Raporti i SIGMA: 59% e ligjeve në Shqipëri miratohen duke shmangur konsultimin

E mërkurë, 13 June 2018 12:59

 Shqipëria dhe Maqedonia kanë përqindjen më të lartë të ligjeve të miratuara në parlament që nuk ishin të planifikuara më parë ndër vendet e Ballkanit perëndimor. Vlerësimin e ka dhënë SIGMA (një iniciativë e përbashkët e OECD dhe BE për përmirësimin e menaxhimit të qeverisjes në vendet e zgjerimit).

SIGMA renditi Shqipërinë si vendin ku shumica e ligjeve (59%) miratohen spotanisht, duke ju shmangur planeve paraprake, teksa nga (grafiku i mëposhtëm) edhe vendet e tjera të Rajonit vuajnë nga ky fenomen, por me një përqindje më të ulët.

Gjithashtu SIGMA ka konstatuar se qeveritë në Rajon nuk i kanë bërë konsultimet publike pjesë përbërëse e procesit të hartimit të politikave dhe hartimit të legjislacionit.

Përgjithësisht ligjet në vendet e Ballkanit bëhen në mungesë gati të plotë të analizave për ndikimin që kanë në grupet e interesit, teksa pothuajse të gjitha vendet e Ballkanit Perëndimor kanë miratuar një legjislacion modern në lidhje me konsultimin publik

Procedurat, sistemet dhe platformat e IT që realizojnë konsultimet publike shpesh janë jo të plota dhe nuk lehtësojnë konsultime efektive.

Në asnjë nga vendet e Ballkanit nuk janë gjetur prova dhe konsultimet publike kanë ndikuar në hartimin përfundimtar

Nga ana tjetër SIGMA vë në dukje se mbikëqyrja dhe mekanizmat mbështetës në institucionet përkatëse të Këshillit të Evropës janë të dobëta ose nuk ekzistojnë në shumicën e vendeve. Kjo nuk siguron zbatimin efektiv dhe në përputhje të rregullave.

SIGMA këshillon se nevojiten më shumë përpjekje dhe burime për të përmirësuar zbatimin e rregullave ekzistuese të konsultimit publik.

Ngritja dhe fuqizimi i funksionit mbikëqyrës dhe mbështetës për konsultime publike për të siguruar respektimin e rregullave dhe kërkesave.

Gjithashtu nevojitet një planifikim legjislativ më realist dhe reduktim të përdorimit të procedurave të jashtëzakonshme në hartimin e legjislacionit.

Ndryshimi i kulturës brenda administratës është i nevojshëm për të siguruar që të gjithë pjesëmarrësit e procesit të konsultimit publik të kuptojnë dhe vlerësojnë procesin dhe ta përdorin atë për të përmirësuar ligjet.

SIGMA rekomandon që çdo konsultim publik të përqendrohet në diskutimin e masave dhe përmbajtjes së politikave, jo të dispozitave ligjore dhe teknikave të hartimit. Duhet të lehtësohet konsultimi duke publikuar materiale mbështetëse, siç janë dokumentet e veçanta të konsultimit.

SIGMA ka vënë re që palët e interesuara dhe qytetarët nuk po marrin njoftim paraprak dhe kohë të mjaftueshme për të marrë pjesë në konsultime.

sigurime.png

 

Modifikuar më E mërkurë, 13 June 2018 18:53

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Arrihet marrëveshje armëpushimi në portin e Jemenit

Globi

Arrihet marrëveshje armëpushimi në portin e Jemenit

Shefi i OKB-së Antonio Guterres njoftoi të enjten një seri përparimesh në bisedimet me rivalët në konfliktin e Jemenit, duke përfshirë një armëpushim për një port vital. Në një gjest shumë...

LAJM I FUNDIT-Skandali/Ja sa burg kërkoi prokuroria për Rexhep Rrajën

Aktualitet

LAJM I FUNDIT-Skandali/Ja sa burg kërkoi prokuroria për Rexhep Rrajën

  Prokuroria ka dhënë pretencën ditën e sotme për Rexhep Rrajën, djalin e deputetit të PS-së Rrahman Rraja. Prokuroria ka kërkuar 1 vit burg për Rexhep Rrajën. Rraja akuzohet për pëndjekje të...

Përkujtohet në Tiranë albanologu Milan Shuflaj

Kulturë

Përkujtohet në Tiranë albanologu Milan Shuflaj

Kroati dëshmor i albanologjisë, Milan Shuflaj u përkujtua në një event të quajtur ditët kroate, por që më shumë kishte për bazë ndërtimin e urave ndërmjet dy vendeve. Deputetja shqiptare e...

Sondazh

Nothing found!

Sondazh

Nothing found!