Papa: Kurrë të burgosur të fjalëve a të mbyllur për Shpirtin Shenjt

Tuesday, 24 Prill 2018 19:06

Në Kapelën e Shën Martës, Papa Françesku, duke kremtuar duke kremtuar leximet biblike të Meshës së sotme, reflektoi për rezistencën që i kundërvë njeriu veprës së Shpirtit Shenjt. Në historinë e njeriut “vërehen gjithnjë rezistenca ndaj Shpirtit Shenjt,  kundërshtime përballë risive e “ndryshimeve”. Në homelinë e Meshës, kremtuar në Shën Martë, Papa Françesku reflektoi mbi litugjinë e sotme, duke u ndaluar në mënyrë të posaçme, tek qëndrimet e ndryshme që mban njeriu ndaj Zotit, i cili  vjen gjithnjë drejt nesh, duke sjellë me vete diçka të re, origjinale.

Të burgosurit e ideve

Në Ungjillin e Shën Gjonit vihet fort theksi mbi mbylljen e doktorëve të ligjit, sjellje që, më pas, bëhet krejtësisht e ngurtë. Janë njerëz të aftë për të vënë në qendër vetëm vetveten, të flashkët ndaj veprës së Shpirtit Shenjt. E të pandjeshëm ndaj risive. Papa nënvizoi, posaçërisht, paaftësinë e tyre të plotë për t’i dalluar shenjat e kohës,  ngaqë  mbeten gjithnjë  skllevër të fjalëve e të ideve:

“Rikthehen tek e njëjta pyetje e, të paaftë të dalin nga kjo botë e mbyllur, mbeten gjithnjë të burgosur të ideve. E morën ligjin, që ishte jetë, por e “distiluan”, e shndërruan në ideologji e kështu sillen e përsillen, të pafatë për të dalë nga burgu, ku u vetëmbyllën e çdo risi për ta është kërcënim”.

Liria e bijve të Zotit

Krejt ndryshe duhet të jetë qëndrimi i bijve të Zotit që, edhe në paçin, në fillim, ndonjë farë ngurrimi, janë të lirë e të aftë ta vënë në qendër Shpirtin Shenjt. Shembulli i dishepujve, i treguar në Leximin e Parë, vë në dukje bindjen ndaj së resë e aftësinë për ta mbjellë Fjalën e Zotit edhe jashtë çdo skeme, larg mendimit “kështu është bërë gjithnjë”. Dishepujt e parë - vërejti Papa - iu bindën gjithnjë Shpirtit Shenjt për të bërë një gjë, që ishte shumë më tepër se revolucion, “ishte ndryshim i fuqishëm”. E në qendër të tij, ishte gjithnjë Shpirti Shenjt: jo ligji, Shpirti i Zotit:

“E Kisha ishte Kishë në lëvizje, Kishë që shkonte përtej vetvetes. Nuk ishte grup i mbyllur të zgjedhurish, po Kishë misionare: madje mund të themi se  ekulibri i Kishës është pikërisht lëvizja, me besnikëri ndaj Shpirtit Shenjt. Dikush ka thënë  se ekulibri i Kishës i ngjet ekulibrit të biçikletës: rri në këmbë, kur lëviz. Po e  ndalove, bie. Shembull i mirë”.

Lutje e shqyrtim, për të gjetur rrugën

Mbyllje e hapje; dy skaje të kundërta, që na tregojnë si mund të reagojë njeriu ndaj frymës së Shpirtit Shenjt. I dyti - përfundoi Papa Françesku - është  pikërisht ai i dishepujve, i apostujve: rezistenca e tyre fillestare nuk është vetëm njerëzore, por edhe “garanci se nuk  gënjehen lehtë e pastaj, me lutje e shqyrtim, e gjejnë rrugën e drejtë”.

“Do të ketë gjithnjë rezistencë ndaj Shpirtit Shenjt, gjithnjë, gjithnjë deri në fund të fundit të botës. Zoti na dhashtë hirin të dimë të rezistojmë përballë asaj, së cilës i duhet rezistuar, që vjen nga djalli, që na e heq lirinë e të dimë t’ia hapim zemrën risive, por vetëm atyre, që vijnë nga Zoti, me forcën e Shpirtit Shenjt e na dhashtë hirin t’i dallojmë shenjat e kohës, për të marrë vendimet, që duhen marrë në atë çast”.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Studimi: Nëse postoni foto me këtë ngjyrë, merrni më shumë like

Lifestyle

Studimi: Nëse postoni foto me këtë ngjyrë, merrni më shumë like

Kur Followersat tuaj  janë duke kaluar nëpër postimet tuaja në Instagram, keni vetëm një sekondë, nëse jeni me fat, të kapni vëmendjen e tyre. Por kërkimet tregojnë se ngjyrat në...

Aksidenti me nxënësit në Qafë Thanë, si e shmangu shoferi i autobusit tragjedinë

Aktualitet

Aksidenti me nxënësit në Qafë Thanë, si e shmangu shoferi i autobusit tragjedinë

Për pak sa nuk përfundoi në tragjedi aksidenti i sotëm në Qafë Thanë me autobusin ku udhëtonin rreth 20 nxënës nga rrethi i Fierit. Për të shmangur rënien në humnerë...

Theresa May nuk tërhiqet nga mbështetja për marrëveshjen për Brexit-in

Globi

Theresa May nuk tërhiqet nga mbështetja për marrëveshjen për Brexit-in

Kryeministrja britanike Theresa May i doli në mbrojtje projekt-marrëveshjes së saj të debatueshme për çështjen Brexit, duke i bërë thirrje publikut britanik ta mbështesë atë. Kritikët brenda partisë, të cilët ankohen...

Sondazh

Nothing found!

Sondazh

Nothing found!