Gabimet që bëhen kur ndryshon karrierën

Diel, 22 Prill 2018 17:43

 

Njerëzit e ndryshojnë karrierën e tyre mesatarisht 6 herë në jetë. Edhe pse nuk ka një përcaktim të qartë, nëse “ndryshim karriere” do të thotë të punosh në të njëjtën fushë, por një tjetër nivel pune apo të ndryshosh pozicionin dhe funksionin tënd në një kompani të caktuar.

Pavarësisht sesa e madhe apo e vogël është dëshira juaj për të ndryshuar karrierë, më poshtë do të njiheni me disa prej gabimeve më të shpeshta që njerëzit bëjnë apo mendojnë në këtë drejtim.

1. S’mund të bëni gabime

Libra të shumtë janë shkruar dhe studime të shumta janë bërë në lidhje me ndryshimet e karrierës që i ndodhin njerëzve gjatë jetës së tyre. Megjithatë edhe ndryshimi i karrierës ashtu si edhe çdo ndryshim është një eksperiencë shumë personale, sepse çfarë mund të duket e vështirë për dikë nuk mund të jetë për dikë tjetër. Paralelisht me punën që mund të bëni dhe gjithmonë nëse keni mundësi si kohore ashtu edhe financiare ju mund të hapni edhe një biznes tuajin privat, që në rast se nuk ndiheni mirë në punën ku jeni aktualisht, ta lini atë dhe të punoni me kohë të plotë në biznesin që keni.

2. Mos u çudisni, të lexuarit dhe të studiuarit në vazhdimësi nuk dek kurrë nga moda

Nëse do të lexoni artikuj të ndryshëm, do të bëni teste të ndryshme personaliteti, ju do ta kuptoni nëse ndiheni mirë në punë që keni aktualisht apo ka ardhur momenti i duhur për të bërë një ndryshim në karrierën tuaj. Pjesa më e madhe prej nesh reagon ndaj realitetit në bazë të disa besimeve që kemi krijuar me kalimin e kohës dhe që fatkeqësisht mund të rezultojnë të jenë të gabuara. Disa prej këtyre gabimeve më të shpeshta janë: unë nuk mund ta bëja një punë të tillë, nuk kam moshën e duhur, nuk kam mundësi financiare, etj.

Një tjetër situatë është ajo që ju nuk e keni fare idenë të mundësive që ekzistojnë jashtë katër mureve të zyrës suaj. Prandaj këshillohet që të lexoni, të studioni dhe të kërkoni deri në momentin që ju të ndiheni mirë dhe të realizuar në punën që bëni.

3. Duhet të keni gjithçka të planifikuar, deri në detajin më të vogël

Ka nga ata punonjës që kur “i ka ardhur në majë të hundës” punë në të cilën janë aktualisht, ata bëjnë thjesht disa kërkime tregu të vendeve vakante ku ata mund të punonin, gjejnë mundësinë që për ta është më e mira dhe bëjnë ndryshimin, pa e menduar gjatë. Por ka edhe nga ata të cilët pa e menduar edhe detajin më të vogël, zor se janë të gatshëm që të ndryshojnë karrierë, duke mënduar për rreziqet e mundshme që mund t’i kanoseshin.

4. Të ndryshosh karrierë është vetëm për të pasurit

Nëse ju nuk e pëlqeni punën ku jeni aktualisht dhe mbi të gjitha nuk keni një pagesë të mirë, atëherë ju duhet të largoheni nga aty drejt një karriere tjetër duke vrapuar dhe jo duke ecur. Në të kundërt ju vetëm sesa do ta përkeqësonit gjendjen tuaj edhe më shumë. Në ditët e sotme dhe me morinë e informacionit që na jepet ndryshimi i karrierës apo krijimi i mundësive të reja është i aksesueshëm për këdo që dëshiron, prandaj hiqni dorë nga perceptimi i gabuar, që vetëm të pasur kanë mundësinë për të ndryshuar karrierë.

5. Ju duhet një diplomë për të ndryshuar karrierë

Kjo ëshë mëse e vërtetë, pa diplomë ju nuk keni ku të shkoni. Edhe nëse arrini të ndryshoni punë dhe të shkoni në një sektor tjetër apo kompani tjetër, ju duhet që të kryeni patjetër specializimin në atë fushë në të cilën po punoni.

6. Duhet të jeni “gjeni” që të bëni zgjedhjen e duhur

Ky është një prej perceptimeve më të gabuara: “Duhet të jeni gjeni që të bëni zgjedhjen e duhur”. Nëse kjo do të ishte e vërtetë askush nuk do të ishte i suksesshëm dhe nuk do të bënte zgjedhjen e duhur. Sigurisht që zgjuarsia është një plus shumë i madh por jo domosdoshëmrisht duhet zgjuarsia e një gjeniu, jo vetëm për të qëne i suksesshëm por edhe për të ndryshuar karrierë.

7. Po sikur ndryshimi i karrierës të jetë vendimi më i keq që mund të merrnit?

Mos u friksoni. Edhe në rast se ndryshimi juaj i karrierës të mos rezultojë ai që ju shpresuat, ju gjithsesi mund të përdorni të gjitha aftësitë që ju keni fituar gjatë viteve për t’i përdorur ato në të mirën tuaj. Mund të përballeni me vështirësi, të papritura të cilat nuk i kishit menduar në momentin që e morët vendimin për të ndryshuar karrierën tuaj, por nëse rrini në vend dhe të paktën nuk përpiqeni për të ndryshuar, të jeni të sigurtë se do të humbisni më shumë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Aksident në autostradën Tiranë-Durrës, makina kthehet përmbys

Aktualitet

Aksident në autostradën Tiranë-Durrës, makina kthehet përmbys

Mesditën e sotme në autostradën Tiranë-Durrës ka ndodhur një aksident ku një makinë është përplasur me një triçikël. Nga pamjet dallohet se vetura është kthyer përmbys, por për fat të mirë...

Qyteti kanadez refuzon të organizojë Lojrat Olimpike Dimërore 2026

Globi

Qyteti kanadez refuzon të organizojë Lojrat Olimpike Dimërore 2026

Banorët e qytetit kanadez Calgary kanë votuar me forcë kundër ofertës për të organizuar Lojërat Olimpike Dimërore 2026. Më shumë se 56% e votuesve e hodhën poshtë idenë në mes të...

Qumësht e djathë i rrezikshëm, AKU përmbys markatën e Elbasanit

Aktualitet

Qumësht e djathë i rrezikshëm, AKU përmbys markatën e Elbasanit

AKU në qytetin e Elbasanit ka ushtruar kontroll në tregun e hapur , në markatë, ku ka konstatuar disa subjekte që tregtonin produktet ushqimore me origjinë shtazore, pa asnjë  dokumentacion...

Sondazh

Nothing found!

Sondazh

Nothing found!