Ish-ministrja e Integrimit kundër ndarjes së kufirit Kosovës: Të gjejmë vlerat e përbashkëta

Premte, 10 August 2018 16:17

Në kohën kur në Kosovë, Shqipëri dhe Serbi po diskutohet për çështjen e kufijve të Kosovës ka ardhur edhe reagimi i ish-ministres së Integrimit Klajda Gjosha. Kjo e fundit përmes një postimi në ‘facebook’ thekson se Ballkani ka qenë dhe vazhdon të mbetet një vatër e nxehtë, dhe epiqendër për lindjen e konflikteve.

Ndërsa shprehet kundër ndarje apo rishpërndarje të kufijve, Gjosha nënvizon faktin se Ballkani kërkon njerëz vizionar që në shekullin ku ne jetojmë të mos mendojnë për këto çështje.

Po ashtu ish-ministrja pohon se çështjet në Ballkan nuk trajtohen dot me burokraci apo me disa arritje imagjinare në cv-të e tyre.

Postimi i plotë:

Ballkani ka qenë dhe vazhdon të mbetet një vatër e nxehtë, epiqendër e lindjes së konflikteve dhe ku termi stabilitet asnjë herë nuk ka marrë kuptimin e duhur.

Ndër vite është dashur që fuqitë e mëdha të ushtrojnë presionin por dhe mbështetjen e tyre në mënyrë që të arrihej deri diku një lloj paqeje e brishtë, mes vendeve që gjithmonë kanë pasur probleme etnike, territoriale e që jo pak herë kanë rezultuar në luftra të përgjakshme.

Çështjet në Ballkan nuk trajtohen dot me burokraci dhe teknikalitete, as me njerëz që kërkojnë të shtojnë disa arritje imagjinare në cv-të e tyre dhe aq me pak me ata që mendojnë se të jesh kryeministër i një vendi ballkanik do të thotë të veprosh sikur drejton Amerikën!

Ballkani kërkon njerëz vizionar që në shekullin ku ne jetojmë të mos mendojnë për ndarje apo rishpërndarje kufijsh por mbi çdo gjë tjetër për gjetjen e vlerave të përbashkëta, bashkëpunimin ekonomik pa pengesa dhe respektimin e të drejtave të njeriut në cilindo vend ku ata jetojnë.

BE dhe SHBA, si partner të pazëvendësueshëm strategjik, duhet të jenë pjesë e zgjidhjes së problemeve me njerëz që njohin historinë dhe mentalitetin ballkanik. Për të gjithë ne është jetike mbështetja e tyre e sinqertë, si udhërrefyes te perspektivës tonë euro atlantike. Ballkani i izoluar në vetvete dhe me lidera që mendojnë të ruajnë vetëm pushtetin dhe status quo-n e tyre, duke shkelur çdo prioritet kombëtar e rajonal, mund të kthehet shumë shpejt në një rajon që vë në rrezik stabilitetin dhe sigurinë europine!

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Këto janë ushqimet që nuk duhet të hani kur pini ilaçe

Shëndeti

Këto janë ushqimet që nuk duhet të hani kur pini ilaçe

Zakonisht thuhet që shumë ilaçe duhet të merren dhe me ushqime, për të mbrojtur stomakun tuaj. Por a e dini se disa ushqime dhe pije duhen shmangur me çdo kusht? Kjo...

Çfarë do të thotë të jesh person i turpshëm

Lifestyle

Çfarë do të thotë të jesh person i turpshëm

Kujdes nga personat që nuk skuqen! Nga ata të cilët kurrë nuk i ulin sytë apo nuk kërcasin gishtat nga sikleti. Ose ata që nuk pengohen me fjalë ose qe nuk...

Fotografitë e fëmijërisë së Ritës që nuk i keni parë deri sot

Show-biz

Fotografitë e fëmijërisë së Ritës që nuk i keni parë deri sot

Në librin rreth jetës së Rita Orës është edhe fotografia e lagjes dhe bllokut ku Rita ka pasur shtëpinë në Prishtinë. Poashtu, ka edhe foto të shkollës ku Rita ka shkuar...

Sondazh

Nothing found!

Sondazh

Nothing found!