Britani, katër persona në kërkim për shpërndarje kokaine, mes tyre një shqiptar

E mërkurë, 12 September 2018 13:25

Katër persona, anëtarë të një bande që merrej me trafik kokaine janë shpallur në kërkim nga policia e Britanisë, mes tyre është edhe një shtetas shqiptar, i quajtur Daut Danaj, 39 vjeç.

Mediat lokale britanike thonë se ata janë pjesë e një grupi që trafikonte drogë në Bournemouth të Anglisë. Po sipas mediave, anëtarët e bandës merreshin me trafik kokainë të cilësisë së lartë. Pas një hetimi 1-vjeçar autoritetet sekuestruan një sasi droge, që nëse shitej kapte vlerën e 404.000.

Drejtuesi i këtij grupi ishte Aaron Robinson, i cili punësoi një të ashtuquajtur "mbledhës borxhi" për të kërcënuar shpërndarësit kur nuk mblidheshin paratë në kohë.

Madje një shpërndarësi droge iu tha se do t'i priteshin gishtat dhe do të vritej nëse nuk tregohej korrekt me pagesat.

Gjashtë anëtarët e grupit u dënuan nga Gjykata e Bournemouth javën e kaluar, duke përfshirë edhe kreun e bandës. Megjithatë janë ende në kërkim 4 persona të tjerë, të dyshuar si të përfshirë në këtë veprimtari kriminale.

Raportohet se ata u larguan jashtë Britanisë pas arrestimit të bashkëpunëtorëve të tyre dhe ende nuk janë kapur.

Jordan Phillips, 28 vjeç, Laërence Ëindle, 29 vjeç dhe Daut Danaj, 39 vjeç, u arrestuan në mes të shtatorit 2016 dhe janarit 2017 në Bournemouth. Treshja u lirua me pas një pagese garancie në polici, në pritje të hetimeve të mëtejshme, por kësti i qershorit 2017 nuk u pagua.

Që prej askokohe, janë në kërkim. Personi i katër në kërkim është Lloyd Stokes, 32 vjeç. Dyshimet e policisë britanike janë se fshihen në Shqipëri ose Spanjë.

Autoritetet kanë vënë në dispozicion edhe disa numra telefoni, ku i bëjnë thirrje qytetarëve që nëse i shikojnë ose kanë informacion të telefonojnë në: 999, 101 ose 0800 555 111.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Grabitësi shqiptar kërcënon shqip dhe grabit 4 zviceranët

Bota Shqiptare

Grabitësi shqiptar kërcënon shqip dhe grabit 4 zviceranët

Natën e shkuar, rreth orës 00.15, katër burra u përballën me një person që fillimisht nuk e kuptuan se çfarë donte të thoshte. Pasi nuk u kuptua në gjermanisht, autori...

Dezinsektimi me fushata që “ha” fonde! Mushkonjat ngelen një shqetësim, sidomos në zonat bregdetare

Aktualitet

Dezinsektimi me fushata që “ha” fonde! Mushkonjat ngelen një shqetësim, sidomos në zonat bregdetare

Gjatë sezonit të verës një nga shqetësimet që shoqëron pushuesit dhe jo vetëm pranë zonave bregdetare është edhe pickimi nga mushkonjat. Edhe pse shteti shqiptar ka pesë vjet që u...

Si e morën shqiptarët kontrollin e drogës në Britani!

Aktualitet

Si e morën shqiptarët kontrollin e drogës në Britani!

Mafia shqiptare ka marrë nën kontroll tregun e kokainës në Mbretërinë e Bashkuar duke përdorur “modelin Amazon”, sipas ekspertëve kriminalistikë atje. Ata marrin përfitimet maksimale duke ofruar produkte me cilësi të...