Kur kallashi bën vettingun

Saturday, 01 September 2018 19:52

Janë shënuar dy ngjarje që ndonëse të ndryshme për nga formati me njëra tjetrën, përbëjnë akte të së njëjtës dramë. Skandali i audio-përgjimit ku i dërguari i Edi Ramës, Denar Biba, po shantazhonte gjyqtarin e Strasburgut, Ledi Bianku dhe së dyti, sulmi më kallashnikov që iu bë shtëpisë së gazetares së njohur Klodiana Lala.

Reforma jo vetëm ka dështuar të ndreqë drejtësinë, por e ka çmontuar pushtetin e tretë nga Republika e Shqipërisë, duke e bërë Edi Ramën jo vetëm shef të ekzekutivit, por edhe gjyqësorit, si në republikat e bananeve. Koha, si dimension i fizikës dhe i realitetit, e ka zhveshur nga zhgualli i gënjeshtrës reformën në drejtësi që iu shit shqiptarëve si një karamele prej pedofili. Sot, koha tregoi se kjo reformë qe një sipërmarrje private e Edi Ramës dhe e disa ndërkombëtarëve, të cilët nga nxitimi për të mbyllur rrethin kriminal të Ramës, kanë harruar të parashikonin vakancat në Gjykatën e Lartë dhe në Gjykatën Kushtetuese. Thirrjet për ‘bashkojuni sistemit gjyqësor” janë thjesht një pranim i kapitullimit të reformës dhe i ngjasojnë atyre fushatave të Dëshmitarëve të Jehovait. Ky inkuizicion që i është bërë sistemit të drejtësisë dhe shndërrimi i vettingut në një gijotinë politike dëshmohet në mënyrën më të pastër tek përpjekja e Edi Ramës, për të shantazhuar të pashantazhueshmen...atë vetë, ajkën e sistemit ndërkombëtar të drejtësisë, Gjykatën e të Drejtave të Njeriut në Strasburg.

Natyrshëm, shtrohen pyetjet retorike? Ky kryeministër, që disa ndërkombëtarë të emëruar me rregull treshi i kanë dorëzuar kurorën e reformës në drejtësi, a ja ka haberin drejtësisë apo më saktë i ka shqisat e drejtësisë? A është i denjë ky kryeministër për të ndërmarrë një reformë të tillë kur një gazetare që ka denoncuar aferat qeveritare me krimin sulmohet me kallashnikov? 

E vërteta është se me shantazhimin e Strasburgut, vettingu ra dhe  ky proces s’ka asnjë dallim nga telefonata e Bibës. Mund të ndryshojë në formë, por në thelb kundërmon në Edi Ramë.  Vettingu ra se kallashi tregoi dje se nuk pyet për gazetarë e drejtësi, as vetting e as reformë, sepse reforma është dora vet, kryeministri që e futi gazetarinë në “kazan”. Si mund të ketë pushtet të tretë, kur pushteti i katërt, media, nga halli se si behet vetting, “vettingohet” me kallash.

Prandaj, gjyqtarët që kaluat vettingu e ata që do vijne si prurje të reja e kanë jo të largët telefonatën nga Bibat e Edi Ramës. Ndërsa ju o kriminelë, aty ku nuk bëni dot vetting, keni kallashin dhe “karikatorin” ja u mbush kazan-kryeministri.

Modifikuar më Diel, 02 September 2018 13:55

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kosova, të martën bëhet anëtare e INTERPOL-it

Bota Shqiptare

Kosova, të martën bëhet anëtare e INTERPOL-it

Ministri i Punëve të Jashtme në Qeverinë e Kosovës, Behgjet Pacolli, u shpreh optimist se Kosova nga nesër do të jetë anëtare e organizatës policore ndërkombëtare - INTERPOL. "Vota pro është...

LAJM I FUNDIT/ Kërkohet dorëheqja e deputetit të PS, fyeu fëmijët autikë

Aktualitet

LAJM I FUNDIT/ Kërkohet dorëheqja e deputetit të PS, fyeu fëmijët autikë

Ndaj gjuhës fyese të deputetit socialist Alket Hyseni kundrejt autikëve ka reaguar edhe drejtuesja e fondacionit “Down Syndrome Albania” Emanuela Pepkola Zaimi e cila ka kërkuar dorëheqjen. “Alket Hyseni jepni dorëheqjen”...

5 vjet pa Sokol Olldashin, Basha status të veçantë

Politikë

5 vjet pa Sokol Olldashin, Basha status të veçantë

Kryetari i PD-së Lulzim Basha ka përkujtuar ish-ministrin dhe deputetin demokrat Sokoll Olldashi në 5-vjetorin e ndarjes së tij nga jeta. kryetari i PD-së Lulzim Basha, e kujton përmes një mesazhi...

Sondazh

Nothing found!

Sondazh

Nothing found!