NATO, deklarata thumbuese ndaj Putinit për dislokimin e trupave

E Enjte, 23 August 2018 08:19

NATO ka shkëmbyer deklarata thumbuese me presidentin rus, Vladimir Putin, pasi ky i fundit akuzoi aleancën ushtarake të Atlantikut të Veriut se po zhvendoste asetet ushtarake pranë kufirit rus. Putin deklaroi gjithashtu se Rusia duhet të përforcojë kapacitetet e saj, në shenjë kundërpërgjigjeje.

Por, NATO i mbrojti veprimet e saj duke i quajtur “me natyrë mbrojtëse dhe proporcionale”, si dhe “në përputhje me angazhimet tona ndërkombëtare”.

Një zëdhënëse e aleancës tha për “Reuters” se “NATO ka dërguar 4.000 trupa në pjesën lindore të Aleancës për të zmbrapsur çdo agresion të mundshëm”.

“Këto trupa nuk mund të krahasohen kurrsesi me divizionet e dislokuara nga Rusia. Për më tepër, Rusia ka trupa në Ukrainë, Gjeorgji dhe Moldavi kundër dëshirës dhe vullnetit të qeverive të këtyre vendeve”.

Në një ngjarje tjetër të kësaj të mërkure, dy avionë britanikë në Rumani u ngritën në fluturim, pasi një avion i dyshuar rus po i afrohej hapësirës ajrore të NATO-s mbi detin e Zi.

Mes NATO-s dhe presidentit Putin “mbretërojnë” prej kohësh tensione, kryesisht për shkak të aneksimit nga Rusia të gadishullit të Krimesë, nga Ukraina, në vitin 2014.

Gjithsesi, marrëdhëniet janë përkeqësuar gjatë muajve të fundit, pas helmimit të një ish-agjenti të dyfishtë rus dhe vajzës së tij, më herët gjatë këtij viti në Britaninë e Madhe.

Mbretëria e Bashkuar dhe Shtetet e Bashkuara të Amerikës, që të dyja anëtare të NATO-s, akuzojnë Moskën se fshihet pas sulmit, edhe pse Rusia mohon të ketë rol. TCH

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

FOTO/ Enca vjen e zjarrtë dhe seksi, shikoni modelin e ri të flokëve

Show-biz

FOTO/ Enca vjen e zjarrtë dhe seksi, shikoni modelin e ri të flokëve

Këngëtarja Enca Haxhia shfaqet gjithnjë mjaft ekstravagante në postimet e saj në rrjete sociale. Këtë herë e shohim me një paruke të kuqe e veshur në mënyrë tejet provokuese. E veshur...

Platforma antimafia e PD/ Asnjë përfaqësues i Rilindjes në emision, frikë nga përballja

Politikë

Platforma antimafia e PD/ Asnjë përfaqësues i Rilindjes në emision, frikë nga përballja

Përfaqësuesit e PS-së mungojnë në emisionin ‘Opinion’, Mima: Do kisha preferuar t’i kisha përballë Tema e mbrëmjes së sotme në emisionin ‘Opinion’ është propozimi i bërë nga Partia Demokratike sa i...

Zbulohet përplasja mes Shqipërisë dhe Belgjikës për Safet Bajrin

Aktualitet

Zbulohet përplasja mes Shqipërisë dhe Belgjikës për Safet Bajrin

Safet Bajri përplas qeverinë shqiptare me atë të Belgjikës. Sipas asaj që zbulojnë mediat belge, autoritetet shqiptare kanë shprehur pakënaqësi që Belgjikës i janë dashur 5 muaj për të dorëzuar...