Përshëndetën si nazistët, pezullohen dy policë gjermanë

Diel, 02 September 2018 19:41

Policia e Bavarisë në Gjermani po heton dy oficerë që dyshohen për kryerjen e përshëndetjes së paligjshme naziste.

Kushtetuta gjermane e konsideron krim shfaqjen e simboleve naziste dhe incidenti ka të ngjarë që të ushqejë një debat të nxehtë rreth racizmit dhe rritjes së të djathtës ekstreme pas një fluksi rekord të emigrantëve, kryesisht myslimanë, tre vjet më parë.

Policia tha në një deklaratë të shtunën se dy policë kishin bërë thirrje antiemigrante dhe kishin kryer përshëndetjen naziste në një “pub” në Rozenhajm të enjten. Një njeri i tretë, i përshkruar si një roje sigurie në deklaratën e policisë, kishte marrë pjesë gjithashtu në përshëndetje. Policët janë pezulluar.

Politikanët gjermanë kanë nxitur veprime për të luftuar një rritje të armiqësisë ndaj të huajve, pasi “skinhead”-ët të dielën e kaluar u përleshën me policinë në një qytet lindor, ku një njeri u godit dhe dy emigrantë u identifikuan si të dyshuarit kryesorë.

“Skinhead”-ët ngritën duart në përshëndetje naziste, ndoqën njerëz që dukeshin si të huaj dhe u përleshën me policinë në Chemnitz, pasi policia identifikoi të dyshuarit si një sirian dhe një irakian.

Politika liberale e emigracionit të kancelares Angela Merkel mbetet thellësisht ndarëse në një vend që ka marrë më shumë se 1.6 milionë njerëz gjatë katër viteve të fundit.

Fluksi kontribuoi në ngritjen e partisë Alternativa për Gjermaninë (AfD), e cila hyri në parlament për herë të parë në zgjedhjet e vitit të kaluar, me një fushatë që shpalli Islamin që të jetë i papajtueshëm me kushtetutën gjermane.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

​Shaqiri flet për debutimin në Champions për Liverpool: Çfarë atmosfere mahnitëse

Sport

​Shaqiri flet për debutimin në Champions për Liverpool: Çfarë atmosfere mahnitëse

Mesfushori i Zvicrës me origjinë shqiptare, Xherdan Shaqiri, e shijoi për herë të parë stadiumin e Liverpoolit, Anfield, në një ndeshje të madhe në gara evropiane dhe mbeti mjaft i...

Kompanisë Air Albania i mungojnë 29,8 milionë euro kapital

Aktualitet

Kompanisë Air Albania i mungojnë 29,8 milionë euro kapital

Të premten e shkuar, Kryeministri Edi Rama inauguroi udhëtimin e parë të kompanisë ajrore shqiptare Air Albania, projekt i Kryeministrit Rama nën kujdesin e Presidentit turk Rexhep Taip Erdogan. Ngjarja u...

Zyrtarja e lartë e DASH për çështjet evropiane, Elisabeth Millard viziton Tiranën

Aktualitet

Zyrtarja e lartë e DASH për çështjet evropiane, Elisabeth Millard viziton Tiranën

Ambasada e Shteteve të Bashkuara të Amerikës ka njoftuar se Zv. Ndihmës Sekretarja e Shtetit Elisabeth Millard do të zhvillojë një vizitë treditore në Shqipëri. Ambasada amerikane në Tiranë i ka...