Parlament\ Monika Kryemadhi zbulon frikërat e Ramës…

E Enjte, 29 Mars 2018 13:12

Kryetarja e LSI  Monika Kryemadhi është shprehur e indinjuar për qeverisjen e kryeministrit Edi Rama dhe e cilësoi një ‘’njeri pa ndjesi’’. 

Kryemadhi u shpreh se Rama nuk kursen as familjarët e tij kur vjen puna për interesat e veta. "S’ka kufje sot por s’ka veshë të dëgjojë, nuk ka asnjë lloj ndjesie, kështu ka qenë gjithmonë për një njeri si Edi Rama që për interesat e tij s’ka kursyer as njerëzit e afërt e bashkëpunëtorët. Madje, ata që e njohin mirë e dinë se ai s’ka kursyer familjarët e tij kur ka qenë fjala për të ruajtur karrigen", tha kryetarja e LSI.

Një pjesë nga fjalimi:

“Kjo qeveri shurdhmece, qorre as nuk ndjen nëse ata njerëz kanë ushqim për fëmijët e tyre, kjo qeveri mendon për ta vetëm në ditën e votimit, kjo qeveri mendon si t’i taksojë qytetarët e t'i gjobisë.

Rruga e Kombit rrezikon të kthehet në vijën e demakracionit mes Shqipërisë e Kosovës, për cfarë integrimi flasim kur duhet të paguajmë taksën e izolimit, kjo qeveri ka vetëm një projekt: Shqipëria në shitje, kështu bëri me kanabisin, kështu bëri me shëndetësinë ku së shpejti do japim dhe pacientët me koncesnion, kështu bëri me arsimin, me energjine elektrike ku mbushi burgjet me të vobektë, kjo qeveri po i rreh për vdekje bizneset me taksa, ujin e papishëm në cezma po e paguajmë si naftë, po ndërton kulla si kërpudha pas shiut por s’po ndërton asnjë rrugë.

Kemi kryeministrin e vetëm në botë që quan sukses deportimin e 10 përqind të shqiptarëve, logjikë e një artisti bohem, sot kemi më shumë shitësa se konsumatorë.

Sa herë dal në këtë podium ndihem e pazonja për të thënë zullumet e kësaj qeverie.

S’ka kufje sot por s’ka veshë të dëgjojë, nuk ka asnjë lloj ndjesie, kështu ka qenë gjithmonë për një njeri si Edi Rama që për interesat e tij s’ka kursyer as njerëzit e afërt e bashkëpunëtorët. Madje, ata që e njohin mirë e dinë se ai s’ka kursyer familjarët e tij kur ka qenë fjala për të ruajtur karrigen.

Ky njeri që erdhi në pushtet me paratë e drogës e krimit, sot nuk qeveris por sundon me forcën që i jep malavita”, u shpreh Kryemadhi ndërsa sulmoi edhe kryeprokuoren Arta Marku.

“Drejtësia me kryeprokuroren e re me bekimin e Edi Ramës po kthehet në një vegël qorre për të sulmuar kundërshtarët politikë. Ky njeri s’u ka kthyer përgjigje shqiptarëve c’ndodh me drejtorët e larguar të policisë. Në grupin e tij zotëria ka deputetë që kanë vjedhur pronat por ai hesht për ta se është një prej tyre, ai i ka zgjedhur si model dhe ata e kanë zgjedhur si vasal. Unë që e njoh mirë e di që frikërat e tij përballë prangave dalin përpara cdo gjëje”, u shpeh Kryemadhi.

Modifikuar më E Enjte, 29 Mars 2018 13:22

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

"Gruevski"/ Vjen reagimi i parë i Maqedonisë kundër Hungarisë

Bota Shqiptare

"Gruevski"/ Vjen reagimi i parë i Maqedonisë kundër Hungarisë

Ministria e Punëve të Jashtme të Maqedonisë i ka dorëzuar Hungarisë notë proteste lidhur me ikjen e ish-kryeministrit Nikolla Gruevski dhe me kërkesën së tij për azil në Hungari. Sot në...

Gjykata e Lartë kthehet në depo me 30 mijë dosje që presin të shqyrtohen

Aktualitet

Gjykata e Lartë kthehet në depo me 30 mijë dosje që presin të shqyrtohen

Ndërtesa e Gjykatës së Lartë është kthyer në një depo dosjesh që nuk dihet se kur do shqyrtohen. Janë 30 mijë dosje pezull të vendosura në salla, korridore dhe zyrat...

Enrique Iglesias kap fansen nga të pasmet, ajo e puth

Lifestyle

Enrique Iglesias kap fansen nga të pasmet, ajo e puth

Këngëtari i famshëm Enrique Iglesias në turnetë botërore ka kënaqur dhjetëra femra që kanë pasur fat që t’i këndojnë këngën “Hero”. Këngëtari është një prej meshkujt më të dëshiruar nga femrat...

Sondazh

Nothing found!

Sondazh

Nothing found!