Trump e Merkel "kokë më kokë": Ishte një takim i madh

E Enjte, 12 July 2018 07:19

Pak orë pas akuzave që i bëri Gjermanisë për vartësinë nga Rusia, Donald Trump ka bërë një kthesë drastike.

Pas takimit kokë më kokë me kancelaren Merkel, ai ka deklaruar se Shtetet e Bashkuara dhe Gjermania kanë marrëdhënie shumë të mira dhe do të intensifikojnë shkëmbimet tregtare.

Edhe pse e cilësoi Gjermaninë një vend që mbahet peng nga Rusia, Donald Trump duket se ka mbetur i kënaqur nga takimi me gruan që qeverisë fuqinë ekonomike më të madhe të Europës.

‘Ishte një takim i madh. Kam një marrëdhënie shumë, shumë të mirë me kancelaren’, ka thënë Trump pas takimit kokë më kokë në kuadër të samitit të NATO-s në Bruksel.

Me kancelaren Merkel, presidenti amerikan ka diskutuar për çështjet tregtare dhe ato për shpenzimet ushtarake.

‘Besoj se marrëdhëniet tona tregtare do të intensifikohen dhe po ashtu shumë gjëra të tjera. Të shohim se ç’do të ndodhë në muajt e ardhshëm’, ka thënë Trump. Nga ana e saj, Merkel ka deklaruar se me Trump ka folur për emigracionin dhe tregtinë, duke theksuar gjithashtu se Gjermania dhe Shtetet e Bashkuara janë dy partnerë të mirë.

Vetëm pak orë më parë, në takimin me sekretarin e përgjithshëm të NATO-s, Jens Stoltenberg, Trump kishte deklaruar se Gjermania është një vend që kontrollohet nga Moska, për shkak të naftës dhe gazit rus që blen prej saj.

Por para se të shkonte në takimin me shefin e Shtëpisë së Bardhë, Merkel i dha një përgjigje sa cinike aq edhe të moderuar akuzave të tij.

‘E kam përjetuar personalisht kontrollin e asaj pjese të Gjermanisë nga Bashkimi Sovietik dhe sot jam shumë e lumtur që jemi të bashkuar në një republikë federale, në gjendje të vendosë vetë për politikat e saj’, tha Merkel.

 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Temperatura të larta dhe reshje shiu, ja çfarë parashikojnë sinoptikanët për ketë javë

Aktualitet

Temperatura të larta dhe reshje shiu, ja çfarë parashikojnë sinoptikanët për ketë javë

Moti i kthjellët dhe temperaturat e larta vazhdojnë të mbizotërojnë në vendin tonë, ndërsa sipas parashikimit të sinoptikanëve të Meteoalb nesër do ketë reshje dhe vranësira kalimtare në zonat malore...

Foto/ ‘Vendi është kthyer në vatër epidemie, taksat shkojnë në xhepat e rilindësve’

Politikë

Foto/ ‘Vendi është kthyer në vatër epidemie, taksat shkojnë në xhepat e rilindësve’

Deputeti i Partisë Demokratike Myslim Murrizi ka publikuar disa foto në “facebook” e tij nga fshati Bishqethëm në qytetin e Lushnjës ku duket se hedhja e plehrave është një vatër...

Live/ Kroatët i bëjnë pritje madhështore nënkampionëve të botës

Sport

Live/ Kroatët i bëjnë pritje madhështore nënkampionëve të botës

Kombëtarja e Kroacisë ka mbërritur në Zagreb pas finales historike ndaj Francës. Në rrugët e kryeqytetit kroat nuk ka munguar pritja e ngrohtë dhe madhështorë nga tifozët e të cilët kanë...