisë miratoi ligjin nr.9831, datë 12.11.2007, “Për dëmshpërblimin e të dënuarve nga regjimi komunist”, i ndryshuar, i cili përfshin parimet e vendimit të Gjykatës Kushtetuese. Në bazë të këtij ligji u miratuan në vitet 2008-2013, 24 lista dëmshpërblimi, ndërsa në vitet 2013-2018 janë miratuar vetëm 3 lista dëmshpërblimi.

 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Bardhi: Banda ‘Shullazi’ vendosi Jurgis Çyrben deputet të PS

Politikë

Bardhi: Banda ‘Shullazi’ vendosi Jurgis Çyrben deputet të PS

Ish-ministri i Drejtësisë, Gazmend Bardhi, të enjten, deklaroi se pas një hetimi të nisur kryesisht në shkurt të 2016, prokuroria për Krime të Rënda vuri nën përgjim dhe vëzhgim Emiljano...

Liga e Kombeve/ Spanja mban Kroacinë në lojë, fitore në limite për djemtë e Daliç

Sport

Liga e Kombeve/ Spanja mban Kroacinë në lojë, fitore në limite për djemtë e Daliç

Kroacia ka arritur të marrë tri pikë shumë të rëndësishme përballë Spanjës, duke mbajtur gjallë shpresat për një kualifikim në fazën e “PlayOff” në Ligën e Kombeve. Djemtë e Daliç kanë...

Banorët e Astirit: Më parë japim jetën, pastaj shtëpitë

Politikë

Banorët e Astirit: Më parë japim jetën, pastaj shtëpitë

Banorët e zonës së Astirit te Unaza e Re, në kryeqytet vijojnë protestat e tyre, kundër mos kompensimit për prishjen e banesave të tyre. Në ditën e 12 të protestës...

Sondazh

Nothing found!

Sondazh

Nothing found!