Ja rrënjët dhe frymëzimi i Edi Ramës – Po rilindet Blloku në diplomaci

Albanian's leader of the opposition Socialist Party Edi Rama speaks during a protest in Tirana

 

 

Që nga misioni ynë në OKB e deri tek OSBE-ja dhe Izraeli, Edi Rama ka përzgjedhur si përfaqësues të politikës së tij të re, të bijtë apo nipat e nomenklaturës së Bllokut komunist, ku spikasin pasardhësit e Lenka Çukos, Xhelil Gjonit apo Ismail Lleshit

 

Faktet

Ilir Gjoni, i biri i Xhelil Gjonit, anëtar i Byrosë Politike dhe nip i Hysni Kapos, propozohet si ambasador në OKB

Ravesa Lleshi, e bija e Ismail Lleshit, sekretar PPSH-je në Tiranë dhe ministër Mbrojtjeje, mbesë në familjen Kapo propozohet si ambasadore në OSBE

Bardhyl Nimet Canaj, djalë i një sekretari të parë të PPSH-së dhe Dhëndër i Lenka Çukos propozohet si ambasador i ri në Izrael

Fatos Reka, i biri i Iljaz Rekës, sekretar i parë i PPSH në Durrës dhe eksponent i Sigurimit të Shtetit propozohet si ambasador në Zvicër

-Adia Bulent Sakiqi, mbesa e sekretarit personal të diktatorit dhe kushërirë e Nexhmije Hoxhës është tashmë ambasadore në Holandë

 

Kryeministri Edi Kristaq Rama, me anë të ministrit të Punëve të Jashtme, Ditmir Sulejman Bushati po bëhet gati të propozojë një sërë emrash që nuk janë gjë tjetër veçse militantë të Partisë së Punës së Shqipërisë, përfaqësues të denjë të baballarëve e gjyshërve të tyre. Nuk bëhet fjalë për kurrfarë kategorie të aftësh apo njerëzish që kanë habitur dynjanë, por vetëm për një grup personash të cilët janë vetëm nomenklaturë e regjimit të shkuar stalinist. “Rilindasit” e rinj të diplomacisë, nuk vijnë në këtë fushë për kurrfarë dëshirë për t’i shërbyer vendit, por për të çuar te rruga e baballarëve atë që ata nuk mundën ta vazhdojnë me regjimin e tyre kriminal.

Me këto propozime Edi Rama po tregon një dashuri të madhe për trashëgimtarët e nomenklaturës komuniste, sepse atje gjen rrënjët dhe frymëzimin.

Më poshtë po bëjmë një përshkrim të disa prej tyreve që presin të propozohen zyrtarisht.

-Ilir Xhelil Gjoni (1962), propozohet ambasador në OKB. Deri tani është ambasador në Zvicër.

Babai i tij, së fundmi ishte anëtar i Byrosë Politike të KQ të PPSH-së, ndërsa gjyshi Hysni Kapo, një prej xhelatëve të diktaturës komuniste, zëvendës për shumë vite i diktatorit Enver Hoxha.

Gjoni ka pasur edhe funksione të tjera më parë në qeveritë socialiste si ministër i Mbrojtjes apo i Rendit Publik.

-Fatos Iljaz Reka (1952), propozohet ambasador në Zvicër. Vjen në karrierë si djali i sekretarit të parë të Komitetit të PPSH-së në Durrës e rrethe të tjera dhe ish-kryetar i Kuvendit Popullor. Por po ashtu vjen nga një përvojë jopozitive në armën e Sigurimit të Shtetit.

-Bardhyl Nimet Canaj (1959), propozohet ambasador ne Izrael. Merita e tij është se është djali i Nimet Canajt (nga Hormova e Tepelenës), ish sekretar i parë në komitete të PPSH-së dhe se është martuar me shoqen Alma Nasi Çuko. Alma ka për nënë ish mjelësen Lenka Çuko e cila u bë sekretare e KQ të PPSH-së. Vëllai i Bardhylit, Besniku, ka qenë kryetar i Degës së 5-të të Drejtorisë së Parë të Sigurimit të Shtetit, me strehim në “Shtëpinë me gjethe” që Edi Rama e ka fort për zemër. Besohet se ky është një prej njerëzve që mallëngjeu kryeministrin Rama me gënjeshtra fort të pabesueshme që na kumtuan se injorantët e Sigurimit të Shtetit kishin bërë “blerje të fuqishme” teknologjike, në një kohë që ato ishin marrë nëpër kinkaleritë e Europës.

