Traditat e dasmave që çiftet po lënë pas dore: Nga fustani i bardhë te mbiemri i bashkëshortit

E mërkurë, 05 September 2018 16:41

Dasmat më përpara kalonin nëpërmjet një tradite, e cila në përgjithësi diktonte gjithçka, nga ajo që duhet të vesh nusja deri të mënyra e prerjes së tortës nga çifti.

Por tani, ndoshta për shkak të kostos gjithnjë e në rritje të ceremonive martesore, gjithnjë e më shumë çifte kanë filluar të japin përparësi vetëm atyre traditave që duan të mbajnë dhe pjesën tjetër janë të gatshëm ta lenë pas.

Ndarja e rregullave dhe ripërcaktimi i asaj se si duhet të duket një martesë, duket se traditat martesore së shpejti mund të jenë një e kaluar, pasi një studim i ri zbuloi traditat e martesës që britanikët marrin më pak seriozisht.

Sondazhi mbarëkombëtar, i kryer nga “jewellers F.Hinds”, gjeti traditat e dasmës më pak të rëndësishme: dhuratat e dasmave (vetëm nëntë për qind thonë se janë të rëndësishme), familja e nuses e paguan faturën (10 për qind), dhëndri që mbante nusen mbi pragun e derës (16 për qind), si dhe duke propozuar në gjunjë (22 për qind).

Janë duke u zhdukur edhe ato ditë, kur fjalimet i përkisnin vetëm një gjinie. Ndërsa tradita kërkon që dhëndri ose njeriu i tij më i afërt të nis dasmën, studimi zbuloi se 15 për qind e nuseve kishin dhënë një fjalim në ditën e tyre të madhe.

Gjithashtu, ka ndryshuar tradita e të pasurit një kumbar dasme apo edhe fustanet e shkurtra të shoqëruesve të nuses, mbi 10 për qind e njerëzve kanë pasur kumbar një grua ose më shumë se një kumbar.

Në të njëjtën mënyrë, vetëm 36 për qind e njerëzve mendonin se ishte e rëndësishme për një nuse të merrte mbiemrin e burrit pasi ishin martuar, ndërkohë që vetëm 37 për qind e çifteve mendonin se unazat e martesës ishin një domosdoshmëri.

Kur vjen puna te veshja tradicionale, studimi zbuloi se 24 për qind e nuseve kanë zgjedhur të heqin dorë nga veshja klasike e bardhë, ku gjashtë për qind priren për një kostum.

Dhe ndodh gjithnjë e më pak që dhëndri ti kërkoj dorën babait të nuses së ardhshme.

Në fakt, katër për qind e të anketuarve thanë se babai i nuses së ardhshme tha “jo” kur ata i kërkuan dorën, por po ai numër gjithashtu zbuloi se ata gjithsesi u martuan.

Megjithatë, ka disa tradita që njerëzit mendojnë se janë ende të rëndësishme.

Studimi zbuloi se 59 për qind e të pyeturve besojnë se është e domosdoshme që një nuse të eci përkrah babai i saj kur futet në ceremoni, ndërsa 46 për qind thonë se të kesh kumbar dhe shoqërues nusesh është e thelbësore.

Më herët këtë vit, një grup planifikuesish të dasmave zbuluan tendencat e fundit të dasmës së vitit 2018.

Trendet që ata sugjeruan që çiftet duhet të shmangin kur planifikojnë dasmën përfshijnë gjithçka, nga lloji i tortës, te muret e dekoruara të sallës, e deri të hyrjet dramatike të martesave.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Përse duhet mbështetur një kauz e drejtë, lexoni pastorin gjerman

Aktualitet

Përse duhet mbështetur një kauz e drejtë, lexoni pastorin gjerman

Përse duhet mbështetur një protestë e një kauze të drejtë? Lexoni “ They first came...” të pastorit gjerman Martin Niemöller. Ne fillim erdhen... -Ne filim erdhen per komunistetUne nuk fola se nuk...

VIDEO/ Tifozët shqiptarë zbresin në fushë

Sport

VIDEO/ Tifozët shqiptarë zbresin në fushë

Më shumë se goli, tifozët shqiptarë i ka gëzuar prania e yllit të Realit, futbollistit të Uellsit Gareth Bale. Pak çaste pas përfundimit të ndeshjes një situatë e pazakontë është...

600 policë italianë për 8 vila të paligjshme të mafias

Globi

600 policë italianë për 8 vila të paligjshme të mafias

Policia italiane konfiskoi tetë vila të ndërtuara në mënyrë të paligjshme nga anëtarët e mafias në zonën e Romës. Plot 600 agjentë policie u angazhuan për këtë mision, kundër një klani...

Sondazh

Nothing found!

Sondazh

Nothing found!