Vdes themeluesi i rrjetit terrorist Haqqani

Tuesday, 04 September 2018 09:01

Themeluesi i rrjetit terrorist të Haqqani ka vdekur pasi vuajti për disa vite nga një sëmundje.

Jalaluddin Haqqani ishte një figurë e rëndësishme militante në Afganistan dhe kishte lidhje të ngushta me talebanët dhe al-Qaeda.

Djali i tij besohet të ketë marrë kontrollin e grupit në vitin 2001.

Rrjeti i Haqqanit ka qenë pas shumë prej sulmeve të koordinuara ndaj forcave afgane dhe NATO-s në vitet e fundit.

Nuk kishte detaje në deklaratë për datën dhe as vendin e vdekjes së Haqqani.

Një deklaratë të shpërndarë nga zëdhënësi i talibanëve Zabiullah Mujahid për gazetarët u tha se Jalaluddin Haqqani vdiq pas një beteje të gjatë me një sëmundje, duke shtuar se ai kishte qenë i sëmurë dhe i shtrirë në shtrat gjatë disa viteve të fundit të jetës së tij.

Rrjeti i Haqqanit u emërua zyrtarisht një organizatë terroriste nga Shtetet e Bashkuara në 2012.

Thashethemet rreth vdekjes së Haqqanit kanë qarkulluar për vite me rradhë.

Në vitin 2015, burimet afër grupit thanë për BBC se udhëheqësi kishte vdekur të paktën një vit më parë. Kjo nuk u konfirmua asnjëherë.

Jalaluddin Haqqani ishte një udhëheqës guerilësh afganë që luftonte trupat sovjetike që pushtuan Afganistanin në vitet 1980.

Zyrtarët amerikanë pranan se në atë kohë ai ishte një pasuri e çmuar e Agjencisë Qendrore të Inteligjencës (CIA).

Megjithatë, ai më vonë u bashkua me talebanët pasi mori pushtetin në Afganistan në vitin 1996.

Në deklaratën e tij, talebanët e quajtën Jalaluddin një "luftëtar shembullor ... dhe midis personaliteteve të mëdha të xhihadit të kësaj epoke".

Rrjeti i Haqqanit ishte një nga disa prej grupeve militante që vepronin përgjatë kufirit Afganistan-Pakistan pas fushatës ushtarake të udhëhequr nga SHBA në Afganistan, e cila filloi në vitin 2001.

Grupi, i cili kryesisht vepron nga Pakistani, gjithashtu është fajësuar për disa nga sulmet më vdekjeprurëse në Afganistan, duke përfshirë një shpërthim bombe në kamion në Kabul në 2017 që vrau më shumë se 150 vetë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

De Biazi: Ushqeheshin çuditshëm, autobuzi i ngjante diskotekës

Sport

De Biazi: Ushqeheshin çuditshëm, autobuzi i ngjante diskotekës

Ish-trajneri i Kombëtares, Xhani de Biazi ishte i ftuar në ceremoninë e 100-vjetorit të Federatës Italiane të Futbollit, krahas emrave të mëdhenj si Alegi, Mançini apo Ançini apo Ançeloti. Mes të...

Hillary Clinton do kandidojë sërish në 2020?

Globi

Hillary Clinton do kandidojë sërish në 2020?

Dy herë kandidate demokrate për presidente, Hillary Clinton do të tentojë sërish në garën për president të SHBA-ve në zgjedhjet 2020-ës. Lajmin e ka bërë me dije këshilltari i saj Mark...

Konflikti Izrael-Gaza shpërthen sërish

Globi

Konflikti Izrael-Gaza shpërthen sërish

Dhuna ka shpërthyer mes Izraelit dhe militantëve palestinezë në Gaza, një ditë pasi shtatë militantë dhe një ushtar izraelit u vranë gjatë një operacioni të fshehtë izraelit në Gaza. Militantët hodhën...

Sondazh

Nothing found!

Sondazh

Nothing found!