BE, thyeje vezën!

Premte, 07 September 2018 18:13

Nga Qemal SAKAJEVA

Le të ndërtojmë një paralele.

Në njërën anë,  e vërteta e sotme: Kosova e çliruar më  1999, Bashkimi Europian ndërmjetës bisedimesh, radikalët në Beograd gjithmonë qeverisës.

Në  anën tjetër, e vërteta legjendë: Amerika e zbuluar më 1492, Kristofor Kolombi hero i gjithkohshëm, fisnikët spanjollë ziliqarë të paepur.

Ajo që kishte ndodhur atëherë  para pesë shekujsh,  ishte dhe mbeti e jashtëzakonshme për njerëzimin: u zbulua Bota e Re (New World) dhe Kristofor Kolombi mbeti  hero i Spanjës.

Ajo që ndodhi në vitin 1999,  ishte lufta humane  e NATO-s për shpëtimin e shqiptarëve nga spastrimi  etnik i sigurtë dhe SHBA e vende të Bashkimit Europian i “zbuluan” botës Kosovën e nxjerrë nga  thundra, burgu dhe terrori serb.

Fisnikët ziliqarë spanjollë iu patën sulur Kristofor Kolombit, t’ia zbehnin e t’ia bënin asgjë lundrimin e guximshëm dhe zbulimin historik.

Radikalët serbë nëpër të gjitha qeverisjet  zbrazën urrejtje kundër  SHBA dhe vendeve të Bashkimit Europian, duke i cilësuar pushtues me luftë të territoreve serbe, ndërsa   Pakon Ahtisaari që çoi në pavarësinë e  Kosovës dhe krijimin e shtetit të ri e quajtën paçavure.

Deri kur erdhi lufta, bota perëndimore  dhe njerëzimi me të drejtë e njihte si  “Çështja e Kosovës”. Por pas çlirimit dhe pavarësimit të saj, Serbia ka arritur ta detyrojë Bashkimin  Europian t’a mbajë mbi tavolinë me të njëjtin term - “Çështja e Kosovës”, madje po synon të arrijë një konferencë ndërkombëtare, si mënyrë për ndryshimin e rezultatit të luftës, përveç të tjerave, edhe me “border correktion” (korrigjim i kufirit). Ky ishte dhe mbetet lëshim e gabim i Bashkimit Europian, që e ka dëmtuar dhe komplikuar një zgjidhje të përfunduar që prej shumë vitesh.

Qysh nga çlirimi dhe pavarësimi nuk ka pse të mbetet më cilësimi “Çështja e Kosovës”.

Serbia është çështja, si në luftë dhe në paqë.

Lufta e shqiptarëve dhe pavarësia e Kosovës ndodhën brenda caqeve rreptësisht të përcaktuara, pa cenuar e dëmtuar asnjë vend fqinj, me të cilat u arrit:

Të shpëtohej populli.

Të mbroheshin pakicat, përfshirë atë serbe.

Të çlirohej territori.

Të merreshin nën administrim pasuritë mbi dhe nëntokësore.

Të garantoheshin kufijtë e Kosovës si njësi administrative e Federatës Jugosllave.

Këto përbëjnë “vijën e kuqe”, të cilën Serbia nuk duhet lejuar t’a shkelë e t’a kapërcejë. Askush në Kosovë dhe në botë nuk ka mandat t’i negociojë ato.  Gjithçka tjetër është teknike dhe bisedimet duhet të merren vetëm me to.

Por është e pabesueshme se si, që prej pak vitesh, Kosova e vogël u shndërrua në çështje të ndërlikuar të madhe, sikur të ishte pika më kritike e globit, edhe pse me një prani ndërkombëtare të llojllojshme qysh prej gati 20 vjetëve. Serbia është hedhur në ofensivën finale për të arritur marrëveshjen e pushtimit paqësor të Kosovës në disa forma, brenda strategjisë së saj për të mos e njohur pavarsinë. Eshtë koha që Bashkimi Europian të bëjë sfidën  e mbrojtjes së Kosovës dhe të kontributit të vetë, prandaj: BE, thyeje vezën!  - si Kolombi -  dhe Kosova  të rrijë në këmbë, ndërsa radikalët serbë në qeveri e jashtë saj, le të turfullojnë si dikur fisnikët spanjollë kundër zbuluesit të madh. Kaq e thjeshtë është zgjidhja, e arritur me luftë dhe Pakon Ahtisaari, e zbatuar me zell nga shteti i Kosovës, si kompromisi më i madh i shqiptarëve.

Serbia të njohë Republikën e Kosovës kështu siç është, në kufijtë zyrtarë dhe hisen e vetë të diellit. Dhe bashkë me Serbinë, t’a njohë edhe vetë BE!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zbulohet ndeshja e trukuar nga grupi "Bajri"

Aktualitet

Zbulohet ndeshja e trukuar nga grupi "Bajri"

Mes 11 personave të arrestuar si pjesë e grupit kriminal "Bajri", është edhe shtetasi Armir Grima, trajner i kombëtares së futbollit për femra i cili gjatë karrierës së tij sportive...

"Pronari më shikonte format, më kërkonte foto' 23 vjeçarja tregon ngacmimin seksual në punë

Aktualitet

"Pronari më shikonte format, më kërkonte foto' 23 vjeçarja tregon ngacmimin seksual në punë

Ada është një vajzë 23-vjeçare nga Berati, e cila pasi përfundoi studimet e larta vendosi që të qëndrojë në Tiranë për t’u punësuar.Por, në ambientet punëdhënëse që ajo ka frekuentuar...

Punime në stacionin Selitë, ja zonat pa energji elektrike nesër

Aktualitet

Punime në stacionin Selitë, ja zonat pa energji elektrike nesër

Operatori i Shpërndarjes së Energjisë Elektrike njofton abonentët e Tiranës se nesër do të ketë ndërprerje të energjisë elektrike për shkak të punimeve në nënstacionin Selitës. OSHEE bën me dije se...