E rrallë, e gjithë familja e prekur me të njëjtin lloj kanceri!

Hënë, 03 September 2018 15:23

Lacy Anderson vuan nga një formë e rrallë e kancerit të stomakut, dhe nuk është e vetmja. Në fakt, 8 nga 9 pjesëtarët e familjes së saj ndajnë të njëjtën diagnozë. Njëri nga anëtarët është mundur nga kanceri, ndërsa 6 të tjerë janë jashtë rrezikut pasi e kanë hequr fare stomakun. Lacy është pjesëtarja e fundit që po lufton me këtë kancer të trashëgueshëm të stomakut.

Kanceri ka avancuar në fazën e katërt, megjithatë ajo është e vendosur të luftojë këtë sëmundje, e cila nuk e ka penguar aspak që të vazhdojë përgatitjet e dasmës për t’u martuar me të dashurin prej dy vitesh tashmë.

Kjo sëmundje shfaqet si rezultat i një mutacioni gjenetik, ku 56-70% e pjesëtarëve të familjes me këtë mutacion zhvillojnë kancer. Në të gjithë botën, rreth 400 familje njihen të kenë zhvilluar një kancer të tillë të trashëgueshëm.

Në familjen Anderson ishte xhaxhai Frank ai që u diagnostikua për herë të parë me këtë mutacion të rrallë gjenetik. Sa herë që ai bënte kolonskopi, mjekët zbulonin polipe në të gjithë pjesën e zorrës. Pasi iu nënshtrua disa analizave, rezultoi që Frank kishte një mutacion në gjenin CDH1. Ai u diagnostikua me kancer të trashëgueshëm të stomakut.

Dy fëmijët e tij, Laura and Eric, gjithashtu iu nënshtruan analizave dhe rezultuan pozitiv. E njëjta histori ndodhi edhe me babanë e Lacy dhe vëllanë e saj.

Janë rreth 120 mutacione që mund të ndodhin me gjenin CDH1, dhe secila prej tyre mund të shkaktojë kancer të rrallë të stomakut.

Këto mutacione mund të shkaktojnë gjithashtu kancer të gjirit dhe vezores, megjithatë zakonisht ato shfaqen në stomak./faxweb.al

Lacy Anderson

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Largimi i Panuccit, Duka: Nuk është në dorën time

Sport

Largimi i Panuccit, Duka: Nuk është në dorën time

Qëndrimi ose jo i Christian Panuccit është kthyer në një çështje në kombëtaren shqiptare. Rezultatet negative dhe loja e dobët kanë bërë që drejt italianit të vërshojnë kritika të shumta. Megjithatë...

KPK e kualifikoi, ndërkombëtarët kërkojnë përjashtimin e prokurorin

Aktualitet

KPK e kualifikoi, ndërkombëtarët kërkojnë përjashtimin e prokurorin

Komisioneri Publik ka ankimuar vendimin për kalimin e procesit të vettingut për gjyqtarin e Gjykatës së Apelit të Shkodrës, Arben Dollapaj. Sipas Komisionerit Publik, hetimi nga Komisioni i Pavarur i...

Greqia, Bosnja,... vendet që bllokuan Kosovën në INTERPOL

Bota Shqiptare

Greqia, Bosnja,... vendet që bllokuan Kosovën në INTERPOL

Kosova dështoi sot të bëhet pjesë e organizatës më të madhe ndërkombëtare të policisë, Interpol. Kosova në këtë mënyrë nuk ka arritur që të futet në mesin e 192 shteteve...

Sondazh

Nothing found!

Sondazh

Nothing found!