Mbivendosjet e 8 nëntorit i bashkon mungesa e shtetit

E Enjte, 08 November 2018 19:04

Nga Ilir Nikolla

Asistuam sot në mortin e minoritarit tonë, njëkohësisht ushtar i Athinës, si dhe në shfaqjen mediatike te flamurit grek në transmetimet e drejtpërdrejta në televizionet shqiptare, të cilat s’dinin nëse transmetimi ishte patriotizëm apo kolaboracionizëm. Ky 8 nëntor la pas një ngjarje themelore për shqiptarët, përvjetorin e Formulës së Pagëzimit, të parit dokument shqip, shkruar nga peshkop Pal Engjëlli më 1462-in. Kjo ditë u shenjua nga vizitat e presidentit Meta në Horën Arbëreshe në Kalabri, por edhe nga takimi kolaboracionist i Hashim Thaçit me Vuçiç në Bruksel.

Meqë jemi tek kolaboracionizmi me serbët, 8 nëntori na kujton edhe themelimin e partisë së Enver Hoxhës prej komunistëve jugosllavë.

Kujtesat e 8 nëntorit të sivjetëm kishin shumë mbishtresa, por një konstante, amnezinë e shtetit. Sot kam marrë qindra telefonata të shqetësuara nga shqiptarë, këndej e andej kufirit (nga diaspora po se po), të shqetësuar e të ndjerë të fyer nga arroganca që u shfaq sot prej disa grekëve në Bularat. Në portalet e Edi Ramës kam lexuar qesëndisje për mikpritjen që arbëreshët dhe presidenti italian Matarella i rezervoi kryetarit të Shtetit Shqiptar, ndërkohe që në facebook-un tim dhe disa dritare të profilizuara kam lexuar klithmat e disa profesorëve që brisnin për gjuhen shqipe në përvjetorin e Formulës së Pagëzimit.

Këto ofshama më errësuan vëmendjen dhe s’e ndoqa dot dëmin që po na shkakton Hashim Thaci. Të gjendur në Mesdhe, është fort luksoze të vuajmë nga amnezitë 100 vjeçare të shtetit. Hallet e pushteteve na e kanë grabitur krejt energjinë ditore, prandaj halli i Edi Ramës mposht fyerjen që përjetuam në mortin e Kacifas, fjala filo-shqiptare e Matarella-s zhurmohet nga lufta politike e Edvinit ne presidentin Meta, kurse për 556-vjetorin e Formulës së Pagëzimit s’kemi mundësi të flasim, pasi në dialogun Thaci-Vucic, në rend të ditës është cirilikja.

Në një vështrim fundditor, amnezitë e shtetit kanë lidhje të forta me 8 nëntorin e 1941-it. Ajo vatër infeksioni, vijon të na rrënojë. Këtë 8 nëntor patëm një ditë shumë të keqe, prandaj s’mund të vijojmë të mendojmë se ylli i fatit të mirë na mjafton. Sa më shpejt të nisim përkujdesjen për fatin tonë, fatin e shqiptarisë si vlerë evropiane - siç tha presidenti italian në Kalabri - aq më shumë do largojmë parashikimin prej kasandrash që shumë mendimtarë shqiptarë kanë bërë, se në ardhtë fundi për shqiptarinë, ai do vijë prej shqiptarëve.

Modifikuar më E Enjte, 08 November 2018 22:31

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Lista/ Shtetet që nuk lejohet të “fluturojnë” në SHBA

Globi

Lista/ Shtetet që nuk lejohet të “fluturojnë” në SHBA

Vitet e fundit udhëtimet nga ajri janë preferuar gjithnjë e më shumë duke pësuar një rritje të konsiderueshme në mbarë botën. Më shumë se katër miliardë njerëz udhëtuan nga ajri...

Greqia e katërta për tatimin mbi pronën në BE,  rënie të thellë në investime

Globi

Greqia e katërta për tatimin mbi pronën në BE,  rënie të thellë në investime

Greqia mban vendin e katërt në BE në lidhje me tatimin më lartë të pronës, sipas një studimi të kryer nga Fondacioni për Hulumtime Ekonomike dhe Industriale, ose IOBE. Studimi gjithashtu...

Helidon Kastrati, histori suksesi në Britani dhe investimi i guximshëm që nuk mbështetet nga shteti shqiptar

Aktualitet

Helidon Kastrati, histori suksesi në Britani dhe investimi i guximshëm që nuk mbështetet nga shteti shqiptar

Nga Mina HYSA Shqiptarët në diasporë pavarësisht vështirësive të fillimit kanë mundur të ndërtojnë më së miri jetën atje ku ndodhen në vende të ndryshme dhe shumë prej tyre kanë qenë...

Sondazh

Nothing found!

Sondazh

Nothing found!