-Ravesa Ismail Lleshi (1976) propozohet ambasadore ne Vjene për në OSBE. Babai i saj ka qenë sekretar i PPSH në Tiranë dhe në qeverinë socialiste ministër i Mbrojtjes. Ravena si mbesë e Lleshëve, por edhe mbesë Vlore te Kapot, ka shumë për të bërë në drejtim të forcimit të luftës së klasave kundër armiqve të partisë.

-Adia Bulent Sakiqi (1977) është tashmë ambasadore në Holandë. E vetmja meritë e saj është fakti se ajo është mbesa e shokut Zeqi Rexhep Agollit (1923). Kjo ka nënë Elira Zeqi Agollin (Sakiqi). Gjysh Zeqiu është kushëri me shoqen Nexhmije Hoxha, element mjaft i rëndësishëm biografik ky për karrierë në Partinë Socialiste. Ky emërim bëhet pasi në shtëpinë e Zeqiut është strehuar shoku Enver gjatë luftës. Aty partia jonë ka shpartalluar disa “fraksione”. Po ashtu shoku Zeqi ka qenë sekretari i parë i shokut Enver pas lufte. Ai vijoi të japë kontribut në diplomacinë komuniste për të shpartalluar diplomacinë kapitaliste e revizioniste. Adia është martuar me Vandecateele Tom Louis në Leuven Belgjikë.

-Albana Lufti Dautllari (1976), specialiste në Ministrinë e Punëve të Jashtme, propozohet si ambasadore për shkak se babai ka qenë sekretar i parë i komitetit të PPSH-së në Korçë. Kjo është merita e vërtetë për karrierë.

 

10 Komente

  1. gjeti

    16/02/2015 at 00:35

    keta persona nuk eshte se jane femije e niper te ish kupoles komuniste por shumica e tyre kane qene perfitues direkt nga pozitat e bllokut te cilet jo thjeshte per biografi apo lidhje fisnore por si pjese e atij pushteti gjakpires nuk duhet dhe nuk mund te riciklohen ne politike dhe ca me teper ne pozita shume komode ne diplomaci ku me shume do te shohin bisneset dhe punet e tyre dhe diplomacia do te jete ne meshire te fatit si perhere rilindja e komunizmit tani nuk eshte me e fshehur ajo po ndodh hapur si nje komunizem shteteror i tipit kinez

  2. Tani

    14/02/2015 at 17:01

    Te happen dosjet dhe lepujt e zeroth te populist cod Berne.

  3. Tani

    14/02/2015 at 16:58

    Hajde store hajde po hani does jet dhe mos ju mbyllet gazeta dhe ska me roga

  4. turi

    09/02/2015 at 22:38

    Jam dakord me artikullin, por nje gje nuk eshte e qarte se pse nuk e miratoi Partia Demokratike, Ligjin per Lustracionin qe te mos ndodhnin tani keto qe po ndodhin. Do te thote se ketu fajin me te madh e ka e djathta qe nuk qe e afte te miratoje nje ligj te tille sepse dhe ajo eshte e mbushur me plehra si keto te artikullit. Me kundershtoni nese nuk eshte e vertete

  5. qazimi

    09/02/2015 at 21:58

    CFAR DOSJE DO HAPIN KTO QENA NJEZIT E DOSJEVE I KANE VU NE DETYR HADE RILINDAS HAJDE

  6. eni

    09/02/2015 at 20:03

    Biografia eshte pjese e jetes Ari, sta fshin askush, sepse nuk mundet. Ajo eshte si cv ne ditet e sotme. Turp I madh, sesi ky lloj llumi s’ka per te na u shqitur kurre! Aq me keq ne diplomaci, leqe 80 % aty jane ish komunista, akoma ne pushtet!

  7. Artur

    09/02/2015 at 15:45

    keni harruar ambasadoren e re ne SHBA, vajza e Asim Lulit, ambsadorit te kohes se Enverit, dhe kusherira e Ministrit te Jashtem Bushati.

  8. antikomunisti

    09/02/2015 at 13:40

    Une them qe duhet pare mire ky muhabeti me kte Vandecateele Tom Louis në Leuven te Belgjikës…..duhet germuar mire ne kete drejtim…se keta beleget njihen per komuniste t papam…s’eshte aq e thjeshte sa duket…kjo e Sakiqve eshte vetem maja e ajsbergut…ktu kane gisht komunistat belge!!!!

    • Antikomunistja

      15/02/2015 at 14:30

      Nga Vandecateele Tom Louis duhet te ruhemi te gjithe. Mjere ky popull c’e ka gjetur thuaj!!!

  9. Ari

    09/02/2015 at 08:56

    Artikulli eshte nje idiotsi totale!!!!
    Filluat dhe ju me biografi!!!!!