Pse nuk shkon ambasada e Shqipërisë në Jerusalem?

Diel, 13 May 2018 19:11
Ja pse Rama nuk shkon në Jerusalem Ja pse Rama nuk shkon në Jerusalem

Nga Fahri Balliu

Pas votimit kundër SHBA-së në OKB, Rama ende nuk e ka deklaruar qëndrimin e tij nëse do ta vendosë ambasadën e Shqipërisë në Jerusalem apo jo. Pavarësisht kësaj, deri më tani veprimet e Ramës tregojnë se ai është kundër vendosjes së ambasadës shqiptare në Jerusalem, çka dëshmon se e ka radhitur Shqipërinë jo në anën e duhur përkrah aleatëve strategjikë të saj. Rama është njeri që nuk nxjerr mësime, por duhet pyetur se peng i kujt është: I ideologjisë së atit të tij shpirtëror Enver Hoxhës? I segmenteve antiamerikane? I bindet urdhrave të Erdoganit? Gjasat janë që Rama po zbaton me verbëri jo vetëm politike, por edhe antikombëtare, urdhrat që merr nga Erdogani. Shqipëria ka detyrime ndaj SHBA-së, sepse ky vend është aleat i rëndësishëm i saj. Shqipëria nuk është as Franca, as Rusia, as Gjermani. Një vend për shqiptarët pak i njohur si Guatemala bëri gjënë e duhur duke marrë vendimin për të çuar ambasadën e vet në Jerusalem. Po Shqipëria pse duhet të jetë prapa? Nesër në Jerusalem, me një protokoll të lartë diplomatik, SHBA do të çelë me ceremoni festive ambasadën e saj në Izrael. Shqipëria falë veprimeve të gabuara e antikombëtare nuk do jetë e pranishme aty.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.