Numri dy i Partisë së Merkelit i vë emër "Peshkut të Madh"

Hënë, 11 June 2018 19:47

Në një intervistë ekskluzive për Kryeredaktoren e “Opinion”, Desada Metaj, numri dy i partisë së Kancelares Merkel në CDU/CSU, Dr. Johann David Wadephul ka treguar qartë se cilat janë kushtet për hapjen e negociatave: burgosja e Tahirit, si peshk i madh dhe dorëheqja e  Fatmir Xhafajt.

Por, çfarë duhet lexuar nga kjo deklaratë?! Së pari, duhet të peshojmë personin që bëri deklaratën. Dr. Wadephul është zv. Kryetar i Grupit Parlamentar CDU/CSU ne Bundestag, përgjegjës për politikën e jashtme, të sigurisë dhe Këshillin e Europës, dhe Kreu i Grupit të Punës për Ballkanin Perëndimor. Pra, është njeriu i dytë në hierarki, por zyrtari i parë përmes së cilës kancelarja Merkel përcjell politikat e saj të jashtme. Pra, deklarata mbart një valencë të rëndësishme, jo vetëm besueshmërie, por edhe vendimmarrëse.

Së dyti, kur kërkohet burgosja dhe dorëheqja, përkatësisht e Tahirit dhe Xhafës, dy bashkëpunëtoreve politik dhe personal të Ramës, mesazhi që përcillet është se kërkohet largimi i vetë kryeministrit. Është pikërisht ky akti, pra largimi i Ramës, që i përmbledh në një paketë të vetme si burgosjen e peshkut të madh ashtu edhe dorëheqjen e Xhafës. Pse? Sepse Tahiri, nga një larvë tabelash të zeza s’u bë peshk i madh nga sevdaja, por ai vjen nga i njëjti rezervuar kriminal ku lundron oktapodi Rama. Moralisht, politikisht dhe penalisht, ky verdikt gjerman se Tahiri është peshk i madh e hedh rrjetën e Gjermanisë edhe tek Edi Rama.Më e rëndësishmja, Numri 2 i Kancelares Merkel i vuri emër këtij peshku të madh për t'u treguar disa ndërkombëtarëve të brendshëm që të mos bëjnë diversione me cironka.

Së treti, reforma e drejtësisë, e ambalazhuar nga qeveria dhe ndërkombëtarët “e brendshëm”me mantelin prej superheroi, po demaskohet tani si shkaktarja e bllokimit të drejtësisë. Numri dy i kancelares Merkel theksoi se “duhet të fillojë puna dhe funksionimi i Gjykatës Kushtetuese, të Gjykatave të instancave të larta dhe SPAK –ut”.  Asgjësimi i Gjykatës Kushtetuese dhe i Gjykatës së Lartë, njëra gardiania e Kushtetutës  e tjetra autoriteti final i  vendimeve përfundimtare, tregon gjymtimin e shtetit, në atë masë saqë mund të themi se për ca pleshta, reforma dogji gjithë jorganin e drejtësisë. Pra, aktualisht na duhet një reformë në drejtësi për të reformuar vet reformën në drejtësi, pasi i gjithë sistemi i drejtësisë është bërë kotkë.  Pra, është demaskuar tanimë se këto duar të përlyera me kokainë dhe hashash nga tabori politik i Ramës, jo vetëm që s’po bëjnë reformë në drejtësi, por po e përçudnojnë për të siguruar mburojë për krimin e organizuar.

Qeverisja e Edi Ramës e arriti standardin më të madh të publicitetit, saqë po i kërkohet dorëheqja edhe nga instanca ndërkombëtare, fiks si dikur Noriegës. Sentenca është e qartë: Largimi i Ramës është parakushti për plotësimin e kushteve që na kërkohet për integrimin evropian./ Redaksionale 55news.al

Modifikuar më Tuesday, 12 June 2018 15:18

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Këto janë 4 shenjat e horoskopit që dashurojnë përjetësisht

Lifestyle

Këto janë 4 shenjat e horoskopit që dashurojnë përjetësisht

Marrëdhëniet afatgjata dhe të qëndrueshme janë shumë të dëshiruara, por jo të gjithë janë të suksesshëm në këtë aspekt. Disa shenja të horoskopit janë krijuar thjesht për një histori dashurie...

Raporti britanik: Krimi shqiptar cënon sigurinë, kontrollojnë me dhunë trafikun e kokainës

Aktualitet

Raporti britanik: Krimi shqiptar cënon sigurinë, kontrollojnë me dhunë trafikun e kokainës

Kriminaliteti shqiptar po kthehet në një shqetësim serioz për sigurinë britanike. Në një artikull të publikuar këtë të hënë, “Daily Express” i referohet një raporti të Agjencisë Kombëtare të Krimit...

Rezultatet e frikshme nga niveli i nitratit në fruta dhe perimet që shiten në Tiranë

Aktualitet

Rezultatet e frikshme nga niveli i nitratit në fruta dhe perimet që shiten në Tiranë

Që nuk e dimë se çfarë hamë, kjo është pak por e sigurtë, ama me një testues të thjeshtë ushqimesh mund ta krijoni paksa idenë se çfarë po konsumoni. Nëse u...