Pse po turren të ikin të gjithë nga Shqipëria!

Premte, 02 November 2018 06:55

Nga Mina HYSA

Shqipëria po zbrazet çdo ditë. Në mënyrë legale ose jo, çdo ditë nga vendi në rrugë tokësore, ajrore dhe detare qytetarët shqiptarë marrin rrugën për në vendet e BE me shpresën për të gjetur një strehë, vend pune, ku si qëllim kanë një jetë më të mirë për vete dhe familjarët. Teksa jemi në kohën e aplikimit të lotarisë amerikane, statistika e vitit të kaluar ishte rrëqethëse ku rreth 400 mijë shqiptarë kishin aplikuar për të shkuar në Shtetet e Bashkuara të Amerikës, që për ne ka qenë dhe mbetet vendi i ëndrrave!. Të shohim këtë vit, pas mbylljes së aplikimeve më 6 nëntor, se sa është numri i shqiptarëve që do të kërkojnë këtë vit të lënë vendlindjen për të punuar dhe jetuar në SHBA!

Pritshmëria sigurisht është zhgënjyese sa i përket asaj që ne duam, moslargimin nga Shqipëria të qytetarëve, por se fakti është krejt tjetër: Të gjithë duan të ikin!

Një miku im, i cili punon dhe jeton në SHBA, këto ditë ishte në Tiranë dhe kishte shkuar për vizitë në Shkodër. Më pohoi (sikurse kishte konstatuar dhe i kishin thënë), se çdo ditë nga Shkodra largohet të paktë një autobusë me qytetarë për Gjermani!.

I dukej rrëqethëse për faktin se kjo nuk kishte ndodhur më parë, madje as në vitin 1990, apo 1997. Statistikat janë tronditëse!. Nuk ka vend të BE që qytetarët shqiptarë nuk aplikojnë për azil, e bëjnë këtë pavarësisht se një pjesë janë të vetëdijshëm që dhe nuk mund ta marrin. Alarmi është se shqiptarët vijnë pas sirianëve dhe afganëve në kërkesat për azil, të cilët kanë dal dhe janë në gjendje lufte. Drejtuesit e disa qeverive si Gjermanisë, Francës, Holandës etj, kanë i kanë kërkuar Ramës parandalimin e kësaj epidemie, zbrazjes së shqiptarëve në vendet e BE, kanë kërcënuar dhe me kthim të vizave, por sërish largimi i shqiptarëve po masiv është. Kjo qeveri nuk ka mundësi ta ndryshojë Shqipërinë që shtetasit shqiptarë të rrinë këtu, por s’kanë më as forcë t’i ndalojë të ikin!.  Shqiptarët kërkojnë azil pasi nuk kanë rrugë tjetër!. Kanë shkuar deri atje, sa një shqiptarë me mirë pranonte të rrinte në burgun e Londrës se sa të kthehej në Shqipëri.

Shteti shqiptar, qeveria e Edi Ramës, jo vetëm që nuk kanë punuar në drejtimin  të zhvillimit të vendit, por e ka rrënuar atë!. Ikin, pasi në këtë vend nuk ka punë, nuk ka shëndetësi dhe arsim cilësorë, përballen me një administratë që nuk iu mbaron punë po nuk pagove nën dorë, ikin se nuk kanë asnjë shans të mund të kenë mundësi të bëjnë një jetë normale dhe çfarë është më e frikshme, ikin sepse iu është vrarë dhe shpresa. Asnjë garanci nuk kanë që në këtë vend gjërat, mund të ndryshojnë për sa kohë këtu është dhunuar e drejta më elementare në Demokraci, e drejta për të zgjedhur lirshëm!. Përsa kohë qeveria është njësh me bandat, ata garantojnë fitoren e Rilindjes, marrin tortën pushtetit, e trajtojnë atë sipas interesave të tyre, çfarë mund të garantosh në këtë vend që gjërat do të ndryshojnë!. Qytetarët, mund të përballen me qeverinë, por jo me bandat!. Ato kanë kodin e tyre e thënë ndryshe të pamundësojnë që të iu dalësh kundër sepse jo vetëm që nuk mund të bësh një jetë normale brenda mundësive që gjendet vendi, por rrezikon dhe të mos jetosh po ju prekë interesat dhe llokmën e pushtetit!. Atëherë pyetja që shtrohet në këtë rast është: A mund të jetosh në këtë vend që nuk të jep asnjë mundësi të mbash familjen si dhe nuk ke shpresë për një të ardhme?

Modifikuar më Premte, 02 November 2018 07:02

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Lista/ Shtetet që nuk lejohet të “fluturojnë” në SHBA

Globi

Lista/ Shtetet që nuk lejohet të “fluturojnë” në SHBA

Vitet e fundit udhëtimet nga ajri janë preferuar gjithnjë e më shumë duke pësuar një rritje të konsiderueshme në mbarë botën. Më shumë se katër miliardë njerëz udhëtuan nga ajri...

Greqia e katërta për tatimin mbi pronën në BE,  rënie të thellë në investime

Globi

Greqia e katërta për tatimin mbi pronën në BE,  rënie të thellë në investime

Greqia mban vendin e katërt në BE në lidhje me tatimin më lartë të pronës, sipas një studimi të kryer nga Fondacioni për Hulumtime Ekonomike dhe Industriale, ose IOBE. Studimi gjithashtu...

Helidon Kastrati, histori suksesi në Britani dhe investimi i guximshëm që nuk mbështetet nga shteti shqiptar

Aktualitet

Helidon Kastrati, histori suksesi në Britani dhe investimi i guximshëm që nuk mbështetet nga shteti shqiptar

Nga Mina HYSA Shqiptarët në diasporë pavarësisht vështirësive të fillimit kanë mundur të ndërtojnë më së miri jetën atje ku ndodhen në vende të ndryshme dhe shumë prej tyre kanë qenë...

Sondazh

Nothing found!

Sondazh

Nothing found!