Kampi i të burgosurve nr.303, rruga nga Peqini në Spaç

Hënë, 14 May 2018 18:14
Disa nga punët e detyruara të repartit nr.303 nëpër Shqipëri Disa nga punët e detyruara të repartit nr.303 nëpër Shqipëri

 

Nga Kastriot Dervishi

Kampi nr.2 i punës së detyruar me të burgosur u formua më 25 maj 1951 në Peqin me qëllim ndërtimin e kanalit ujitës “Peqin-Kavajë”. Në fillesat e tij reparti kishte rreth 1 mijë të burgosur. Në vitin 1955 emërtesa zyrtare ndryshoi dhe u bë “Reparti nr.303”. Kampi përfundimisht u vendos në Spaç në vitin 1968. Në përvjetorin e 45 të revoltës së Spaçit të vitit 1973, do të kujtojmë për disa ditë, fakte nga historiku i kampit në fjalë, i cili ka qenë ndër vendet më të tmerrshme të punës së detyruar. Para se ky kamp të “specializohej” për nxjerrje minerali, kryesisht ka vepruar në fushën e ndërtimeve dhe bonifikimit.

Udhëtimi i repartit nr.303 para se të vendoset në Spaç

1951 – 1952 në Peqin-Kavajë

1952 – 1953 në Urën Vajgurore

1953 në Vlashuk Berat

1953 – 1955 në Shtyllas, Radostimë, Fier

1955 – 1959 Rinas Tiranë

1960 – 1961 Sanatoriumi Tiranë

1961 – 1962 Kombinatin e Mishit Tiranë

1963 disa ndërtesave të fermës “Gjergj Dimitrov”, një pjesë të punimeve të uzinës së autotraktorëve.

1963 – 1965 ndërtimin e Uzinës së Sodës Kaustike Vlorë

1965 – 1968 Elbasan dhe Fushë – Krujë

Modifikuar më Hënë, 14 May 2018 18:23

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.