Dënimi i grupit të tretë të revoltës dhe historia e të dënuarit që u vra në Spaç

Premte, 18 May 2018 11:00
Faksimile e aktakuzës Faksimile e aktakuzës

Nga Kastriot Dervishi

Dënimi i grupit të tretë të revoltës dhe historia e të dënuarit që u vra në Spaç

Pasi hetimet për grupin e tretë u zhvilluan në Tiranë, gjykimi u bë në Rrëshen. Me vendimin nr.34, datë 13.7.1973 Gjykata Popullore e Rrethit të Mirditës, e përbërë nga Filip Lako dhe ndihmësgjyqtarët Pjetër Nikolli e Gjin Pali, duke pasur pranë prokurorin Zef Deda dha vendimin për grupin e tretë, natyrisht shoqëruar me konfiskim të pasurisë dhe heqjen e të drejtës zgjedhore. Vendimi:

Me 25 vjet: Kostandin Papaj

Me 20 vjet: Rexhep Lazri, Sali Çuni

Me 18 vjet: Sherif Allamani

Me 16 vjet: Hulusi Pashollari, Fatmir Llagami, Bashkim Fishta

Me 15 vjet: Bebi Konomi, Njazi Bylykbashi

Me 14 vjet: Agron Xhelili

Me 13 vjet: Mirash Gjoka, Refik Beqo, Nuri Stepa

Me 12 vjet: Gëzim Çela

Një i pandehur u deklarua i pafajshëm.

U la në fuqi me vendimin nr.1301, datë 8.9.1973 të Gjykatës së Lartë.

 

Historia e Refik Zenel Beqos (1940-1979), nga Parisi në Spaç

Me këtë grup është ridënuar edhe Refik Beqo nga Sutaj i Librazhdit, jeta e të cilit përfundoi në Spaç. Jetonte në Paris si i arratisur, por në vitin 1957 nga amnistia e shpallur së kthehet në Shqipëri. I zhgënjyer nga jeta e keqe, puna në kooperativë, etj, tenton të arratiset në 10.10.1960, por arrestohet. Për këto arsye, Gjykata Ushtarake e Tiranës, me funksione në Librazhd, e dënon me 20 vjet burg. Në revoltën e Spaçit, ridënohet me 13 vjet të tjera burgim. Lirohet nga burgu më 21.1.1977, por internohet menjëherë. Orvatet sërish për arratisje pasi largohet nga vendi i internimit (njëra akuzë), por më 20.7.1977 arrestohet prapë dhe dënohet me 12 vjet heqje të lirisë, i akuzuar edhe për agjitacion e propagandë. Arratisja e fundit ishte brenda kampit të Spaçit më 12.6.1979, por u vra nga rojet dhe u varros atje ku kaloi vitet më të zeza të jetës së tij. Vuajti 19 vjet burgim të cilat i përfundoi me humbjen e jetës.

 

Modifikuar më Premte, 18 May 2018 11:09

1 koment

  • Përgjigju perlat spahiu

    edhe kafshet revoltohen,jo njerzit qe kane vuajtur persekutimin bynkjerist ,te drejtuar nga krimineli edhjer hoxha,nuk duhet kurre te ndalojme se treguari vuajtjet e popullit shqiptare ,gjate kohes se diktatures bynkjeriste.si vellai i te burgosurit poitik Gramoz Nuredin Spahiu,icili per tete vjet rresht provoi burgjet e burrelit dhe te spacit derisa u lirua ne nenndor 1977,me probleme te renda shendetesore.nese e keni njohur ,per njeri te mire o te keq kam deshire te me shkruani.me respekt perlat spahiu.adresa perlatspahiu@yahoo.it

    Premte, 18 May 2018 14:03 komentuar nga perlat spahiu

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Rishfaqet pas 6 vitesh piktura e vjedhur e Picasso

Kuriozitete

Rishfaqet pas 6 vitesh piktura e vjedhur e Picasso

Një pikturë që besohet të jetë “Tête d’Arlequin” nga Pablo Picasso e cila është vjedhur në 2012 nga Muzeu Kunsthal i Roterdamit është shfaqur në Rumani. Hajdutët morën shtatë piktura, me...

Papa fton në meshë të varfrit

Aktualitet

Papa fton në meshë të varfrit

Padrejtësia është rrënja e pandreqshme e varfërisë”, tha Papa Françesku në meshën që shënoi Ditën e Kishës Katolike për të Varfrit. Ati i Shenjtë ftoi për shërbesën në Bazilikën e...

‘Po vdesin njerëz’/ Bllokohen rrugët në këtë zonë të Shqipërisë

Aktualitet

‘Po vdesin njerëz’/ Bllokohen rrugët në këtë zonë të Shqipërisë

Moti i keq në Dardhë të Korçës po rrezikon jetën e banorëve  dhe të turistëve që kanë shkuar për të parë bukuritë e zonës. Edhe pse prej dy ditësh është dhënë...

Sondazh

Nothing found!

Sondazh

Nothing found!