Ne nuk e meritojmë të qeverisemi nga kjo bandë kriminale

Tuesday, 12 June 2018 10:10

Nga Izmira Ulqinaku

Për çdo vend normal, aq më tepër për një vend që aspiron të hyjë në Bashkimin Evropian, përfshirja e një ministri në trafikun e drogës do të përbënte një prej skandaleve më të mëdha dhe asnjë kryeministër e asnjë qeveri nuk do të kishte moralin të vazhdonte qeverisjen, por do të kishin dhënë dorëheqjen si masën më elementare për t’i hapur rrugë hetimeve. Por ajo çfarë ndodh tek ne, me këtë qeveri dhe këtë kryeministër  është diçka jashtë normales, përtej të imagjinueshmes për çdo vend të këtij kontinenti. Madje edhe aty ku udhëheqin autokratë që kanë marrë çdo gjë në dorë, shumë më pak se kjo katrahurë do t’i bënte të tërhiqeshin. Por këta këtu, kaq fort i ka kapur krimi, kaq shumë i janë shitur bandave të trafikut, saqë me imoralitetin më të madh politik vazhdojnë të kapërdijnë skandalet njëri pas tjetrit dhe, në saj të votave të blera me paratë e krimit, vazhdojnë të bëjnë sikur qeverisin. Mbase jemi vendi unik që nga një ministër i brendshëm i drogës kalojmë tek një ministër tjetër i brendshëm i drogës. Nga droga e Tahirit, tek droga e Xhafajt. Kemi një ministër i cili sa erdhi në detyrë bëri me ngut vetingun e policisë. Nxitoi, sepse donte të ndërronte bandën me etiketën “policia që duam” të paraardhësit të tij, me njerëzit që do t’i mbronin të vëllanë dhe aktivitetin e tij. Sot nuk ka shqiptar që nuk e ka të qartë se kjo qeveri po vijon të na mbajë peng, ndoshta në një prej momenteve më të rëndësishëm të këtyre tri dekadave pluralizëm, atë të afrimit me Bashkimin   Evropian, drejt integrimit në familjen   evropiane. Është pikërisht ky moment që e bën dyfish imperative largimin e Fatmir Xhafajt nga Ministër i Brendshëm që t’i hapë rrugën një hetimi të pavarur dhe të pandikuar nga pushteti që ai mban sot. Policia e Shtetit duhet të çlirohet nga kapja  prej klanit Xhafaj, i  cili  zëvendësoi klanin Tahiri-Habilaj, duke vazhduar të mbrojë krimin dhe trafikun ndërkombëtar të drogës. Por të gjithë e dimë mirë se as Ministria e Brendshme, as Policia dhe as Prokuroria e kapur nga dyshja Rama-Xhafa nuk vepron dhe nuk do të veprojë për sa kohë Fatmir Xhafaj është ministër i Brendshëm. Ashtu siç tha edhe ambasada amerikane, gjykatat janë nën presion apo po blihen. Edhe CDU/CSU u shpreh që Shqipëria nuk ka plotësuar asnjë kusht për hapjen e negociatave, peshqit e mëdhenj janë të paprekur. Akt  që na fundosi shpresat për  hapjen e  negociatave, duke i treguar edhe faktorit ndërkombëtar se kjo qeveri jo vetëm nuk e ka seriozisht çështjen e integrimit, por edhe është pengesa kryesore për integrimin e vendit. Kjo qeveri dhe kjo mazhorancë ka dështuar plotësisht në ndërtimin e një shteti normal. Kanë gjunjëzuar një shoqëri të tërë përmes kapjes së shtetit nga krimi.

Modifikuar më Tuesday, 12 June 2018 10:17

1 koment

  • Përgjigju Rudi

    Rinija Shqiptare per Rita Ora bashkohen 250,000 por per nje Qeveri kriminale si qe esht Qeverija Shqiptare si Kryeminister z,Edi Rama as 25000 nuk behen.

    E Enjte, 14 June 2018 14:59 komentuar nga Rudi

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Formacionet zyrtare/ Arabi Saudite-Egjipti, loja për vendin e tretë të grupit

Sport

Formacionet zyrtare/ Arabi Saudite-Egjipti, loja për vendin e tretë të grupit

Turneu i Botërorit hyn sot në raundin e fundit të fazës të grupeve, ku Grupet A dhe B vendosin sot kryesuesit e tyre. Tek grupi A është vendosur gjithçka, ku Egjipti...

Interneti në shtëpi, arrin në 314 mijë numri i të abonuarëve

Aktualitet

Interneti në shtëpi, arrin në 314 mijë numri i të abonuarëve

Numri i abonentëve të internetit nga linjat fikse i është kthyer rritjes me ritme të larta në tremujorin e parë të këtij viti. Sipas të dhënave nga Autoriteti i Komunikimeve...

U akuza se merrte urdhra nga opozita/Liçaj: E sfidoj Veliajn, ti nxjerrë dialogjet me PD-në

Politikë

U akuza se merrte urdhra nga opozita/Liçaj: E sfidoj Veliajn, ti nxjerrë dialogjet me PD-në

Ditën e sotme Erion Veliaj ftoi artistët në një dëgjesë për Teatrin Kombëtar. Pas përplasjes që pati me Veliajn, aktori Neritan Liçaj braktisi dëgjesën. I ftuar në studion e FaxNews, Liçaj tha...